Թյուբինգենի համալսարան

Թյուբինգենի համալսարան, պաշտոնապես՝ Էբերհարդի և Կառլի համալսարան (գերմ.՝ Eberhard Karls Universität Tübingen), պետական համալսարան Գերմանիայի Բադեն-Վյուրթեմբերգ նահանգի Թյուբինհեն քաղաքում։ Բժշկության, բնական և հասարակական գիտությունների ոլորտում մեծ ճանաչում ունեցող ամենահին համալսարաններից մեկն է Գերմանիայում։ Հայտնի է ազատամիտ քրիստոնեական աստվածաբանության մեջ ունեցած մեծ ներդրումով։ Հիմնվել է 1477 թվականին Վյուրտեմբերգի կոմս Էբերհարդ Մորուքավորի նախաձեռնությամբ և նրա դաստիարակ ու խորհրդատու, գիտնական-մարդասեր Յոհան Նաուկլերի ջանքերով։

Թյուբինգենի համալսարան գերմ.՝ Eberhard Karls Universität Tübingen[1]
Տեսակ	լրիվ համալսարան, հասարակական համալսարան, հանրային հետազոտությունների համալսարան, University of Excellence?, ազատ հասանելիության հրատարակություն և կազմակերպություն
Հիմնադրված է	1477
Հիմնադրիր	Eberhard I, Duke of Württemberg?
Անվանված է	Eberhard I, Duke of Württemberg? և Karl II Eugen, Duke of Württemberg?
Ռեկտոր	Karla Pollmann?[2]
Անդամակցություն	Համալսարանների մատարիկի ցանց, Գերմանիայի հետազոտական ցանց[3], Գերմանացի ռեկտորների կոնֆերանս[4], Գերմանիայի համալսարանական սպորտային ֆեդերացիա[5], Եվրոպայի համալսարանների միություն[6], Informationsdienst Wissenschaft?[7], Open Source Business Alliance - Bundesverband für digitale Souveränität e.V.?[8], UFA / DFH / FGU?[9], ArXiv[10], German National Research Data Infrastructure (NFDI) e.V.?[11], The Guild of European Research-Intensive Universities?[12], ORCID[13] և ELIXIR Germany?
Երկիր	Գերմանիա[14][15]
Տեղագրություն	Տյուբինգեն
Կայք	uni-tuebingen.de​(գերմ.)
Թյուբինգենի համալսարան (Գերմանիա) Թյուբինգենի համալսարան, Գերմանիա
University of Tübingen Վիքիպահեստում

Թյուբինհենը Մարբուրգի, Գյոթինգենի, Ֆրայբուրգի և Հայդելբերգի հետ միասին մտնում է Գերմանիայի «համալսարանական քաղաքների» հնգյակի մեջ։ Շրջանավարտների մեջ շատ են հատկապես քիմիայի և բժշկության ոլորտներում Նոբելյան մրցանակակիրները։

Թյուբինգենի համալսարանական հիվանդանոց

Յոհան Հենրիխ Ֆերդինանդ ֆոն Աութենրիթը 1905 թվականին Թյուբինհենի համալսարանին կից բացել է հոգեբուժարան։ Այն հայտնի է դարձել նրանով, որ 1806-1807 թվականներին այնտեղ է բուժվել Ֆրիդրիխ Հյոլդերլինը։

Ներկայում համալսարանական հիվանդանոցը (գերմ.՝ Universitätsklinikum Tübingen) Գերմանիայի առաջատար բժշկական կենտրոններից մեկն է։ Բուժաշխատողների թիվը կազմում է 900 մարդ^[16]։

Ներկայումս հոգեբուժության և հոգեթերապիայի ամբիոնների բժշկական ֆակուլտետները ունեն համալսարանական հոգեբուժական կլինիկաներ։ Կառուցվել են նոր շենքեր, այժմ կան Անչափահասների հոգեբուժության ֆակուլտետի շենք, «Ուայլդերմութշտրասսե» ցերեկային ստացիոնար (գերմ.՝ Wildermuthstrasse), Հոգեբուժության ինստիտուտի ամբուլատոր հիվանդների կլինիկայի շենք («PIA») և Ծերերի օրական ստացիոնար, որը ևս համարվում է այս բժշկական կոմպլեքսի մասը^[17]։

Ֆակուլտետներ

• ավետարանական աստվածաբանության,
• կաթոլիկ աստվածաբանության,
• մաթեմատիկայի և բնական գիտությունների,
• տնտեսագիտության և սոցիալական գիտությունների,
• բժշկական,
• փիլիսոփայական,
• իրավաբանական

