իտալացի ֆուտբոլիստ From Wikipedia, the free encyclopedia
Ալբերտո Ակվիլանի (իտալ.՝ Alberto Aquilani, հուլիսի 7, 1984[1][2][3], Հռոմ, Իտալիա), իտալացի ֆուտբոլիստ, Իտալիայի ազգային հավաքականի և Լիսաբոնի «Սպորտինգի» կիսապաշտպան։
Ալբերտո Ակվիլանի իտալ.՝ Alberto Aquilani | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||
Քաղաքացիությունը |
![]() | ||||||||||||||||||||||||||
Մականուն | Փոքրիկ Իշխան (Il Principino) | ||||||||||||||||||||||||||
Ծննդյան ամսաթիվ | հուլիսի 7, 1984[1][2][3] (40 տարեկան) | ||||||||||||||||||||||||||
Ծննդավայր | Հռոմ, Իտալիա | ||||||||||||||||||||||||||
Հասակ | 186 սանտիմետր | ||||||||||||||||||||||||||
Քաշ | 77 կիլոգրամ | ||||||||||||||||||||||||||
Դիրք | կիսապաշտպան | ||||||||||||||||||||||||||
Ակումբային տեղեկություններ | |||||||||||||||||||||||||||
Ներկա ակումբ |
![]() | ||||||||||||||||||||||||||
Համար | 6 | ||||||||||||||||||||||||||
Պատանեկան կարիերա | |||||||||||||||||||||||||||
| |||||||||||||||||||||||||||
Մասնագիտական կարիերա* | |||||||||||||||||||||||||||
Տարի | Ակումբ | Խաղ | (Գոլ) | ||||||||||||||||||||||||
| |||||||||||||||||||||||||||
Ազգային հավաքական‡ | |||||||||||||||||||||||||||
| |||||||||||||||||||||||||||
| |||||||||||||||||||||||||||
* Մասնագիտական կարիերայում ընդգրկված են միայն առաջնության խաղերը և գոլերը |
Ակվիլանին առաջին ֆուտբոլային քայլերը արել է «Սպես Մոնտեսակրո» ֆուտբոլային դպրոցում և հենց այնտեղ է առաջին անգամ նկատվել «Ռոմայի» սկաուտների կողմից։ Սկզբում հանդես է եկել «Ռոմայի» պատանեկան դպրոցում։ 2001 թվականի մարտին հեռանկարային ֆուտբոլիստի նկատմամբ հետաքրքրությունը այնքան է աճում, որ նրան ցանկանում են ձեռք բերել անգլիական «Չելսին» և «Արսենալը», սակայն նա, նախընտրելով Իտալիան, մնում է «Ռոմայում»[4]։ 2002 թվականի դեկտեմբերի 17-ին Ակվիլանին խաղում է իտալական ակումբի հիմնական կազմում իր առաջին խաղը։ Նրա նորամուտային խաղն է դառնում Իտալիայի գավաթի մրցության շրջանակներում անցկացվող «Տրիեստինայի»[4] դեմ խաղը (1-1, 4-1 11 մետրանոցային՝ «Ռոմայի» համար հաղթական հաշիվ)։ 2003 թվականի[մայիսի 10-ին կատարում է իր նորամուտը Սերիա A-ում և առաջին խաղն է դառնում «Տորինոյի» դեմ տնային խաղը (3-1)։ 2003-04 ֆուտբոլային մրցաշրջանը Ակվիլանին մեկնարկում է «Տրիեստինայի» կազմը՝ վարձավճարային պայմանագրով համալրած։ Նա Սերիա B-ում համարվում էր միջակ և լինելով թիմի հիմնական կազմի ֆուտբոլիստ (41 խաղ, 4 գոլ)՝ փորձագետների կողմից արժանացել էր բարձր գնահատականի[5]։ Վերադառնալով «Ռոմա»՝ նա սկսեց կանոնավոր կերպով համալրել թիմի հիմնական կազմը և ցուցադրել լավ խաղ, սակայն մրցաշրջանի ընթացքում