Ti urnos ti Polypodiales ket mangbukel kadagiti nangruna a linia dagiti polypod a pako, a mangbukel iti ad-adu ngem 80% kadagiti sebbangan ti pako ita nga aldaw. Mabirukan dagitoy kadagiti adu a parte iti lubong a mairaman ti tropikal, semitropikal ken dagiti kalalainganna a klima.
Polypodiales | |
---|---|
![]() | |
Polypodium californicum | |
Taksonomia ![]() | |
Pagarian: | Plantae |
Klado: | Tracheophytes |
Klase: | Polypodiopsida |
Subklase: | Polypodiidae |
Urnos: | Polypodiales Link (1833) |
Dagiti sub-urnos[1] | |
6. Kitaen ti teksto |
Deskripsion
Naiduma dagiti Polypodiales gapu ta agpataudda iti esporangia nga addaan iti maysa a bertikal nga annulus a pasardengan babaen ti ungkay ken estomium.[2] Dagitoy a maipapan iti esporangia a pakailasinan ket inus-usar idi babaen ni Johann Jakob Bernhardi tapno maipalawag ti maysa a grupo dagiti pako a tinawtawaganna iti "Cathetogyratae";[3] insingasing ti Pteridophyte Phylogeny Group iti panangipaungar manen iti daytoy a nagan a kas ti impormal a termino iti cathetogyrates, tapno masukatan ti di nalawag a panangigawid a termino iti "polypods" no mangibagbaga kadagiti Polypodiales.[1] Mapataud dagiti esporangia kadagiti ungkay iti 1–3 iti kapuskol a selula a masansan nga atiddog ti ungkayna.[2] (Iti pakaigiddiatan, ti Hymenophyllales ket addaan iti ungkay a buklen dagiti uppat nga aray dagiti selula.)[4] Ti esporangia ket saanda nga aggigiddan a mataengan. Adu kadagiti grupo ket awanda iti indusia, ngem no adda, maikapetda iti igid ti indusium wenno iti tengngana.[2]
Ti Polypodiales ken Cyatheales ket magiddiatda kadagiti sabali a pako gapu ta addaanda iti maysa a potoreseptor a tinawtawagan iti maysa a neokroma, a mangipalubos kaniada a nasaysayaat a mangibanag iti potosistesia kadagiti kondision ti ababa a lawag, kas dagiti anniniwan ti datar ti bakir. Ti sapasap a tinaudan dagiti dua a grupo ket agparang a naala iti neokroma manipud iti horisontal a panangiyakar iti gene manipud iti maysa a hornwort.[5]
Dagiti Gametophytes ket berde, kadawyan nga agsuko iti puso, ken agtubo iti rabaw[2] (imbes nga iti sirok ti daga, a kas ti Ophioglossales).[6]
Taksonomia
Iti pakasaritaan, dagiti pako ket naikabildan kadagiti nadumaduma a pannakaidasig (kitaen ti repaso babaen da Christenhusz ken Chase, 2014).[7] Smith et al. (2006) a naaramid iti immuna a nangatngato nga agpang a panangidasig ti pteridophyte a naipablaak iti panawen ti molekular a pilohenetiko.[8] Kinunkuna ni Smith dagiti pako a kas dagiti monilophytes, ken biningbingayna dagitoy kadagiti uppat a grupo. Ti kaaduan kadagiti pako ket naikabil iti Polypodiopsida, ken dayta a pannakaurnos ket nagtultuloy kadagiti amin a simmaruno a sistema, urayno adda dagiti panagbaliw iti nomenklatura.[9][10][7][1] Inus-usar ti Polypodiopsida iti nainget a kapanunotan (sensu stricto) babaen ni Smith et al. gapu ta kanungpalan daytoy a naipakat kadagiti amin a pako (sensu lato), bayat a daytoy a dakkel a grupo ket nagbalin nga ammo a kas Polypodiidae. Impormal pay nga ammo daytoy a grupo a kas dagiti leptosporangiate a pako, bayat a dagiti nabati a grupo (dagiti subklase) ket naibagbagada a kas dagiti eusporangiate a pako. Nabingbingayen ti Polypodiidae kadagiti pito nga urnos manipud iti dayta a panagadal, ti kadakkelan kadagitoy ket ti Polypodiales. Ti pilohenetiko a pannakaikabagian a pagbetan dagiti urnos ti Polypodiidae ket naipakita iti daytoy a kladograma.[1]
Polypodiidae |
| ||||||||||||||||||||||||||||||||||||
Dagiti nagibasaran
Bibliograpia
Dagiti akinruar a silpo
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.