Diplazium esculentum
sebbangan ti mula From Wikipedia, the free encyclopedia
sebbangan ti mula From Wikipedia, the free encyclopedia
Ti Diplazium esculentum, ti nateng a pako, ket ti maysa a masida a pako a mabirukan iti amin a paset ti Asia ken Oceania. Daytoy ti mabalin a kaaduan a masidsida a pako.[1] Daytoy ket ammo a pucuk paku ken paku tanjung iti Malaysia, pako iti Filipinas,[2] dhekia (ঢেকীয়া) iti Assam "Dhenkir Shaak (ঢেঁকির শাক) iti Bengali ", paloi saag (পালই শাগ ) iti sylheti ken linguda iti akin-amianan nga India, a mangibagbaga iti agkulot a saringitna. Ammo daytoy a kas phak khut iti Tailandia (Tailandes: ผักกูด). Mabalin nga addaan daytoy iti bassit a gatad iti sabidong iti pako ngem awan ti naireporta a nakaro nga epekto iti sabidong.[3]
Diplazium esculentum | |
---|---|
![]() | |
Taksonomia ![]() | |
Pagarian: | Plantae |
Klado: | Tracheophytes |
Klase: | Polypodiopsida |
Urnos: | Polypodiales |
Sub-urnos: | Aspleniineae |
Pamilia: | Athyriaceae |
Henero: | Diplazium |
Sebbangan: | D. esculentum |
Dua a nagan | |
Diplazium esculentum (Retz.) Sw. | |
Kapada a nagan | |
Athyrium esculentum |
Ti henero ti Diplazium ket adda iti pamilia ti Athyriaceae, iti klado ti eupolypodiales II[4] iti urnos ti Polypodiales,[5] iti klase ti Polypodiopsida.[6]
Daytoy a mula ket dakkel a perenial a pako nga adaan iti agpababa a risoma iti agarup a 20 cm iti kangato ken naabbongan kadagiti ababa a maralabbasit-kayumanggi wenno kayumanggi-nalabbasit a siksik iti agarup a 1 cm iti kaatiddog. Ti mula ket dua-pinnado nga adddaan kadagiti marakayumanggi a puon ti bulong, ken ti puon ti bulong ket nangisit ken naabbongan kadagiti ababa a siksik a petiole. Ti saringit ket makaabot iti 1.5 cm iti kaatiddog, ken ti pinnae ket agarup a 8 cm iti kaatiddog ken 2 cm iti kaakaba.[7]
Dagiti ubbing a saringit ket maigisa ken maus-usar kadagiti ensalada.[2][8]
Ti yaon ket addaan pay iti aktibidad a manglapped nga alpha-glucosidase.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.