նրա մոտ մի քանի անգամ նկատվեցին վնասվածքներ, ինչի պատճառով էլ նա բաց թողեց առաջնության խաղերի մեծամասնությունը։ Ակումբում անցկացրած ժամանակահատվածում նրանք հաղթեցին երկու Իտալիայի գավաթ, պայքարեցին Սերիա A-ում բարձր հորիզոնականների համար և մասնակցություն ունեցան եվրագավաթային մրցությունների։ Ընդհանուր արդյունքով Ակվիլանին «Ռոմայի» կազմում անց է կացրել 147 հանդիպում (նրանցից 102-ը Սերիա A-ում) և խփել է 15 գոլ (նրանցից 9-ը Սերիա A-ում)։
2009 թվականի ամռանը մամուլում տարածվում է հաղորդագրություն այն մասին, որ Ակվիլանին «Ռոմայից» կարող է տեղափոխվել անգլիական «Լիվերպուլ»։ Այդ ժամանակ «Լիվերպուլը» փոխարինող էր փնտրում «Ռեալ Մադրիդ» տեղափոխվող Խաբի Ալոնսոյին և նրանց համար Ակվիլանին ամենահարմար տարբերակն էր[6]։ Օգոստոսի 6-ին պաշտոնապես հրապարակվում է հաղորդագրություն այն մասին, որ երկու ակումբները եկել են համաձայնության և հերթը հասել է արդեն Ակվիլանիի հետ բանակացություններ վարելուն[7]։ Օգոստոսի 7-ին «Լիվերպուլի» տնօրինությունը հայտարարում է, որ ֆուտբոլիստը հաջողությամբ անցել է բուժզննումը, և նրա հետ պայմանագիրը կնքված է[8]։ Օգոստոսի 13-ին հայտարարվում է, որ նոր ակումբում նա ստացել է չորս համարի մարզաշապիկը, որը մինչև նրա «Լիվերպուլ» տեղափոխվելը կրում էր Սամի Հյուպիյան[9]։
2010 թվականի օգոստոսի 21-ին «Լիվերպուլը» և «Յուվենտուսը» համաձայնության են գալիս Ակվիլանիի մեկ ամյա վարձավճարային պայմանագրի շուրջ[10]։ Օգոստոսի 25-ին Ակվիլանին «Յուվենտուսի» հետ կնքում է մեկ տարի ժամկետով պայմանագիր՝ 2010-11 մրցաշրջանի ավարտից հետո 16 միլիոն եվրոյի դիմաց ֆուտբոլիստի վերջնական գնման իրավունքով[11][12]։ 2011 թվականի հունիսի 24-ին ֆուտբոլիստի գործակալը հայտարարում է, որ Ակվիլանին կվերադառնա Անգլիա, քանի որ «Յուվենտուսը» չի պատրաստվում գնել Ակվիլանիին[13]։
2011 թվականի օգոստոսի 24-ին Ակվիլանին մրցաշրջանի ավարտից հետո, 6 միլիոն եվրոյի դիմաց գնման հնարավորությամբ վարձավճարային պայամանգիր կնքելով, տեղափոխվում է իտալական «Միլան»[14][15][16][17][18]։
2012 թվականի օգոստոսի 3-ին Ալբերտոն երեք տարի ժամկետով պայմանագիր է կնքում «Ֆիորենտինայի» հետ[19][20][21]։
Ակվիլանին մեծ փորձ ունի Իտալիայի պատանեկան հավաքականների տարբեր տարիքայինների կազմում հանդես գալու մեջ։ 2003 թվականին հավաքականի հետ միասին դարձել է մինչև 19 տարեկանների Եվրոպայի չեմպիոն, մասնակցել է առաջնության եզրափակիչ փուլի հինգ խաղերին, խփել է մեկ գնդակ և եղել թիմի առանցքային ֆուտբոլիստներից մեկը[22]։ 2006 թվականի նոյեմբերի 15-ին Ակվիլանին կատարում է իր նորամուտը արդեն Իտալիայի ազգային հավաքականում։ Նրա նորամուտային խաղն է դառնում Թուրքիայի հավաքականի դեմ խաղը (1-1)[23]։ Եղել է երիտասարդական