Ջորջ Քլունի

Ջորջ Թիմոթի Քլունի (անգլ.՝ George Timothy Clooney, մայիսի 6, 1961(1961-05-06)^{[1][2][3][…]}, Լեքսինգտոն, Կենտուկի, ԱՄՆ^[4]), հայտնի ամերիկացի դերասան, պրոդյուսեր և հասարակական գործիչ։

Ջորջ Քլունի անգլ.՝ George Clooney
Ծնվել է	մայիսի 6, 1961(1961-05-06)[1][2][3][…] (63 տարեկան)
Ծննդավայր	Լեքսինգտոն, Կենտուկի, ԱՄՆ[4]
Կրթություն	Ցինցինատիի համալսարան, Northern Kentucky University?, Augusta High School? և Beverly Hills Playhouse?
Քաղաքացիություն	ԱՄՆ
Կրոն	ագնոստիցիզմ
Մասնագիտություն	կինոպրոդյուսեր, հեռուստատեսային դերասան, կինոդերասան, կինոռեժիսոր, սցենարիստ, գրող, հնչյունավորող, դերասան, պրոդյուսեր, ռեժիսոր և պրոդյուսեր
Ընտրանի	Բարի գիշեր և հաջողություն, Արգո, Մարտի գաղափարներ, Հետևորդները, Up in the Air?, Syriana?, Մայքլ Քլեյթոն և O Brother, Where Art Thou??
Ծնողներ	հայր՝ Նիք Քլունի[5]
Ամուսին(ներ)	Ամալ Քլունի
Համատեղ ապրող(ներ)	Էլիզաբետտա Կանալիս, Սթեյսի Քիբլեր, Քելի Փրեսթոն, Kimberly Russell?, Céline Balitran?[6], Krista Allen?[7] և Lisa Snowdon?[7]
Երեխա(ներ)	Alexander Clooney? և Ella Clooney?
Պարգևներ և մրցանակներ	Indiana Film Journalists Association Award for Best Actor? [8] Ոսկե Գլոբուս մրցանակ երկրորդ պլանի լավագույն դերասանի համար - կինոֆիլմ Դրամատիկ սերիալում լավագույն դերասանական կազմի համար ԱՄՆ Կինոդերասանների գիլդիայի մրցանակ Դրամատիկ սերիալում լավագույն դերասանական կազմի համար ԱՄՆ Կինոդերասանների գիլդիայի մրցանակ Դրամատիկ սերիալում լավագույն դերասանական կազմի համար ԱՄՆ Կինոդերասանների գիլդիայի մրցանակ MTV Movie Award for Best Breakthrough Performance? Դրամատիկ սերիալում լավագույն դերասանական կազմի համար ԱՄՆ Կինոդերասանների գիլդիայի մրցանակ Սատուրն մրցանակաբաշխություն լավագույն դերասան անվանակարգի համար «Ոսկե գլոբուս» Սեսիլիա Բ․ Դե Միլի մրցանակ Եվրոպական կինոակադեմիայի մրցանակ լավագույն ոչ եվրոպական ֆիլմի համար [9] BAFTA մրցանակ լավագույն ֆիլմի համար «Ոսկե գլոբուս» լավագույն դերասանի համար (կատակերգություն կամ մյուզիքլ) «Ոսկե գլոբուս» մրցանակ լավագույն դրամատիկ դերասան անվանակարգում և ԱՄՆ կինոքննադատների ազգային խորհրդի մրցանակ լավագույն ֆիլմի համար
Անդամություն	Council on Foreign Relations?[10], SAG-AFTRA, ԱՄՆ Սցենարիստների Գիլդիա և Ամերիկա Ուեսթի գրողների գիլդիա

