Ջիվան Ավետիսյան

Ջիվան Իգնատի Ավետիսյանը (նոյեմբերի 19, 1981(1981-11-19), Լենինական, Հայկական ԽՍՀ, ԽՍՀՄ), հայ կինոռեժիսոր, ում ստեղծած ֆիլմերը արժանացել են բազում միջազգային մրցանակների և ներկայացվել են աշխարհի հեղինակավոր կինոփառատոններում^[1]։

Վիքիպեդիայում կան հոդվածներ Ավետիսյան ազգանունով այլ մարդկանց մասին։

Ջիվան Ավետիսյան
Ծնվել է	նոյեմբերի 19, 1981 (42 տարեկան)
Ծննդավայր	Գյումրի
Կրթություն	Երևանի թատրոնի և կինոյի պետական ինստիտուտ
Քաղաքացիություն	Հայաստան և  ԽՍՀՄ
Ազգություն	հայ
Մասնագիտացում	ռեժիսոր
IMDb	ID ID 6056651

2020 թ․ Ավետիսյանը դառնում է Berlinale Talents 2020-ի անդամ, 2024 թ․՝ Եվրոպական Կինոակադեմիայի անդամ։

Ավետիսյանը իր կյանքի առաքելությունն է համարում ֆիլմերի միջոցով աշխարհին հայության և Արցախի մասին պատմելը և Արցախը աշխարհի քարտեզի վրա դնելը։

Մինչ օրս ստեղծել է չորս գեղարվեստական ֆիլմ Թևանիկը (2014), Վերջին Բնակիչը (2016), Դրախտի Դարպասը (2019) և Վերածնվածը (2025) (հետարտադրական փուլ)։ Բոլոր ֆիլմերը ստեղծվել և ստեղծվում են միջազգային համագործակցության արդյունքում։

Կենսագրություն

Ջիվան Ավետիսյանը ծնվել է Գյումրիում, ապրել Ստեփանակերտում, այժմ բնակվում է Երևանում։

1998-1999 թվականներին ռեժիսորական կուրսեր է անցել Հայաստանի հանրային հեռուստաընկերությունում։ 1999-2001 թվականներին ԼՂՀ ՊԲ-ում անցել է ժամկետային պարտադիր զինվորական ծառայության։ 2002-2007 թվականներին սովորել է Երևանի թատրոնի և կինոյի պետական ինստիտուտի խաղարկային ֆիլմի ռեժիսուրայի ֆակուլտետում։

1996-1997 թվականներին Ավետիսյանը աշխատել է Ստեփանակերտի Վահրամ Փափազյանի անվան դրամատիկական թատրոնում, 1998-1999 թթ․` Ստեփանակերտի հեռուստատեսությունում` որպես լուսային ձևավորող, ապա` հեռուստահաղորդումների ռեժիսոր։ 2003-2009 թ․թ․ Ջիվան Ավետիսյանը աշխատել է «Երկիր Մեդիա» հեռուստաընկերությունում` որպես հեռուստա‎ֆիլմերի և հեռուստահաղորդումների ռեժիսոր, իսկ 2009-2014 թթ․՝ որպես հեռուստաընկերության գլխավոր ռեժիսոր^[2]։

2014 թ․ Ավետիսյանը համահիմնադրում է «Fish eye Art» մշակութային հիմնադրամը ^[3][4], 2021 թ․՝ Life Tree Pictures LLC ֆիլմարտադրող ընկերությունը։

2020 թ․ Ջիվան Ավետիսյանը դառնում է Berlinale Talents 2020- ի անդամ՝ ընտրվելով ներկայացված 3400 մասնակիցներից։ Ընտրված մասնակիցներից 17- ի մասին գերմանական «Դոյչե Վելե» հեռուստաընկերությունը կարճամետրաժ վավերագրական ֆիլմ է նկարահանել, որոնց թվում է Ջիվան Ավետիսյանը։

ԹևԱՆԻԿ (2014)

