Յուլի Դանիել

Յուլի Դանիել (ռուս.՝ Юлий Маркович Даниэль, հանդես է եկել նաև Նիկոլայ Արժակ, Յուրի Պետրով կեղծանուններով, նոյեմբերի 15, 1925(1925-11-15)^{[1][2][3][…]}, Մոսկվա, ԽՍՀՄ^[4] - դեկտեմբերի 30, 1988(1988-12-30)^{[2][3][5][…]}, Մոսկվա, ԽՍՀՄ^[4]), ռուս արձակագիր, բանաստեղծ, թարգմանիչ։

Յուլի Դանիել ռուս.՝ Юлий Маркович Даниэль
Ծնվել է	նոյեմբերի 15, 1925(1925-11-15)[1][2][3][…]
Ծննդավայր	Մոսկվա, ԽՍՀՄ[4]
Վախճանվել է	դեկտեմբերի 30, 1988(1988-12-30)[2][3][5][…] (63 տարեկան)
Վախճանի վայր	Մոսկվա, ԽՍՀՄ[4]
Գերեզման	Վագանկովյան գերեզմանատուն
Գրական անուն	Nikolaj Aržak[6]
Մասնագիտություն	բանաստեղծ, գրող, թարգմանիչ, գիտաֆանտաստիկ գրող և արձակագիր
Լեզու	ռուսերեն
Քաղաքացիություն	ԽՍՀՄ
Կրթություն	Մոսկվայի պետական տարածաշրջանային համալսարան
Պարգևներ	և
Ամուսին	Լարիսա Իոսիֆովնա Բոգոռազ և Իրինա Ուվարովա
Զավակներ	Ալեքսանդր Դանիել
Ազգականներ	Pavel Uvarov?

Ծնվել է հրեա գրող, դրամատուրգ Մարկ Դանիելի ընտանիքում։ Մասնակցել է Հայրենական մեծ պատերազմին, վիրավորվել, պարգևատրվել է «Արիության համար» մեդալով։ Ավարտել է Մոսկվայի մարզային մանկավարժական ինստիտուտի բանասիրական ֆակուլտետը, աշխատել գրականության ուսուցիչ։ 1955 թվականին նրան ազատել են աշխատանքից՝ պատճառաբանելով, որ շեղվում է պարտադիր ծրագրից։ Դասերը վարել է հետաքրքիր և բարձր մակարդակով, վայելել է աշակերտների սերն ու հարգանքը։

1957 թվականից ԽՍՀՄ-ում հրատարակվել է որպես թարգմանիչ։ 1958 թվականից արտասահմանում, Նիկոլայ Արժակ կեղծանունով հրապարակել է պատմվածքներ և վիպակներ, որոնցում քննադատել է խորհրդային իշխանություններին։ Այդ հրապարակումների համար 1965 թվականին ձերբակալվել է և 1966 թվականին դատապարտվել՝ 5 տարի պատիժը կրելու ճամբարային ռեժիմում։ 1970 թվականին ազատվելուց հետո ապրել է Կալուգայում, հանդես է եկել որպես թարգմանիչ՝ Յուրի Պետրով կեղծանունով։ Թարգմանել է համաշխարհային (այդ թվում՝ հայ) պոեզիայից^[7]։

Թաղված է Վագանկովյան գերեզմանոցում։

Յուլի Դանիելը հայերեն

• Բիբլիական թեմաներով; Բանաստեղծություն; Աղոթք; Երգ; Ռոմանս հայրենիքի մասին; Դատավճիռ; Կժի արարումը; Ժամապահը; Ամանորի քայլերգ-հռչակագիր; Շիշը ծովում։ Ռուս այլախոհական պոեզիա, Ստեփանակերտ, «Ոգի-Նաիրի», 2015, էջ 143-161։ Թարգմ.՝ Խորեն Գասպարյան։