Ռոզմարի Քլունիի (1928-2002 թթ,) եղբորորդին։ Մեծ հայտնություն է ստացել «Շտապ օգնություն» հեռուստասերիալից և «Մայրամուտից մինչև լուսաբաց» կինոֆիլմից հետո։ Արժանացել է «Օսկար» և «Ոսկե գլոբուս» մրցանակներին, «Երկրորդ պլանի լավագույն տղամարդ դերասան» նոմինացիայով՝ «Սիրիանա» ֆիլմում, «Ոսկե գլոբուս» մրցանակի դափնեկիր միլիոնատեր Մեթ Քինգի դերի համար՝ «Հետնորդներ» ֆիլմում (2011 թ.) և փախչող դատապարտյալի դերի համար «Օ՜, որտե՞ղ ես դու, եղբա՛յր» ֆիլմում (2000 թ.)։ Երկրորդ անգամ արժանացել է «Օսկար» մրցանակին, որպես պրոդյուսեր «Լավագույն ֆիլմ» նոմինացիայում և «Օպերացիա „Արգո“» ֆիլմում։ Հենց այդ ֆիլմի համար էլ արժանացել է չորրորդ «Ոսկե գլոբուս» մրցանակին և առաջին BAFTA արձանիկին։

Նրա հումանիտար գործունեությունը ներառում է Դարֆուրի հակամարտության կարգավորմանը, Հայոց ցեղասպանության ճանաչմանը, Հայիթիի երկրաշարժից տուժածների օգնությանն ուղղված աշխատանքները^[11]։

Կենսագրություն

Ջորջ Թիմթի Քլունին ծնվել է 1961 թվականի մայիսի 6-ին Կենտուկի նահանգի Լեքսինգթոն քաղաքում։ Հոլիվուդի ապագա աստղի ընտանիքը հոր աշխատակարգի պատճառով ստիպված հաճախակի տեղափոխումների մեջ էր։ Ջորջ Քլունին Աբրահամ Լինքոլնի հետնորդն է։

Քլունիի մայրը՝ Նինա Բրյուսը, գեղեցկության նախկին թագուհի է, իսկ հայրը՝ Նիքը, լրագրող և քաղաքագետ Կենտուկիից։ Քլունին մեծացել է իռլանդական կաթոլիկ ընտանիքում։ Քլունին առաջին անգամ գնացել է Կենտուկիում գտնվող Blessed Sacrament դպրոցը։ Իր մանկության մի մասը անցկացրել է Օհայո քաղաքում, այցելել է Կոլումբուս քաղաքի ST. Michaels և St. Susanna դպրոցը՝ Մեյսոնում։ Միջնակարգ դպրոցում Քլունին Բելլի կաթված է ստացել՝ գենետիկ հիվանդություն, որը փոխանցվել է նրան հորից։ Գրեթե մեկ տարի նրա դեմքի կեսը կաթվածահարված էր։ Նրա ձախ աչքը փակ էր, նա չէր կարողանում նորմալ ուտել և խմել, ինչի պատճառով ստանում է «Ֆրանկենշթեյն» մականունը։ «Դա իմ կյանքի ամենավատ ժամանակահատվածն էր, դուք գիտեք, թե որքան դաժան կարող են լինել երեխաները։ Ինձ անընդհատ ծաղրում էին, բայց այս փորձությունն ինձ ավելի ուժեղ դարձրեց»,- պատմել է Քլունին The Mirror ամսագրին 2003 թվականին^[12]։ Քլունին 1979-1981 թվականներին այցելել է Northern Kentucky University և University of Cincinnati բայց շատ կարճ ժամանակ և չի հասցրել ավարտել։ Առաջին անգամ վիդեոխցիկի առջև փոքրիկ Ջորջը հայտնվել է հինգ տարեկան հասակում՝ հոր շոուի ժամանակ։ Մանուկ հասակում Ջորջը երազում էր դառնալ պրոֆեսիոնալ բեյսբոլիստ, սակայն Cincinnati Reds բեյսբոլային թիմ ընդունվելու փորձի ձախողումից հետո թողնում է սպորտը^[13]։ Մի քանի տարի Ջորջը սովորում էր Հյուսիսային Կենտուկիի համալսարանում, սակայն շուտով թողնելով ուսումը՝ որոշում է դառնալ դերասան։ Վերջապես նրա ծնողները տեղափոխվում են Աուգուստա քաղաք (Կենտուկի), որտեղ Քլունին հաճախել է Աուգուստայի ավագ դպրոց։ Նա հավաստիացնում էր, որ դպրոցում ստանում էր միայն «4» և «5» գնահատականներ^[14]։

