Febrúar

Febrúar eða febrúarmánuður er annar mánuður ársins og er nefndur eftir Februus, rómverskum guði hreinleika. Í febrúar eru 28 dagar, 29 ef árið er hlaupár.

Jan – Febrúar – Mar
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29
2024 Allir dagar

Orðsifjar

Orðið febrúar er komið úr latínu, þar sem það hét Februarius. Uppruna sinn á það að rekja til Rómaborgar hinnar fornu, en þar var haldin einskonar trúarsamkoma í helli við ána Tíber. Tveir ungir menn voru valdir til að slátra geitum, en síðan voru ristir þvengir úr húðum þeirra og fengnir unglingunum. Þessir þvengir voru kallaðir februa, en það merkir: hreinsunartæki. Þeim fylgdi sú náttúra að ef konur voru lamdar með þeim urðu þær ekki lengur ófrjóar. Síðan hlupu strákarnir um alla Rómaborg með hina helgu þvengi og lömdu með þeim allar þær ófrjóu konur sem þeir mættu. Töframáttur þvengjanna stafaði frá Júnó sem var frjósemisgyðja og kölluð Februaria. Þaðan er komið heiti mánaðarins.

Hátíðis og tyllidagar

• Valentínusardagurinn (14. febrúar)
• Bolludagur
• Sprengidagur
• Öskudagur

Veðurfar á Íslandi í febrúar

Reykjavík

• Meðalhiti 0,5 °C
• Úrkoma 81,8mm
• Sólskinsstundir 111,1

Akureyri

• Meðalhiti -1,5°C
• Úrkoma 42,5mm
• Sólskinsstundir 36,0

Æðey (Ísafjarðardjúpi)

• Meðalhiti -1,4 °C
• Úrkoma 49,1mm
• Sólskinsstundir NA

Dalatangi (Austfjörðum)

• Meðalhiti 0,6 °C
• Úrkoma 102,7mm
• Sólskinsstundir NA

Stórhöfði (Vestmannaeyjum)

• Meðalhiti 2,0 °C
• Úrkoma 139,1mm
• Sólskinsstundir NA

Heimildir

• Veðurfarsupplýsingar af vef Veðurstofu Íslands sem sýna meðaltöl áranna 1961-1990 Geymt 5 nóvember 2005 í Landsbókasafni Íslands – Háskólabókasafni