2014 թ․ ռեժիսորը նկարահանում է իր առաջին լիամետրաժ գեղարվեստական ֆիլմը՝ Թևանիկը, որը պատմում է Արցախյան առաջին պատերազմի մասին։ Թևանիկ ֆիլմը թարգմանվել է 9 լեզուներով և ցուցադրվել է աշխարհի 20-ից ավելի երկրներում։ 3 պատանիների մասին պատմող ֆիլմը ամբողջության վեր է հանում այն արհավիրքները, որոնք առաջանում են պատերազմի հետևանքով՝ ընդհատված մանկություններ, խեղված ճակատագրեր, կիսված ընտանիքներ։ Այն նաև պատմում է հայրենիքի հանդեպ տածվող սիրո մասին, երբ ապրելու ցանկություն ունեցող մարդը նախընտրում է մեռնել՝ հանուն հայրենի հողի։

ՎԵՐՋԻՆ ԲՆԱԿԻՉԸ (2016)

Իր հայրենի գյուղ Խաչմաչում (Արցախ) ֆիլմ ստեղծելու երազանքը Ավետիսյանը կյանքի է կոչում 2015 թ․՝ նկարահանելով բազում մրցանակների արժանացած Վերջին Բնակիչը ֆիլմը, որը այժմ հեռարձակվում է HBO Eastern Europe-ով և Prime-ով։

2017 թ․ «Վերջին բնակիչը» Ֆիլմն առաջադրվել է 74-րդ «Ոսկե Գլոբուս» մրցանակաբաշխությանը։ Ցուցադրվել է Շանհայի 20-րդ Միջազգային կինոփառատոնի պաշտոնական՝ «Պանորամա» ծրագրում (Չինաստան, հունիս), Վենետիկի 74-րդ միջազգային կինոփառատոնի Venice Production Bridge -ում (Իտալիա, սեպտմբեր)։

Ֆիլմում նկարահանվել է Հոմայուն Էրշադին, ով հայտնի է դարձել «Բալի համը» ֆիլմով, որը 1997 թվականին Կաննի կինոփառատոնում արժանացել է Ոսկյա արմավենու ճյուղ մրցանակին։ Էրշադին նկարահանվել է մի շարք ֆիլմերում, այդ թվում հոլիվուդյան հայտնի The Kite Runner, Zero Dark Thirty ֆիլմերում։

ԴՐԱԽՏԻ ԴԱՐՊԱՍԸ (2019)

Ջիվան Ավետիսյանի հաջորդ ֆիլմը՝ «Դրախտի դարպասը» խաղարկային լիամետրաժ ֆիլմն է, որը կինոռեժիսորը նկարահանել է 2018 թ.։

«Դրախտի դարպասը» ֆիլմի համատեղ միջազգային արտադրությանը մասնակցել են՝ Հայաստանը, Լիտվան, Գերմանիան, Բուլղարիան, Չեխիան, Իտալիան և ԱՄՆ-ն։

«Դրախտի դարպասը» ֆիլմի հայաստանյան պրեմիերան կայացել է 2019 թ. հոկտեմբերի 17-ին՝ Երևանում, հոկտեմբերի 19-ին՝ Ստեփանակերտում։ 2022 թ. հոկտեմբերի 21-ին ֆիլմը ցուցադրվել է ԱՄՆ-ի խոշորագույն AMC կինոթատրոնների ցանցում՝ 8 քաղաքներում՝ թե հայ և թե օտարերկրյա հանդիսատեսին պատմելով Արցախի և Արցախյան քառօրյա պատերազմի մասին։

2020 թ. Հոկտեմբերի 1-ին Մոսկվայի միջազգային 42-րդ կինոփառատոնը մեկնարկեց սկանդալով: Բացումից երկու օր առաջ, Արցախում ադրբեջանական ագրեսիայի օրերին, ծրագրից հանվեց Դրախտի Դարպասը ֆիլմը՝ Ադրբեջանի ճնշման արդյունքում։

Ֆիլմի գլխավոր դերակատարներից մեկը աշխարհահռչակ դերասան Ռիչարդ Սամելն է։ Նա մարմնավորում է գերմանացի ֆոտոլրագրող 50-ամյա Ռոբերտ Ստենվալի կերպարը, որը 2016 թվականին վերադառնում է Արցախ՝ այս անգամ լուսաբանելու քսաներկու տարվա ընդմիջումից հետո վերսկսված ապրիլյան պատերազմը։ Ռիչարդ Սամելը հայտնի է հոլիվուդյան ֆիլմերից՝ Casino Royale, Inglorious Basterds.