Չնայած շոու-բիզնեսի հետ սերտ առնչությանը՝ Ջորջի ընտանիքը չէր խրախուսում նրա ընտրությունը։ Հոլիվուդ տեղափոխվելու գումարը Ջորջը վաստակել է՝ աշխատելով ապահովագրական գործակալ և անգամ կանացի կոշիկի վաճառքով։ Արդյունքում Ջորջին աջակցում է նրա զարմիկը՝ Միգել Ֆեռերը, ով նրան երկրորդ պլանի դեր առաջարկեց իր ֆիլմում, թեև ֆիլմն այդպես էլ չթողարկվեց։ 1982 թվականին Քլունին տեղափոխվում է Լոս Անջելես, որտեղ սկսվում են անհամար քաստինգներն ու փորձերը։

Կարիերա

Վաղ դերեր

Ջորջը սկսում է նկարահանվել տարբեր սերիալներում և ֆիլմերում։ Իսկ առջևում նրան սպասվում էր մեծ հռչակը և գլխապտույտ հաջողությունները։ 1994 թվականին Քլունիին նկարահանվում է «Շտապ օգնություն» սերիալում։ Մի քանի տարի անց՝ 1999 թվականին Ջորջը լքում է սերիալը։ Ամեն դեպքում Քլունին ստիպված չէր ափսոսել սերիալը լքելու համար, քանի որ նրան միանգամից հրավիրում են մի քանի խոշոր հոլիվուդյան նախագծերի։ Ինչպես նաև նա ստացել է դեր նաև «The Facts of Life» սերիալում։ Այդ թվում նաև Քլունին խաղում է դետեկտիվ Բոբիի դերը «Ոսկե աղջիկները» սերիալի մի հատվածում։ Նրա նշանակալից ճեղքումներից էր «Roseanne» ֆիլմի՝ երկրորդ պլանի դերակատարումը, որտեղ նա խաղացել է գլխավոր հերոսուհու իշխանակալ պետի, Բուկեր Բրուկսի դերը, ինչպես նաև հետևելով այդ դերին խաղացել է շինարարի դեր «Baby Talk» ֆիլմում, իսկ հետագայում ս գրավիչ դետեկտիվի դեր «Sisters» սերիալում։ 1988 թվականին Քլունին խաղաց երկրորդական դեր «Պոմիդոր մարդասպանների վերադարձը» ֆիլմում։

