![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e8/Baltic_states.svg/langhy-640px-Baltic_states.svg.png&w=640&q=50)
Բալթյան երկրներ
From Wikipedia, the free encyclopedia
Բալթյան երկրներ կամ Մերձբալթիկա (ռուս.՝ Прибалтика, էստ․՝ Baltimaad, լիտ.՝ Baltijos valstybės, լատիշ․՝ Baltijas valstis), տարածք Հյուսիսային Եվրոպայում[1], որը մոտավորապես համընկնում է Էստոնիայի, Լատվիայի, Լիտվայի և Ռուսաստանի Դաշնության Կալինինգրադի մարզի (նախկին Արևելյան Պրուսիա) տարածքներին[2][3][4]։ Արևմուտքում սահմանակից է Բալթիկ ծովի ափին գտնվող մեկ այլ մարզին, որ կոչվում է Պոմորյե (ռուս.՝ Поморье, լատին․՝ Pomerania, շվեդ. և գերմ.՝ Pommern)։
![Thumb image](http://upload.wikimedia.org/wikipedia/commons/thumb/e/e8/Baltic_states.svg/640px-Baltic_states.svg.png)
Նախկին Ռուսական կայսրության պատմական մարզերից է, որ մինչև 19-րդ դարի առաջին քառորդը կոչվում էր նաև Օստզեյի մարզ (գերմ.՝ Ostsee՝ արևելյան ծով), իսկ ռուսական տարեգրության մեջ՝ Մերձբալթիկայի կամ Օստզեյի երկրամաս (ռուս.՝ Остзейский или Прибалтийский край)։
1990 թվականից սկսած բալթյան 3 պետությունները դուրս են գալիս ԽՍՀՄ կազմից։ Նրանք այժմ Եվրամիության կազմում են, և հավակնում են «Սկանդինավյան երկրներ» կոչմանը, ինչպիսիք համարվում են Սկանդինավյան թերակղզու երկրներ Շվեդիան, Նորվեգիան, ինչպես նաև Ֆինլանդիան, Դանիան, և նույնիսկ՝ հեռավոր Իսլանդիան։