Ֆիլմի գլխավոր դերասանուհի Սոֆիայի կերպարը մարմնավորում է դերասանուհի Տատյանա Սպիվակովան։

Դերասանուհին աշխատել է մրցանակակիր կինոռեժիսոր Վիլյամ Օլդրոյիդի (In mid Wickedness), ինչպես նաև երիտասարդ ֆրանսիացի կինոռեժիսորներ Մաքսիմ Ռոյի և Ջերեմի Տրեկեսերի հետ իրենց առաջին խաղարկային «Même Pas Mal» ֆիլմում, ինչպես նաև հանդես է եկել որոշ ֆրանսիական հեռուստաշոուներում, ինչպիսին է «CAÏN»-ը France 2-ում։

ՎԵՐԱԾՆՎԱԾԸ

Ջիվան Ավետիսյան չորրորդ գեղարվեստական ֆիլմը՝ Վերածնվածը այժմ գտնվում է հետարտադրական փուլում (post-production): Ֆիլմը ստեղծվում է Հայաստանի, Լիտվայի և Կիպրոսի հետ համատեղ արտադրության արդյունքում։ Այն ինքնության փնտրտուքի մասին է։ Ֆիլմի նկարահանումները իրականացվեցին Հայաստանում 2023 թ․ և Եվրոպական հատվածը՝ 2024 թ․։

Ֆիլմի դերասանական կազմում են ընգրկված աշխարհահռչակ դերասաններ Արմանդ Ասանտեն , Maia Morgenstern-ը, ով Մել Գիբսոնի Քրիստոսի Չարչարանքները ֆիլմում մարմնավորում է Մարիամ Աստվածածնի կերպարը, գերմանացի հայտնի դերասան Heino Ferch-ը։

2020-Ի ՀՐԵՇՏԱԿՆԵՐԸ

Ջիվան Ավետիսյանի հաջորդ ֆիլմը՝ 2020-ի Հրեշտակները այժմ գտնվում է զարգացման փուլում։ Ֆիլմի նկարահանումները նախատեսված են 2025 թ․։ Ֆիլմը պատմում է 44-օրյա պատերազմին մասնակից բժիշկների մասին։

Զարգացման տարբեր փուլերում են գտնվում Բաբելոնի աշտարակաշինության և հայոց անվանադիր նախնի Հայկ Նահապետի մասին պատմող անիմացիոն կինոնախագիծ Baa'bel-ը, մինի-սերիա The Stateless Diplomat-ը, որը պատմում է Դիանա Աբգարի մասին։

ԱՅԼ ՁԵՌՔԲԵՐՈՒՄՆԵՐ

2024 թ․ Ջիվան Ավետիսյանը ընտրվում է մասնակցելու Sarajevo Film Festival-ի CineLink Producers’ Lab-ին, որին ընտրվում են մասնակցելու 15 պրոդյուսերներ աշխարհի տարբեր երկրներից։

2024 թ․ Ավետիսյանը դառնում է MIDPOINT ինստիտուտի շրջանավարտ, նույն թվականին՝ European Film Academy—ի անդամ։

Ֆիլմեր

Խաղարկային ֆիլմեր

Ֆիլմի անուն	Տարի
Առաջին իմ սեր	1999
Պատրանք	2001
Աննկատ կյանք	2006
Արևածագն Արցախում խաղաղ է	2007
Գտնված հեքիաթ	2010
Ընդհատված մանկություն	2013
Թևանիկ	2014
Վերջին բնակիչը	2016
Դրախտի Դարպասը[5]	2019
Վերածնվածը	2025

