Միլենա Կանոներո

Միլենա Կանոներո (իտալ.՝ Milena Canonero, հուլիսի 13, 1949(1949-07-13), Թուրին, Իտալիա^[1]), զգեստների իտալացի նկարիչ, «Օսկար», BAFTA, «Դավիդ դի Դոնատելլո» մրցանակների դափնեկիր։

Միլենա Կանոներո
Ծննդյան թիվ՝	հուլիսի 13, 1949(1949-07-13) (75 տարեկան)
Ծննդավայր՝	Թուրին, Իտալիա[1]
Քաղաքացիություն՝	Իտալիա
Մասնագիտություն՝	հագուստ ձևագծող, դիզայներ և նորաձևության դիզայներ
Պարգևներ՝	և Premio Cinearti La chioma di Berenice?
IMDb։	ID 0134382

Կենսագրություն

Միլենա Կանոներոն ծնվել է 1946 թվականին Իտալիայի Թուրին քաղաքում։ Նա արվեստ և նորաձևության պատմություն է սովորել Ջենովայում։ Դրանից շատ չանցած՝ նա տեղափոխվել է Անգլիա, որտեղ սկսել է աշխատել փոքր թատրոններում և կինոարտադրություններում։ Լոնդոնում գովազդների համար զգեստներ մշակելիս նա ծանոթացել է բազմաթիվ ռեժիսորների հետ^[2]։

Նրա՝ որպես զգեստների նկարչի առաջին գլխավոր աշխատանքը եղել է ռեժիսոր Սթենլի Կուբրիկի «Լարովի նարինջ» ֆիլմը (1971)։ Նա Սթենլի Կուբրիկի հետ աշխատել է նաև «Բարրի Լինդոն» ֆիլմում (1975), որի համար ստացել է իր առաջին «Օսկարը»։ Երկրորդ անգամ արձանիկ է ստացել ռեժիսոր Հյու Հադսոնի «Կրակե կառքեր» ֆիլմի համար։

Կանոներոն հագուստներ է մշակել նաև ռեժիսոր Օտտո Շենկի մի քանի ներկայացումների համար, որոնցից են՝ «Il trittico» (Ջակոմո Պուչինի, Վիեննայի պետական օպերա, 1979), «Ինչպես է դա ձեզ դուր գալիս» (Ուիլյամ Շեքսպիր, Զալցբուրգի փառատոն, 1980), «Չղջիկ» (Յոհան Շտրաուս, Վիեննայի պետական օպերա, 1980), «Անդրե Շենյե» (Ումբերտո Ջորդանո, Վիեննայի պետական օպերա, 1981) և «Արաբելլա» (Ռիխարդ Շտրաուս, Մետրոպոլիտեն օպերա, 1983)։ Ռեժիսոր Լյուկ Բոնդիի համար նա զգեստներ է ստեղծել նոր՝ Ջակոմո Պուչինիի «Տոսկա» (Մետրոպոլիտեն օպերա, 2009) և Եվրիպիդեսի «Ելենա» (Բուրգ թատրոն, 2010) ներկայացումների համար։

1986-1987 թվականներին զգեստներ է ստեղծել «Մայամիի ոստիկանությունը» հեռուստասերիալի համար։

2001 թվականին Միլենա Կանոներոն Զգեստների նկարիչների գիլդիայի կողմից մրցանակի է արժանացել կարիերայում ունեցած ձեռքբերումների համար։ Կանոներոն իր երրորդ «Օսկարին» արժանացել է «Մարիա Անտուանետա» (2006) կենսագրական դրամայի զգեստների դիազայնի համար, իսկ չորրորդը՝ «Գրանդ Բուդապեշտ հյուրանոց» ֆիլմի (2014) զգեստների համար^[3]։

