25. janúar

25. janúar er 25. dagur ársins samkvæmt gregoríska tímatalinu. 340 dagar (341 á hlaupári) eru eftir af árinu.

Des – Janúar – Feb
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2024 Allir dagar

Atburðir

• 817 - Paskalis 1. varð páfi.
• 1308 - Játvarður 2. Englandskonungur gekk að eiga Ísabellu af Frakklandi. Þau voru krýnd réttum mánuði síðar.
• 1320 - Kristófer 2. varð konungur Danmerkur eftir Eirík menved bróður sinn, sem dó í nóvember 1319.
• 1327 - Játvarður 3. varð konungur Englands.
• 1494 - Alfons 2. varð konungur Napólí.
• 1533 - Hinrik 8. giftist Önnu Boleyn.
• 1551 - Norðlenskir vermenn á Suðurnesjum drápu Kristján skrifara og þrettán aðra menn á Kirkjubóli á Miðnesi.
• 1559 - Píus 4. (Giovanni Angelo Medici) var kjörinn páfi.
• 1564 - Portúgalir stofnuðu borgina São Paulo í Brasilíu.
• 1732 - Níu manns fórust og níu komust af úr snjóflóði, sem féll á bæinn Brimnes við Seyðisfjörð.
• 1755 - Moskvuháskóli var stofnaður.
• 1831 - Pólska þingið lýsti yfir sjálfstæði landsins. Það leiddi til stríðs við Rússa, sem höfðu ráðið landinu. Í október vann rússneski herinn sigur á liði Pólverja og landið varð aftur hluti af Rússaveldi.
• 1924 - Fyrstu vetrarólympíuleikar sögunnar voru settir í Chamonix í Frakklandi.
• 1937 - Framhaldsþátturinn Leiðarljós hóf göngu sína í útvarpi í Bandaríkjunum.
• 1942 - Sveitarstjórnarkosningar voru haldnar á Íslandi.
• 1949 - Fyrstu ísraelsku kosningarnar fóru fram. David Ben-Gurion varð forsætisráðherra Ísraels.
• 1958 - Sveitarstjórnarkosningar á Íslandi
• 1971 - Idi Amin steypti Milton Obote af stóli og varð forseti Úganda.
• 1974 - Geirfinnsmálið: Guðmundur Einarsson hvarf sporlaust.
• 1975 - Sheikh Mujibur Rahman lýsti yfir neyðarástandi í Bangladess. Skömmu síðar voru allir stjórnmálaflokkar, aðrir en Awami-bandalagið, bannaðir.
• 1978 - Stórhríð gekk yfir í Ohio-dal og við Vötnin miklu.
• 1978 - Fyrrverandi borgarstjóri Barselóna, Joaquín Viola, var myrtur.
• 1980 - Kvikmyndin Land og synir var frumsýnd á Íslandi.
• 1981 - Bruninn í Kötlufelli: Kona kveikti í rúmi þar sem eiginmaður hennar lá með þeim afleiðingum að hann lést.
• 1981 - Jiang Qing var dæmd til dauða í Alþýðulýðveldinu Kína.
• 1983 - Geimskoðunarstöðinni IRAS var skotið á loft.
• 1986 - Uppreisnarher Yoweri Museveni náði völdum í Úganda eftir fimm ára borgarastyrjöld.
• 1987 - Sænski tennisleikarinn Stefan Edberg sigraði Opna ástralska meistaramótið.
• 1988 - Varaforseti Bandaríkjanna, George H. W. Bush, reiddist sýnilega í sjónvarpsviðtali við Dan Rather á CBS um Íran-Kontrahneykslið.
• 1990 - Skógrækt ríkisins var flutt til Egilsstaða, fyrsta ríkisstofnunin, sem var flutt út á land.
• 1990 - Stefán Hörður Grímsson hlaut Íslensku bókmenntaverðlaunin, sem veitt voru í fyrsta sinn.
• 1990 - Avianca flug 52 hrapaði á Long Island í New York með þeim afleiðingum að 73 fórust.
• 1990 - 97 létust þegar Burnsdagsstormurinn gekk yfir norðvesturhluta Evrópu.
• 1990 - Jóhannes Páll 2. páfi hóf opinbera heimsókn sína til Grænhöfðaeyja, Gíneu-Bissá, Malí, Búrkína Fasó og Tsjad.
• 1992 - Þorgeir Þorgeirson gegn íslenska ríkinu: Mannréttindadómstóll Evrópu dæmdi Þorgeiri í vil.
• 1993 - Sósíaldemókratinn Poul Nyrup Rasmussen varð forsætisráðherra Danmerkur.
• 1995 - Norðmenn sendu upp tilraunaeldflaug til að rannsaka Norðurljósin með þeim afleiðingum að varnarkerfi Rússlands fór í gang og varaði við kjarnorkuárás.
• 1995 - Ítalski stjórnmálaflokkurinn Alleanza nazionale var stofnaður á grunni nýfasistaflokksins MSI.