Վավերագրական ֆիլմեր

Ֆիլմի անուն	Տարի
Քամուն ընդառաջ	2004
Սեփական պատմության արահետներով	2005
Թաքուն հայեր	2009
Փրոմոշն ֆիլմեր	2009
Մխացող պատրույգ	2009
Պրոտոկոլային ծուղակ	2010
Կենսական շարժումներ	2010
Քառատված խաչ	2010
Բաժանված զույգը	2010
Փրկված բեկոր	2010
Թշնամի մուրճը	2010
Հայերը` Մռավից Արաքս	2011
Ղարաբաղ թաքնված գանձ	2011
Ճանապարհ դեպի…	2012

Կինոփառատոններ/Մրցանակներ

• «Նուռ»մրցանակաբաշխություն, Լավագույն Գեղարվեստական ֆիլմ, 2022 թ․, ԱՄՆ, «Դրախտի Դարպասը» ֆիլմ։
• BELIFF BeEpic! Film Festival, Best Cinematography, 2022 թ․, Լոնդոն, «Դրախտի Դարպասը» ֆիլմ։
• Beverly Hills 22nd Film Festival, Official Selection, 2022, ԱՄՆ, «Դրախտի Դարպասը» ֆիլմ։
• 55th Annual WorldFest -Houston International Film Festival, Remi Winner, ԱՄՆ, 2022 թ․, «Դրախտի Դարպասը» ֆիլմ։
• Armenian Film Festival Australia, Official Selection, 2022 թ․, Australia, «Դրախտի Դարպասը» ֆիլմ։
• «Անահիտ» մրցանակաբաշխություն, "Best sound mixing", "Best Production Design", 2022 թ․, Հայաստան, «Դրախտի Դարպասը» ֆիլմ։
• Ontario International Film Festival, "Best sound", "Best Music", "Best Script" and "Best international Film", 2021 թ․, Կանադա։ «Դրախտի Դարպասը» ֆիլմ։
• Europe on Screen Film Festival, Official Programme, 2021 թ․, Ջակարտա, Ինդոնեզիա, «Դրախտի Դարպասը» ֆիլմ։
• Սալենտո Կինոփառատոն, Official selection, and Spotlight (բացման ֆիլմ), 2021 թ․, Իտալիա, «Դրախտի Դարպասը» ֆիլմ։
• Las Cruces International Film Festival, Official selection, ԱՄՆ, 2021 թ․, «Դրախտի Դարպասը» ֆիլմ։
• American Track Music Award, ֆինալիստ "Best Score of the Month", ԱՄՆ, 2021 թ․, «Դրախտի Դարպասը» ֆիլմ։
• Global Music Award, Արծաթե մեդալ, ակնառու նվաճում, Outstanding achievement regarding the controversial and critical acclaimed film», ԱՄՆ, 2020 թ․, «Դրախտի Դարպասը» ֆիլմ։
• Cinema for Peace,«Դրախտի Դարպասը» ֆիլմի ցուցադրություն, Խաղաղության կոնֆերանս Լեռնային Ղարաբաղի թեմայով։
• Մոսկվայի Միջազգային Կինոփառատոն, Ընդգրկում կինոփառատոնի ոչ մրցակցային անվանակարգում, «Դրախտի Դարպասը» ֆիլմ, 2020 թ․։
• European Work in Progress, Քյոլն, Գերմանիա, 2019 թ․, «Դրախտի Դարպասը» ֆիլմ նախագծի ներկայացում։
• Չիչեստեր կինոփառատոն, Անգլիա, «Հանդիսատեսի մրցանակ՝ լավագույն անկախ ֆիլմի համար», «Վերջին բնակիչը» (2017 թ.)
• «Դեսարան կինոփառատոն», Իտալիա, Պադուա - «Վերջին բնակիչը» ֆիլմի ցուցադրություն (2017 թ.)
• Կանադա, Տորոնտոյի «Նուռ» կինոփառատոն – «Honorable Mention» «լավագույն գեղարվեստական ֆիլմ» անվանակարգում, «Վերջին բնակիչը» (2017 թ.)
• Ֆինլանդիա, Հելսինկիի «Scandinavian International Film Festival» - «լավագույն գեղարվեստական ֆիլմ», «լավագույն դերասան», «Վերջին բնակիչը» (2017 թ.)
• Իտալիա, Վենետիկի 74-րդ միջազգային կինոփառատոնի «Venice Production Bridge», «Վերջին բնակիչը» (2017 թ.)
• Չինաստաան, Շանհայի 20-րդ միջազգային կինաոփառատոն, «Panorama» ծրագիր, «Վերջին բնակիչը» (2017 թ.)
• ԱՄՆ, «Hollywood & Beyond's awards» - «Լավագույն միջազգային գեղարվեստական ֆիլմ» , «Թևանիկ» (2016 թ.)
