հայ արձակագիր, լրագրող, խմբագիր From Wikipedia, the free encyclopedia
Ռոլանդ Դանիելի Շառոյան (օգոստոսի 11, 1952, Աշնակ, Թալինի շրջան, Հայկական ԽՍՀ, ԽՍՀՄ), հայ գրող, արձակագիր, բանաստեղծ, դրամատուրգ, սցենարիստ, լրագրող, ԽՍՀՄ գրողների և ժուռնալիստների միության անդամ՝ 1982 թվականից։
Ռոլանդ Դանիելի Շառոյան | ||||
| ||||
---|---|---|---|---|
մայիս 8, 1998 - հունիս 11, 2003 | ||||
Նախորդող | Արմեն Սմբատյան | |||
Հաջորդող | պաշտոնը վերացվել է, Թամարա Պողոսյանը որպես ՀՀ Մշակույթի և երիտասարդության հարցերի նախարար, Իշխան Զաքարյանը որպես ՀՀ ԿԱ ֆիզիկական կուլտուրայի և սպորտի պետական կոմիտեի նախագահ | |||
Կրթություն՝ | Երևանի պետական համալսարան | |||
Մասնագիտություն՝ | լրագրող, խմբագիր և արձակագիր | |||
Ծննդյան օր | օգոստոսի 11, 1952 (72 տարեկան) | |||
Ծննդավայր | Աշնակ, Թալինի շրջան, Հայկական ԽՍՀ, ԽՍՀՄ | |||
Քաղաքացիություն | ![]() | |||
Պարգևներ |
Ծնվել է 1952 թ. օգոստոսի 11-ին, Թալինի շրջանի Աշնակ գյուղում։ 1974 թվականին ավարտել է ԵՊՀ բանասիրական ֆակուլտետի ժուռնալիստիկայի բաժինը։ 1974-1975 թվականներին աշխատել է ՀԽՍՀ Նախարարների խորհրդի հեռուստատեսության և ռադիոհաղորդումների պետական կոմիտեի երիտասարդական հաղորդումների խմբագրությունում որպես խմբագիր, 1976-1977 թվականներին՝ հեռուստատեսային ֆիլմերի «Երևան» ստուդիայում՝ որպես ֆիլմի տնօրեն։ 1977-1986 թթ․ աշխատել է «Ծիծեռնակ», իսկ 1986-1994 թթ. «Գարուն» ամսագրերի խմբագրություններում, որպես գրական բաժնի վարիչ։ Հիմնադրել և խմբագրել է «Մարզաշխարհ», «Նավասարդ» և «Էրգիր» թերթերը[1]։
Եղել է ՀՀ մշակույթի, երիտասարդության հարցերի և սպորտի նախարար (1998-2003 թթ.): 2003 թվականից աշխատում է Ֆիզիկական կուլտուրայի հայկական պետական ինստիտուտում որպես մարզական լրագրության և շախմատի ամբիոնի վարիչ։ Հայաստանի Հանրապետության Բարձրագույն որակավորման հանձնաժողովի կողմից արժանացել է պրոֆեսորի կոչման՝ գիտաստեղծագործական մենագրությունների և ուսումնական ձեռնարկների համար (1999 թ․): Հայաստանի ֆիզիկական կուլտուրայի և սպորտի պետական ինստիտուտի պատվավոր պրոֆեսոր է։ Համահայկական խաղերի համահիմնադիր է, Համահայկական խաղերի համաշխարհային կոմիտեի պատվո շքանշանակիր և ոսկե մեդալակիր, «Ոսկե ծիրան» միջազգային կինոփառատոնի համահիմնադիր է, Մշակույթի զարգացման բարեգործական հիմնադրամի հիմնադիր նախագահը։
2016 թվականին ՀՀ նախագահի հրամանագրով նշանակվել է Հեռուստատեսության և ռադիոյի ազգային հանձնաժողովի անդամ՝ վեց տարի ժամկետով[2]։
21 գրքի հեղինակ է։ Ստեղծագործում է և՛ մեծերի, և՛ երեխաների համար։ Նրա ստեղծագործությունները թարգմանվել են ռուսերեն, գերմաներեն, հունգարերեն, ուկրաիներեն, սլովակերեն, չեխերեն, բուլղարերեն, բելոռուսերեն, տաջիկերեն, վրացերեն։
Նրա սցենարով նկարահանվել է «Կորսված դրախտ» գեղարվեստական ֆիլմը (ռեժ․՝ Դավիթ Սաֆարյան,1989, «Հայֆիլմ»), որն Ամստերդամի միջազգային կինոփառատոնում մրցանակ է ստացել լավագույն էկզոտիկ ֆիլմի սցենարի համար։ Աշխատակցել է նաև Արտավազդ Փելեշյանի «Տարվա եղանակներ» կինոպոեմի, ինչպես նաև Օլեգ Բաղդասարյանի «Արագիլները» վավերագրական ֆիլմի ստեղծմանը։
2003 թվականին Գաբրիել Սունդուկյանի անվան ազգային ակադեմիական թատրոնում բեմադրվել է նրա «Մեր բաժին ուրախությունը» դրաման (բեմադրիչ՝ ՀՀ ժողովրդական արտիստ Վահե Շահվերդյան)[3]։
Նախորդող Արմեն Սմբատյան |
ՀՀ Մշակույթի, երիտասարդության հարցերի և սպորտի նախարար Ռոլանդ Շառոյան մայիսի 8, 1998 - հունիսի 11, 2003 |
Հաջորդող պաշտոնը վերացվել է, Թամարա Պողոսյանը որպես ՀՀ Մշակույթի և երիտասարդության հարցերի նախարար, Իշխան Զաքարյանը որպես ՀՀ ԿԱ ֆիզիկական կուլտուրայի և սպորտի պետական կոմիտեի նախագահ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.