Սկզբնական հաջողություններ

Ջորջ Քլունին «Գանձեր որսացողները» ֆիլմի պրեմիերայից առաջ

Ջորջ Քլունիի ոտքերի և ձեռքերի դրոշմները Չինական թատրոնի դիմաց

Քլունին հասնում է աստղային մակարդակի, երբ սկսում է նկարահանվել բժիշկ Դագա Ռոսի դերում՝ NBS «Շտապ օգնություն» հեռուստատեսային դրամայում, այնտեղ նա խաղացել է 1994 թվականից մինչև 1999 թվականը և մի անգամ վերադառնում է, որպեսզի կամեոի դերը տասնհինգ և միևնույն ժամանակ սերիալի վերջին սերիալում խաղալու համար։ Քլունին նաև եղել է Դեբորա Լեոնի գործընկերը «Mirador Entertainment» կազմակերպության արտադրության մեջ։ Քլունին սկսում է նկարահանվել ֆիլմերում և նաև խաղում էր «Շտապ օգնությունում», բայց նրա առաջին գլխավոր դերը եղել է «Մայրամուտից մինչև լուսաբաց» ֆիլմում, որի ռեժիսորներ Ռոբերտ Ռոդրիգեսը։ Առաջին հաջողությանը սկսում են հաջորդել մյուսները, հաջորդ հաջողված ֆիլմը «Մի հիասքանչ օր» Միշել Պֆայֆերի հետ, և «Խաղաղարարը» ֆիլմում, Նիկոլ Կիդմանի հետ։ Հետագայքում Քլունին ընտրվել է Բեթմենի դերի համար (փոխարինելով Վել Քիլմերին, որը իր հերթին փոխարինել է Մայքլ Կիտոնին) «Բեթմենը և Ռոբինը» ֆիլմում, որը մեծ ճանաչում է ստացել, բայց անվանվել է հենց Քլունիի կողմից «անիմաստ գումարի վատնում»։ 1988 թվականին Քլունին նկարահանվել է «Տեսադաշտից դուրս» ֆիլմում։ Դա եղել է առաջինը՝ շատերից որը նկարահանվել է ռեժիսոր Ստիվեն Սոդերբերգի կողմից։ Նա նաև նկարահանվել է «Երեք թագավորները» ֆիլմում, հենց այդ ժամանակահատվածում էլ վերջանում է «Շտապ օգնություն» ֆիլմի հետ կնքած պայմանագրի վերջին շաբաթը։

Կարիերան ֆիլմերում

«Շտապ օգնություն» ֆիլմից հեռանալուց հետո Քլունին աստղ էր շատ հոլիվուդյան ֆիլմերում ինչպիսիք էին «Իդեալական փոթորիկ» և «Օ, ուր ես դու եղբայր»։ 2001 թվականին նա նորից սկսեց աշխատել Ստիվեն Սոդերբուրգի հետ «Օուշենի տասնմեկ ընկերները» ֆիլմի վրա։ Այս ֆիլմը հավաքեց 444 միլիոն դոլար ամբողջ աշխարհում։ Ինչպես նաև նա խաղացել է «Օուշենի տասներկու ընկերները» 2004 թվականին և «Օուշենի տասներեք ընկերները» 2007 թվականին։ 2001 թվականին Ջորջ Քլունին և Ստիվեն Սոդերբերգը ստեղծեցին «Section Eight» կինոընկերությունը, իսկ 2002 թվականին Քլունին նկարահանվել է «Սոլյարիս» ֆիլմում, որի ռեժիսորը կրկին Սոդերբուրգներ։ Քլունիի ռեժիսորական դեբյուտը դարձավ «Վտանգավոր մարդու խոստովանությունը», որի պրեմիերան կայացավ 2002 թվականին։ Չնայած նրան, որ ֆիլմը շատ գումար չհավաքեց, բայց հեռուստադիտողը շատ էր հավանել Քլունիի խաղը։ 2005 թվականին Քլունին ստացավ գլխավոր դեր «Սիրիանա» ֆիլմում, որը կիսով չափ հիմնված էր Կենտրոնական հետախուզական վարչության գործակալ՝ Ռոբերտ Բաերիի կենսագրականի և իր աշխատանքի մասին հուշերի վրա։ Այդ տարի նա խաղաց «Բարի գիշեր և հաջողություն» ֆիլմում, որը պատմում էր 1950-ական թվականների լրագրող Էդվարդ Մենրոյի բանավոր վեճերի մասին, իսկ սցենարի հեղինակը Ջոզեֆ Մակարտին էր։ Երկու ֆիլմերն էլ արժանացան լավ ընդունելության` բարձրացնելով մեծ աղմուկ և ունեցան բավականին մեծ բյուջե։ 2006 թվականին Օսկարի մրցանակաբաշխության արարողության ժամանակ միանգամից երեք կատեգորիայի համար ստացավ մրցանակ, որպես ռեժիսոր և սցենարիստ «Բարի գիշեր և հաջողություն» ֆիլմի համար, իսկ «Սիրիանա» ֆիլմի համար նա ստացավ «Երկրորդ պլանի լավագույն տղամարդ դերասանը» տիտղոսը։