• 2002 - Fyrsta útgáfa MediaWiki-hugbúnaðarins kom út.
• 2004 - Opportunity (MER-B) lenti á Mars.
• 2005 - 250 létust í troðningi við hofið Mandhradevi á Indlandi.
• 2010 - 90 fórust þegar Ethiopian Airlines flug 409 hrapaði í Miðjarðarhafið skömmu eftir flugtak frá Beirút.
• 2011 - Hæstiréttur Íslands ógilti kosningar til stjórnlagaþings á Íslandi 2010 vegna galla á framkvæmd þeirra.
• 2011 - Arabíska vorið: Mótmæli gegn Hosni Mubarak hófust í Egyptalandi.
• 2019 – Stífla fyrir námuúrgang brast í Brumadinho í Brasilíu með þeim afleiðingum að 270 létust.
• 2020 – Boeing 777X flaug í fyrsta skipti.
• 2023 - Chris Hipkins tók við embætti forsætisráðherra Nýja-Sjálands eftir afsögn Jacindu Ardern.

Fædd

• 1477 - Anna, hertogaynja af Bretagne og drottning Frakklands (d. 1514).
• 1615 - Govert Flinck, hollenskur listmálari (d. 1660).
• 1627 - Robert Boyle, írskur efnafræðingur (d. 1691).
• 1736 - Joseph Louis Lagrange, franskur stærðfræðingur (d. 1813).
• 1759 - Robert Burns, skoskt skáld (d. 1796).
• 1859 - Sighvatur Bjarnason, íslenskur bankastjóri og bæjarfulltrúi (d. 1929).
• 1882 - Virginia Woolf, enskur rithöfundur (d. 1941).
• 1888 - Kristín Jónsdóttir, íslensk myndlistarkona (d. 1959).
• 1899 - Paul-Henri Spaak, belgískur stjórnmálamaður (d. 1972).
• 1915 - Ewan MacColl, enskur þjóðlagasöngvari (d. 1989).
• 1928 - Eduard Sjevardnadse, forseti Georgíu (d. 2014).
• 1932 - Yukio Shimomura, japanskur knattspyrnumaður.
• 1933 - Corazon Aquino, forseti Filippseyja (d. 2009).
• 1938 - Vladimír Vísotskí, rússneskur söngvari (d. 1980)
• 1942 - Eusébio, portúgalskur knattspyrnumaður (d. 2014).
• 1950 - Ásgeir Þór Davíðsson, íslenskur athafnamaður (d. 2012).
• 1960 - Nobuyo Fujishiro, japanskur knattspyrnumaður.
• 1960 - Halldór Þorgeirsson, íslenskur kvikmyndaframleiðandi.
• 1962 - Steinunn Ólafsdóttir, íslensk leikkona.
• 1965 - Harpa Árnadóttir, íslensk myndlistarkona.
• 1967 - David Ginola, franskur knattspyrnuleikari.
• 1974 - Nuno Espírito Santo, portúgalskur knattspyrnumaður.
• 1975 - Tim Montgomery, bandarískur frjálsíþróttamaður.
• 1978 - Volodymyr Zelenskyj, forseti Úkraínu.
• 1980 - Xavi, spænskur knattspyrnumaður.
• 1981 - Alicia Keys, bandarísk söngkona.
• 1982 - Noemi, ítölsk söngkona.
• 1983 - Yasuyuki Konno, japanskur knattspyrnumaður.
• 1984 - Robinho, brasilískur knattspyrnumaður.
• 1987 - Pavel Ermolinskij, íslenskur körfuknattleiksmaður.
• 1993 - Júlían Jóhann Karl Jóhannsson, íslenskur kraftlyftingamaður.

Dáin

• 1431 - Karl 2., hertogi af Lorraine (f. 1364).
• 1559 - Kristján 2. Danakonungur (f. 1481).
• 1586 - Lucas Cranach yngri, þýskur listmálari (f. 1515).
• 1947 - Al Capone, bandarískur glæpaforingi (f. 1899).
• 1952 - Sveinn Björnsson, fyrsti forseti Íslands (f. 1881).
• 2015 - Demis Roussos, grískur söngvari (f. 1946).
• 2017 - John Hurt, enskur leikari (f. 1940).
• 2017 - Mary Tyler Moore, bandarísk leikkona (f. 1936).