• Ֆրանսիա, «Կաննի 69-րդ միջազգային կինոփառատոնի կինոշուկա», «Վերջին բնակիչը» ֆիլմի դիստրիբյոիցիայի համար (2016 թ.)
• Ռուսաստան, «Серебряный Акбузат 2 Международный фестиваль национального и этнического кино» - «Լավագույն օպերատորական աշխատանք», «Թևանիկ» (2015 թ.)
• Լեհաստան, «VI-th International Historical And Military Film Festival Awards» - «Ռազմական գիտության ընկերակցության մրցանակ», «Թևանիկ» (2015 թ.)
• Ռումինիա, «Romania International Film Festival» – «լավագույն ֆիլմ», «Թևանիկ» (2015 թ.)
• ԱՄՆ, «2-nd Annual Word Entertainment Awards»- «տարվա լավագույն հայկական ֆիլմ», «Թևանիկ» (2015 թ.)
• Հայաստան, «Հայկյան» մրցանակաբաշխություն - «Հատուկ մրցանակ» (2015 թ.)
• Հունաստան, Նէա Զմիռնիի քաղաքապետարանի կողմից «Ոսկե հուշամեդալ» (2015 թ.)
• Իտալիա, «Overloօk International Film Festival»- «Լավագույն ինքնատիպ աշխատանք», «Թևանիկ» (2014 թ.)
• Չինաստան, «Silk Road International Film Festival»- «Հանդիսատեսի համակրանք» մրցանակ,«Թևանիկ» (2014 թ.)
• ԱՄՆ , «Arpa International Film Festival»- «Լավագույն սցենարի համար մրցանակ», «Թևանիկ» (2014 թ.)
• Հայաստան, «Ոսկե Ծիրան միջազգային կինոփառատոն»- Հայկական համայնապատկեր ծրագրում՝ 1-ին մրցանակ -խաղարկային լավագույն լիամետրաժ ֆիլմ, «Թևանիկ» (2014 թ.)
• Ֆրանսիա, «Կաննի 67-րդ միջազգային կինոփառատոնի շուկա», «Թևանիկ» ֆիլմով և «Վերջին Բնակիչը» ֆիլմի նախագծով (2014 թ.)
• Էստոնիա, «Baltik Event» կինոշուկա, «Ընդհատված Մանկություն», «Թևանիկ» ֆիլմերով և «Վերջին Բնակիչը» ֆիլմի նախագծով (2013 թ.)
• «Ոսկե ծիրան» միջազգային կինոփառատոնի «Ռեժիսորներն առանց սահմանների» ֆիլմերի նախագծերի շնորհանդես-սեմինար (2006, 2007, 2013 թթ.)
• Թբիլիսիի Պատերազմի և խաղաղության լուսաբանման ինստիտուտի «Պատերազմ և մամուլ» գործնական վերապատրաստում և մրցույթ (2009 թ.)
• 2005 թ. «Քամուն ընդառաջ» ֆիլմով մասնակցել է Երևանի «Ես եմ» միջազգային երիտասարդական կինոփառատոնին և արժանացել դիպլոմի
• «Ծայրահեղություններ» հաղորդաշարով` «Միր» հեռուստաընկերության կազմակերպած «Համագործակցության լավագույն ծրագրեր» միջազգային փառատոնի (Ալմա-Աթա) դափնեկիր
• «Աննկատ կյանք» ֆիլմով մասնակցել է Գերմանիայի Հաննովեր քաղաքի «Up-and coming» միջազգային կինոփառատոնին (2006 թ.)
• «Արևածագն Արցախում խաղաղ է» ֆիլմով Իտալիայի «Ischia» միջազգային կինոփառատոն (2007 թ.)
• Չեխիայի Ջիհլավա քաղաքի «Արևելքի արծաթ» վավերագրական ֆիլմերի փառատոն-շուկա (2008 թ.)
• 2007-2008 թթ և 2013 թ. «Աննկատ կյանք», «Արևածագն Արցախում խաղաղ է» և «Ընդհատված մանկություն» ֆիլմերով մասնակցել է «Ոսկե Ծիրան» Երևանի միջազգային կինոփառատոներին. «Ընդհատված մանկություն» ֆիլմի համար արժանացել Հրանտ Մաթևոսյանի անվան հատուկ մրցանակի
• «Ընդհատված Մանկություն» ֆիլմով և «Թևանիկ» ֆիլմի նախագծով մասնակցել է Կաննի 66-րդ միջազգային կինոփառատոն-շուկային, 2013 թ.
• Համաշխարհային հայկական կոնգրեսի և Ռուսաստանի հայերի միության` «Լավագույն գիտական և ստեղծագործական աշխատանքի» համահայկական մրցանակաբաշխության ժամանակ «Մեր սահմանը» վավերաֆիլմի սցենարի համար արժանացել է մրցանակի` որպես լավագույն սցենար, 2013 թ.