Ջորջ Քլունին ԱՄՆ-ի նախագահ՝ Բարակ Օբամայի հետ հանդիպման ժամանակ

Քլունին հայտնվում է «Լավ գերմաներեն»` Սոդերբերգի նուարեյում։ Ֆիլմի դեպքերը տեղի են ունենում Երկրորդ համաշխարհային պատերազմից հետո՝ Գերմանիայում։ Քլունին նաև ստացել է «Մրցանակ Ամերիկայի լավագույն կինեմատոգրաֆին»` 2006 թվականի հոկտեմբերին, որով պարգևատրվում են այն դերասանները, որոնք նշանակալից ներդրում են ունեցել կինեմատոգրաֆի արվեստում։ 2008 թվականի հունվարի 22-ին Քլունին նոմինացվել է որպես «Լավագույն դերասան» «Մայքլ Կլեյտոնի» դերի համար, բայց ընտրվել է Դանիել Դեյ-Լուիսը («Նավթ»)։ «Բարի գիշեր և հաջողություն» ֆիլմի հաջողումից հետո Քլունին հայտարարեց, որ սկսելու է ավելի շատ ժամանակ տրամադրել ռեժիսորական աշխատանքների համար։ Նա ասում էր որ, ռեժիսորի գործունեությունը «լավագույն ասպարեզն է ծերանալու համար»։ Քլունին նաև եղել է «Սեր կանոններից դուրս» ֆիլմի ռեժիսորը, որտեղ նույնպես խաղացել է գլխավոր դեր։ 2009 թվականին Քլունին սկսել է աշխատել իր հաջորդ նախագծ վրա՝ «Խենթ սպեցնազը», որի ռեժիսորը Քլունիի ընկեր Գրանտ Խելսովն է։ Ֆիլմի պրիմիերան կայացել է 2009 թվականի նոյեմբերին։ Քևին Սփեյսին և Էվան Մաքգրեգորը նույնպես համաձայնեցին մասնակցել։ Հաջորդ նախագիծը, որն սկսել է Քլունին, եղել է «Ինձ պետք է երկինքը» ֆիլմը, որի համար նա ստացել է ևս մեկ «Օսկարի» նոմինացիա` լավագույն դերասանի համար։ Ռեժիսոր է հանդիսացել Ջենսոն Ռայմանը, ով հայտնի է «Ջունո» ֆիլմով։ 2011 թվականին Քլունին Մետա Կինգայի հարուստ հողատեր էր Ալեքսանդր Պեյնի «Հետնորդներ» ֆիլմում, որի համար ստացավ բազմաթիվ մրցանակներ ինչպես նաև «Ոսկե գլոբուսի» երրորդ մրցանակը։ Դերասանը ստացավ նաև «Օսկարի» հինգերորդ մրցանակի նոմինացիան։

Անձնական կյանք

Ջորջ Քլունին Էլիզաբեթ Կանալիսի հետ

Մինչև հայտնի դառնալը՝ 1989 թվականին, Քլունին ամուսնացել էր դերասանուհի Տալիա Բալսամի հետ։ Սակայն երեք տարի անց նրանք ամուսնալուծվում են, և Քլունին հայտարարում է, որ երբեք չի ամուսնանա, իսկ երեխա ընդհանրապես չի ուզում։ Դերասանը բազմակի անգամ հռչակվել է մոլորակի ամենասեքսուալ և ցանկալի տղամարդ։ Տարբեր ժամանակներում Ջորջ Քլունին հանդիպել է դերասանուհիներ Ջուլիա Ռոբերթսի, Ռենե Զելվեգերի, մոդել Սինդի Քրոուֆորդի և այլ գեղեցկուհիների հետ։ 2007 թվականին Ջորջը կրքոտ սիրավեպի մեջ էր նախկին մատուցողուհի Սարա Լարսոնի հետ, Քլունին լքեց սիրելիին 2008 թվականին։ 2011 թվականի ամռանը Քլունին հայտարարեց, որ բաժանվում է մոդել Էլիզաբեթ Կանալիսից։ Զույգը հանդիպել է երկու տարի և Ջորջը նույնիսկ պլանավորում էր երեխաներ ունենալ^[15], բայց ավելի ուշ նա խզեց կապերը^[16]։ 2012 թվականի աշնանը հայտնի դարձավ նրա և սպորտսմենուհի Կիբեր Սեյտսի բաժանման մասին, բայց արդեն հոկտեմբերին զույգը հայտարարեց, որ տեղափոխվել է Քլունիի տուն^[17]։ 2013 թվականի հուլիսին զույգը պաշտոնապես բաժանվեց^[18]։ Նա վեց անգամ առաջադրվել է ամենամյա «Օսկարի», սակայն դրանցից միայն 2005 թվականին է ստացել՝ երկրորդ պլանի լավագույն դերակատարման համար «Սիրիանա» ֆիլմում։