Անձնական կյանք

Ամուսնացած է դերասան Մարշալ Բելի հետ։

Ֆիլմագրություն

Фильмы
Թվական	Հայերեն	Բնօրինակ լեզվով	Պարգևներ և անվանակարգեր[4]
1971	Լարովի նարինջ	A Clockwork Orange
1975	Բարրի Լինդոն	Barry Lyndon	«Օսկար» մրցանակ զգեստների լավագույն ձևավորման համար Առաջադրվել է BAFTA մրցանակի զգեստների լավագույն ձևավորման համար
1977	Անհայտացում	The Disappearance
1978	Կեսգիշերային ճեպընթաց	Midnight Express
1980	Փայլատակում	The Shining
1981	Կրակե կառքեր	Chariots of Fire	«Օսկար» մրցանակ զգեստների լավագույն ձևավորման համար BAFTA մրցանակ զգեստների լավագույն ձևավորման համար
1983	Քաղց	The Hunger
1984	Ողջունիր Բրոդ Սթրիթին	Give My Regards to Broad Street
1984	«Կոտտոն» ակումբ	The Cotton Club	BAFTA մրցանակ զգեստների լավագույն ձևավորման համար
1985	Աֆրիկայից	Out of Africa	«Օսկար» մրցանակ զգեստների լավագույն ձևավորման համար BAFTA մրցանակ զգեստների լավագույն ձևավորման համար
1987	Հարբած	Barfly
1988	Տակեր։ Մարդը և նրա երազանքը	Tucker: The Man and His Dream	«Օսկար» մրցանակ զգեստների լավագույն ձևավորման համար
1990	Ամուրին	The Bachelor	Առաջադրվել է «Դավիդ դի Դոնատելլո» մրցանակի զգեստների լավագույն ձևավորման համար
1990	Դիկ Թրեյսի	Dick Tracy	«Օսկար» մրցանակ զգեստների լավագույն ձևավորման համար BAFTA մրցանակ զգեստների լավագույն ձևավորման համար
1990	Կնքահայրը 3	The Godfather Part III
1992	Միայնակ սպիտակ կին	Single White Female
1992	Կորուստ	Damage
1994	Միայն դու	Only You
1994	Սիրային պատմություն	Love Affair
1994	Կամիլլա	Camilla
1994	Մահը և աղջիկը	Death and the Maiden
1998	Բուլվորտ	Bulworth
1999	Տիտուս	Titus	Առաջադրվել է «Օսկար» մրցանակի զգեստների լավագույն ձևավորման համար
2001	Մանյակի պատմությունը	The Affair of the Necklace	Առաջադրվել է «Օսկար» մրցանակի զգեստների լավագույն ձևավորման համար
2002	Սոլյարիս	Solaris
2004	Էրոս	Eros
2004	Սթիվ Զիսուի ջրային կյանքը	The Life Aquatic with Steve Zissou
2004	Օուշենի տասներկու ընկերները	Ocean’s Twelve
2006	Մարիա-Անտուանետա	Marie Antoinette	«Օսկար» մրցանակ զգեստների լավագույն ձևավորման համար Առաջադրվել է BAFTA մրցանակի զգեստների լավագույն ձևավորման համար
2006	Դեռևս գեղեցիկ է	Belle toujours
2007	Գնացք դեպի Դարջիլինգ	The Darjeeling Limited
2007	Փոխարքա	I Vicerè	Դավիդ դի Դոնատելլոյի մրցանակ զգեստների լավագույն ձևավորման համար
2019, 2013	The Met: Live in HD	Metropolitan Opera Live in HD
2010	Գայլ մարդը	The Wolfman
2012	Կոտորած	Carnage
2014	«Գրանդ Բուդապեշտ» հյուրանոց	The Grand Budapest Hotel	«Օսկար» մրցանակ զգեստների լավագույն դիզայնի համար BAFTA մրցանակ զգեստների լավագույն ձևավորման համար
2016	Փարիզը կսպասի	Paris Can Wait
2018	Սիստերս եղբայրներ	The Sisters Brothers

Ծանոթագրություններ

1. Deutsche Nationalbibliothek Record #174032404 // Gemeinsame Normdatei (գերմ.) — 2012—2016.
2. «Милена Канонеро». Сайт Гильдии художников по костюмам. Արխիվացված է օրիգինալից 2007 թ․ սեպտեմբերի 28-ին. {{cite web}}: Invalid |url-status=404 (օգնություն)(անգլ.)
3. Academy Awards Database: Milena Canonero
4. «Awards for Milena Canonero» (անգլերեն). imdb.com. Վերցված է 2016 թ․ փետրվարի 2-ին.

Արտաքին հղումներ

• Միլենա Կանոներո (անգլ.) Internet Movie Database կայքում

Վիքիպահեստն ունի նյութեր, որոնք վերաբերում են «Միլենա Կանոներո» հոդվածին։