Հայտնի շրջանավարտներ

Ցանկ 

• Էրիխ Ադիկե (1866-1928), գերմանացի փիլիսոփա և մանկավարժ
• Ալոիս Ալցհայմեր (1864-1915), գերմանացի հոգեբույժ և նյարդաբույժ
• Վալտեր Ամելունգ (1865-1927), հին արվեստի գերմանացի պատմաբան
• Յուլիուս Բանզեն (1830-1881), գերմանացի փիլիսոփա և գեղաբան
• Կառլ Բարթ (1886-1968), շվեյցարացի կալվինիստական աստվածաբան, այսպես կոչված դիալեկտիկական աստվածաբանության հիմնադիրներից մեկը
• Գյունտեր Բլոբել (1936), կենսաբան, բժշկության և ֆիզիոլոգիայի Նոբելյան մրցանակակիր (1999)
• Դիտրիխ Բոնհյոֆեր (1906-1945), գերմանացի լյութերական պաստոր, հականացիստական դավադրության մասնակից
• Էրնստ Բյուհներ (1850-1925), գերմանացի քիմիկոս, արդյունաբերող, գյուտարար
• Ռիհարդ Վիլհելմ (1873-1930), գերմանացի չինագետ, լայն պրոֆիլով արևելագետ, քարոզիչ
• Գուստավ Ադոլֆ Բիլֆինգեր (1840-1914), գերմանացի պատմագետ և մանկավարժ
• Վիլհելմ Հաուֆ (1802-1827), գերմանացի գրող և նովելիստ
• Գեորգ Վիլհելմ Ֆրիդրիխ Հեգել (1770-1831), գերմանացի փիլիսոփա, դասական և ռոմանտիզմի փիլիսոփայության հիմնադիրներից մեկը
• Հանս Վիլհելմ Հեյգեր (1882-1945), գերմանացի ֆիզիկոս, ալֆա-մասնիկների դետեկտորի և այլ իոնացնող ճառագայթների առաջին ստեղծողներից
• Վալտեր Հերլախ (1889-1979), գերմանացի ֆիզիկոս, Շտեռն-Գեռլախի փորձի համահեղինակներից մեկը
• Յոզեֆ Հերտներ (1732-1791), գերմանացի բուսաբան և բժիշկ
• Յոհան Ֆրիդրիխ Հմելին (1748-1804), գերմանացի բժիշկ, բուսաբան և քիմիկոս
• Լյուդվիգ ֆոն Հոլտեր (1823-1876), Վյուրթմբերգի ազգային լուսավորության նախագահ
• Յոհան Կարիոն (1499-1537 (1538?)), գերմանացի պատմաբան, մաթեմատիկոս և աստղագետ
• Յոհան Կեպլեր (1571-1630), գերմանացի մաթեմանտիկոս, աստղագետ, օպտիկ և աստղագուշակ
• Հանս Քյունգ (1928), շվեյցարացի աստվածաբան, կաթոլիկ լուսավորիչ և գրող
• Ֆիլիպ Մելանհթոն (1497-1560), գերմանացի մարդասեր, աստվածաբան և ուսուցիչ, ավետարանական բարենորոգիչ, լյութերական աստվածաբանության դասակարգող, Լյութերի գործակից
• Էդուարդ Մյորիկե (1804-1875), գերմանացի բանաստեղծ, արձակագիր, թարգմանիչ
• Սեբաստիան Մյունսթեր (1489-1552), գերմանացի քարտեզագիր, տիեզերագիր և եբրայագետ
• Ֆրիդրիխ Թենբրուկ (1919-1994), գերմանացի սոցիոլոգ
• Մարտին Հաուգ (1827-1876), արևելագետ ավեստաբան
• Մաքս Հիրշ (1832-1905), գերմանացի տնտեսագետ
• Էրնստ ֆոն Ցելլեր (1830-1902), գերմանացի կենդանաբան և հոգեբույժ
• Գուստավ Ֆրիդրիխ ֆոն Հեչ (1788-1864), դանիացի քանդակագործ, նկարիչ
• Յոհան Քրիստոֆ Շվաբ (1743-1821), գերմանացի գրականագետ և փիլիսոփա
• Ֆրիդրիխ Շելինգ (1775-1854), գերմանացի փիլիսոփա
• Քրիստիան Ֆրիդրիխ Շյոնբեյն (1799-1868), գերմանացի քիմիկոս
• Դավիդ Ֆրիդրիխ Շտրաուս (1808-1874), գերմանացի փիլիսոփա, պատմագետ, աստվածաբան, հրապարակախոս

Հայտնի պրոֆեսորներ

Ցանկ 

• Գաբրիել Բիլ (մինչև 1410-1495), գերմանացի աստվածաբան և փիլիսոփա-սխոլաստիկ
• Վիկտոր ֆոն Բրունս (1812-1883), գերմանացի բժիշկ
• Յոզեֆ Հերտներ (1732-1791), բուսաբան և բժիշկ
• Լեոպոլդ Ավգուստ Վարնկյոնինգ՝ իրավաբան, պատմաբան
• Յոհան Ֆրիդրիխ Հմելին՝ բժիշկ, բուսաբան և քիմիկոս
• Մաքսիմիլան Դունկեր՝ անտիկ աշխարհի պատմագետ
• Էրնստ Յիտտինգ՝ հին հունական լեզվի և Հին Միջերկրածովյան մեռած լեզուների հետազոտող
• Ռուդոլֆ Զեյերլեն՝ աստվածաբան
• Գուբերդ ֆոն Լուշկա (1820-1875), կազմախոս
• Անտոն Օբերբեկ (1846-1900), ֆիզիկոս
• Յոզեֆ Ռացտինգեր (Հռոմի Պապ Բենեդիկտոս XVI) (1927), դոգմատիկայի և դավանաբանության պատմության ամբիոնի պրոֆեսոր (1966-1969 թթ․)
• Անտոնիո Տովար՝ բասկերի, հին իսպանական և հնդկական լեզուների հետազոտող
• Ռոբերտ Վեյքֆիլդ (մահ․ 1537), անգլիացի լեզվաբան
• Յոհան Ֆալլատի (1809-1855), գերմանացի պատմաբան և վիճակագիր
• Վիլհելմ Լյուդվիգ Հոլանդ (1822-1891), գերմանացի բանասեր
• Ենս Վալտեր (1923), գրող, հրապարակախոս, բանասեր, գրաքննադատ
• Պավել Շանց (1841-1905), գերմանացի աստվածաբան
• Լյուդվիգ Շվաբե, բանասեր և հնագետ
• Օտտո Շինդեվոլֆ, հնէաբան
• Յոհան Շտյոֆլեր, աստղագետ և մաթեմատիկոս