Ֆիլմագրություն

Տարի		Հայերեն անվանում	Բնօրինակ անվանում	Դեր
1984	ս	Նա նկարագրեց սպանութունը	The murder she wrote	Կիպ (3 սեզոն 18 սերիա)
1987	ֆ	Վերադարձ դեպի սարսափի դպրոց	Return To Horror High	Օլիվեր
1988	ֆ	Լոլիկ-մարդասպանի վերադարձը	Return of the Killer Tomatoes	Մետտ Սթիվենս
1990	ֆ	Կարմիր ալեբախությունը	Red Surf	Մարկ Ռեմար
1990	ֆ	Սանսետ Բիտ	Sunset Beat	Չիկ Չեզբրո
1992	ֆ	Բերք	The Harvest	տրանսվեստիտ
1994-2000	ս	Շտապ օգնություն	ER	բժիշկ Դագ Ռոսս
1995	ս	Ընկերներ	Friends	բժիշկ Միտչելլ (1 սեզոն 17 սերիա)
1996	ֆ	Մայրամուտից լուսաբաց	From Dusk Till Dawn	Սեթ Հեկկո
1996	ֆ	Մի հիասքանչ օր	One Fine Day	Ջեկ Թեյլոր
1997	ֆ	Բեթմենը և Ռոբինը	Batman and Robin	Բեթմեն / Բրյուս Ուեյն
1997	ս	Հարավային այգի	South Park	շան ձայն Կայծ
1997	ֆ	Խաղաղարարը	The Peacemaker	Թոմաս Դևո
1998	ս	Մյորֆի Բրաուն	Murphy Brown	բժիշկ № 2
1998	ֆ	Տեսադաշտից դուրս	Out of Sight	Ջեկ Ֆոլեյ
1998	ֆ	Բարակ, կարմիր սահմանը	The Thin Red Line	կապիտան Բոշ
1999	ֆ	Հարավային այգի, ավելի երկար և առանց կրճատումների	South Park: Bigger Longer & Uncut	բժիշ Գուաշ / բժիշ Բժիշկ (ձայն)
1999	ֆ	Երեք թագավորներ	Three Kings	մայոր Արչի Գեյտս
2000	ֆ	Պայթյուն	Fail Safe	գնդապետ Ջեկ Գրեյդի
2000	ֆ	Օ, Որտեղ ես դու իմ եղբայր	O Brother, Where Art Thou?	Էվերետտ
2000	ֆ	Գերազանց փոթորիկ	The Perfect Storm	կապիտան Բիլլի Թայն
2001	ֆ	Լրտեսների երեխաները	Spy Kids	Դեվլին
2001	ֆ	Օուշենի տասնմեկ ընկերները	Ocean’s Eleven	Դենի Օուշեն
2002	ֆ	Բարի գալուստ Կոլինվուդ	Welcome to Collinwood	Ջերզի
2002	ֆ	Սոլյարիս	Solaris	Քրիս Կելվին
2002	ֆ	Վտանգավոր մարդու խոստովանությունը	Confessions of a Dangerous Mind	Ջիմ Բերդ
2003	ֆ	Լրտեսների երեխաները 3։ Խաղն ավարտված է	Spy Kids 3-D: Game Over	Դելին
2003	ֆ	Անտանելի դաժանություն	Intolerable Cruelty	Մայլս Մեսսի
2004	ֆ	Օուշենի տասներկու ընկերները	Ocean’s Twelve	Դենի Օուշեն
2005	ֆ	Բարի գիշեր և հաջողություն	Good Night, and Good Luck	Ֆրեդ Ֆրենդլի
2005	ֆ	Սիրիանա	Syriana	Բոբ Բարնես
2006	ֆ	Լավ գերմանացին	The Good German	կապիտան Ջեկ Հեյսմեր
2007	ֆ	Օուշենի տասներեք ընկերները	Ocean’s Thirteen	Դենի Օուշեն
2007	ֆ	Մայքլ Քլեյթոն	Michael Clayton	Մայքլ Կլեյտոն
2008	ֆ	Սեր կանոններից դուրս	Leatherheads	Ջիմմի (Դոջ) Կոննելլի
2008	ֆ	Կարդալուց հետո այրել	Burn After Reading	Հարրի Պֆարրեր
2009	ֆ	Անկրկնելի միստր Ֆոքսը	The Fantastic Mr. Fox	Միստեր Ֆոկս (ձայն)
2009	ֆ	Խելագար սպեցնազը	The Men Who Stare at Goats	Լին Կեսսիդի
2009	ֆ	Ինձ պետք է երկինքը	Up in the Air	Ռայան Բինեմ
2010	ֆ	Ամերիկացին	The American	Ջեկ
2011	ֆ	Հետնորդները	The Descendants	Մետտ Կինգ
2011	ֆ	Մարտովյան իդերը	The Ides of March	նահանգապետ Մայք Մորիս
2013	ֆ	Տիեզերական ձգողականություն	Gravity	Մետտ Կովալսկի
2014	ֆ	Գանձեր որսացողները	The Monuments Men	Ջորջ Ստաուտ
2015	ֆ	Երկրի ապագան[19]	Tomorrowland	Ֆրենկ Ուոկեր
2016	ֆ	Ողջույն Կեսար	Hail, Caesar!	Բերդ Ուիտլոկ

