Bláklukkuætt (Latína: Campanulaceae) er ætt blómplantna. Bláklukkuætt inniheldur næstum 2400 tegundir í 84 ættkvíslum sem flestar eru jurtkenndar plöntur en sumar eru runnar og örfáar eru smávaxin tré. Sumar tegundir af bláklukkuætt hafa mjólkursafa í vefjum sínum. Meðal ættkvísla af bláklukkuætt eru klukkur (Campanula), og algengar garðplöntur eins og blöðrublóm (Platycodon) og Lobelia.
Bláklukkuætt | ||||||||||
---|---|---|---|---|---|---|---|---|---|---|
![]() Bláklukka (Campanula rotundifolia) er algeng á Íslandi, sérstaklega á Austurlandi. | ||||||||||
Vísindaleg flokkun | ||||||||||
| ||||||||||
Undirættir | ||||||||||
Campanuloideae | ||||||||||
Plöntur af bláklukkuætt vaxa um allan heim og finnast á öllum heimsálfum nema Suðurskautslandinu. Tegundir af bláklukkuætt finnast í ríkum mæli á afskekktum eyjum og eyjaklösum, til dæmis eru yfir 100 tegundir af bláklukkuætt einlendar á Hawaii. Meginlandssvæði með mikla fjölbreytni plantna af bláklukkuætt eru Suður-Afríka, Kalifornía og Norður-Andesfjöll.
Búsvæði plantna af bláklukkuætt eru fjölbreytileg og ná allt frá hróstrugustu eyðimörkum að regnskógum. Landfræðilega nær bláklukkuætt allt frá háarktískum svæðum að hitabeltinu, auk vatnabúsvæða, sjávarhamra og háfjallabúsvæða.
Tvær tegundir af bláklukkuætt finnast á Íslandi, bláklukka (Campanula rotundifolia) og fjallabláklukka (Campanula uniflora).
Plöntur af undirættinni Lobelioideae innihalda alkalóíðann lóbelín. Sú fjölsykra sem tegundir af bláklukkuætt nota sem forðanæringu er inúlín, sama forðanæring og plöntur af körfublómaætt.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.