Ծրագրեր

• Ջիվան Ավետիսյանը մասնակցել է European Work in Progress Cologne ծրագրին (Գերմանիա, հոկտեմբերի 14-16, 2019 թվական) ՝ «Դրախտի դարպասը» ֆիլմի համաշխարահային դիստրիբյուցիայի համար։ 59 երկրներից՝ 150 ներկայացված հայտերից ընտրվել էին միայն 28-ը, որոնց թվում էր նաև «Դրախտի դարպասը»։
• Ջիվան Ավետիսյանը մասնակցել է Բեռլինի միջազգային կինոփառատոնի շրջանակներում անցկացվող «Բեռլինի տաղանդներ»/ Berlinale Talents ծրագրին (Գերմանիա, փետրվարի 21-28, 2020 թվական) ընտրվելով 134 երկրների ավելի քան 3400 հավակնորդներից։ Ծրագրում ընդգրկվելու նախադրյալը եղել է Ջիվան Ավետիսյանի նոր՝ «Վերածնվածը»/Revival կինոնախագիծը։ Ծրագրի շրջանակներում Ջիվան Ավետիսյանը ներգրավվել է 250 մասնակիցներից ընտրված 17-ի մեջ, որոնց համար գերմանական Deutsche Welle հեռուստաընկերությունը կարճամետրաժ վավերագրական «դիմանկար» ֆիլմ է պատրաստել։

Ծանոթագրություններ

1. «Fish eye Art Cultural Foundation». Fish eye Art Cultural Foundation (ամերիկյան անգլերեն). Վերցված է 2024-08-22-ին.
2. «Zarkfoundation - Ջիվան Ավետիսյան». zarkfoundation.com.
3. «ПОСЛЕДНИЙ ЖИТЕЛЬ». golosarmenii.am. Վերցված է 2018 թ․ փետրվարի 1-ին.
4. «Ջիվան Ավետիսյանը բացահայտում է, թե ինչու Ադրբեջանն Արցախի մասին իրական ֆիլմեր չի կարող նկարահանել». Արմենպրես. Վերցված է 2018 թ․ փետրվարի 1-ին.
5. ««Դրախտի դարպասը» ֆիլմի կայքէջ».

Արտաքին հղումներ

• «Արվեստը քաղաքականություն է և շատ բան կարող է փոխել». Ջիվան Ավետիսյան Արխիվացված 2015-12-29 Wayback Machine
• Interview with Jivan Avetisyan, talented Armenian film director
• Նախագահ Արմեն Սարգսյանը հյուրընկալել է ռեժիսոր Ջիվան Ավետիսյանին
• Facebook
• Twitter
• Instagram
• LinkedIn