Ռեժիսոր

• 2002 թ. - «Վտանգավոր մարդու խոստովանությունը» Confessions of a Dangerous Mind
• 2005 թ. — «Անպատրաստ» (սերիալ)
• 2005 թ. — «Բարի գիշեր և հաջողություն» Good Night, and Good Luck
• 2008 թ. — «Սեր կանոններից դուրս»
• 2011 թ. — The Ides of March
• 2014 թ. — «Գանձեր որսացողները» The Monuments Men

Մրցանակներ

• Օսկար (կինոմրցանակ)
  • 2006 թ. — Երկրորդ պլանի լավագույն տղամարդ դերասան — ֆիլմի կամար «Սիրիանա»
  • 2013 թ. — Լավագույն ֆիլմ — ֆլիմի համար «Գործարք «Արգո»»
• Մրցանակ «Ոսկե գլոբուս»
  • 2001 թ. — լավագույն տղամարդ դեր (երաժշտական կամ կոմեդիա) — կինոյի համար «Օ, եղբայր ուր ես դու?»
  • 2003 թ. — երկրորդ պլանի լավագույն տղամարդ դերասան — կինոյի համար «Սիրիանա»
  • 2013 թ. — Մրցանակ «Ոսկե գլոբուս» Լավագույն տղամարդ դերի համար — դրամա
• MTV Movie Awards
  • 1996 թ. — Կինոմրցանակաբաշխություն MTV լավագույն բեկումնային տարի| — կինոյի համար «Մայրամուտից մինչև լուսաբաց»
• Ազգային խորհրդի վերանայումը Ամն-ում
  • 2002 թ. — Հատուկ մրցանակ ներդրած — կինոյի համար «Խոստովանություններ վտանգավոր մտքում»
  • 2007 թ. — Մրցանակ լավագույն տղամարդ դերասան — կինոյի համար «Մայքլ Կլեյտոն»
  • 2009 թ. — Լավագույն տղամարդ դերասան — կինոյի համար «Ես երկնքում եմ (ֆիլմ)»
  • 2011 թ. — Լավագույն տղամարդ դերասան — կինոյի համար «Սերունդներ»
• Վենետիկի կինոփառատոնը
  • 2005 թ. — Ոսկե զարդ լավագույն սցենար — կինոյի համար «Բարի գիշեր և հաջողություն» ( Խեսլով, Հրանտ)
  • 2005 թ. — Մրցանակը Միջազգային ֆեդերացիան կինոքննադատների|Կինոքննադատներ — կինոյի համար «Բարի գիշեր և հաջողություն»
  • 2005 թ. — Գավաթ Пазинетти լավագույն ֆիլմի համար — կինոյի համար «Բարի գիշեր և հաջողություն»
  • 2005 թ. — Պարգև «Human Rights Film Network» — առանձնահատուկ հիշեցում — «Բարի գիշեր և հաջողություն» ֆիլմի համար
• European Film Awards
  • 2005 թ. — Լավագույն եվրոպական տարվա կինո — «Բարի գիշեր և հաջողություն»
• Ասպետ կարգ արվեստերի և նամակների (ֆրանսիա, 2007 թվական)^[20]

Ծանոթագրություններ

1. filmportal.de — 2005.
2. Բրոքհաուզի հանրագիտարան (գերմ.)
3. GeneaStar
4. http://mlb.mlb.com/news/article.jsp?ymd=20090116&content_id=3747116&vkey=news_cin&c_id=cin..&fext=.jsp
5. https://www.biography.com/actor/george-clooney
6. https://www.usmagazine.com/celebrity-news/pictures/george-clooneys-girls-2009211/4870-2/
7. https://www.usmagazine.com/celebrity-news/pictures/george-clooneys-girls-2009211/4872-2/
8. Internet Movie Database // IMDb — 1990.
9. https://web.archive.org/web/20190720123917/https://www.europeanfilmacademy.org/2005.103.0.html
10. http://www.cfr.org/about/membership/roster.html?letter=C — Council on Foreign Relations, 2014.
11. «Membership Roster». Council on Foreign Relations. Վերցված է 2012 թ․ հունվարի 31-ին.
12. Johnston, Jenny (2003 թ․ մարտի 1). «My hell as a boy monster». Daily Mirror.
13. Clooney, Nina. George Clooney well-rooted in N. Ky. ClooneyStudio.com. August 21, 2006. Արխիվացված Մայիս 12, 2007 Wayback Machine
14. Jacobs, A. J. (2008 թ․ մարտի 17). «The 9:10 to Crazyland». Esquire. Վերցված է 2008 թ․ մարտի 21-ին.
15. Клуни может стать папой
16. Джордж Клуни и Элизабет Каналис расстались
17. Стейси Киблер переехала к Джорджу Клуни
18. «Джордж Клуни снова свободен». Արխիվացված է օրիգինալից 2016 թ․ մարտի 9-ին. Վերցված է 2015 թ․ սեպտեմբերի 12-ին.
19. «Brad Bird's 1952 is Now Tomorrowland». ComingSoon.net. 2013 թ․ հունվարի 28. Արխիվացված օրիգինալից 2013 թ․ փետրվարի 7-ին. Վերցված է 2013 թ․ հունվարի 28-ին.
20. Джордж Клуни награждён французским Орденом искусств и литературы(չաշխատող հղում)

Արտաքին հղումներ

Վիքիքաղվածքն ունի քաղվածքների հավաքածու, որոնք վերաբերում են

Ջորջ Քլունի հոդվածին

• George Clooney (անգլ.) Internet Movie Database կայքում
• Clooney in Armenia

Վիքիքաղվածքն ունի նյութեր, որոնք վերաբերում են «Ջորջ Քլունի» հոդվածին։

Վիքիպահեստն ունի նյութեր, որոնք վերաբերում են «Ջորջ Քլունի» հոդվածին։