թիմի հիմնական կազմի ֆուտբոլիստ մինչև 21 տարեկանների Եվրոպայի առաջնության շրջանակներնում և այդտեղ աչքի է ընկել հեղինակած երկու գոլով։ Ազգային հավաքականի հետ մասնակցություն է ունեցել 2008 թվականի Եվրոպայի առաջնությանը, մասնակցել է հավաքականի չորս խաղերից երկուսին։ 2008 թվականի հոկտեմբերի 15-ին, ԱԱ-2010-ի ընտրական փուլում դուբլ հեղինակելով Չեռնոգորիայի հավաքականի դեմ խաղում (2-1)՝ բացել է հավաքականում իր գոլերի հաշիվը[24]։
Ակվիլանին ժամանակակից, աշխատասեր և շարժուն փլեյմեյքեր է, ով ընդունակ է կիսապաշտպանական մի շարք պաշտոններ կատարելու՝ սկսած հետ քաշված փլեյմեյքերից մինչև հարձակվողական ոճի կիսապաշտպանի[25][26][27]։ Նրա սիրելի դիրքը կենտրոնական կիսապաշտպանի կամ «հատվածից-հատված» անցում կատարող կիսապաշտպանի (գրոհող և պաշտպանվող կիսապաշտպան) դիրքն է (դիրք, որը թույլ է տալիս նրան չնայած իր ոչ հռչակավոր արագության կամ ֆիզիկական պատրաստվածության կատարել գրոհող արագացումներ կամ պահեր ստեղծել իր թիմակիցների համար)։ Նա երբմն հանդես է գալիս նաև եզրերում՝ մասնավորապես առանցքային պահերի ժամանակ եզր-հետ կարգով[28][29][30]։ Ակվիլանին ճանաչված է դաշտը լավ տեսնելու, խաղադաշտում ստեղծագործելու, տեխնիկական, առանցքային փոխանցումներ և հեռվից արդյունավետ հարվածներ կատարելու իր կարողություններով[25][29][31]։ Նա ճշգրիտ է նաև գլխով և ազատ հարվածներ կատարելիս, և այս կարողությունն էլ իր հերթին թույլ է տալիս Ակվիլանիին՝ թիմի արդյունավետ խաղը լրացուցիչ գոլերով «ողողելու»[29]։ Նա իր կարիերայի տարբեր ժամանակահատվածներում կրել է շատ տարբեր վնասվածքներ, ինչի պատճառով կրճատվել է նրա խաղաժամանակը և վատթարացել է նրա ֆիզիկական վիճակը և որպես այս ամենի արդյունք նա քննադատությունների է արժանացել, որպես իր սկզբնական ներուժին անհետևողական ֆուտբոլիստ[32]։
Ակումբային ելույթներ | Լիգա | Գավաթ | Եվրոպա | Այլ | Ընդհանուր | |||||||
---|---|---|---|---|---|---|---|---|---|---|---|---|
Մրցաշրջան | Ակումբ | Լիգա | Խաղ | Գոլ | Խաղ | Գոլ | Խաղ | Գոլ | Խաղ | Գոլ | Խաղ | Գոլ |
2002-03 | Ռոմա | Սերիա A | 1 | 0 | 1 | 0 | — | — | — | — | 2 | 0 |
2003-04 | Տրիեստինա (վարձ.) | Սերիա B | 41 | 4 | — | — | — | — | — | — | 41 | 4 |
2004-05 | Ռոմա | Սերիա A | 29 | 0 | 4 | 0 | 5 | 0 | — | — | 38 | 0 |
2005-06 | 24 | 3 | 4 | 2 | 8 | 1 | — | — | 36 | 6 | ||
2006-07 | 13 | 1 | 3 | 0 | 5 | 0 | 1 | 2 | 22 | 3 | ||
2007-08 | 21 | 3 | 4 | 1 | 5 | 0 | 1 | 0 | 31 | 4 | ||
2008-09 | 14 | 2 | 1 | 0 | 4 | 0 | 1 | 0 | 20 | 2 | ||
2009-10 | Լիվերպուլ | Պրեմիեր Լիգա | 18 | 1 | 2 | 0 | 5 | 1 | 1 | 0 | 26 | 2 |
2010-11 | 0 | 0 | 0 | 0 | 2 | 0 | 0 | 0 | 2 | 0 | ||
2010-11 | Յուվենտուս (վարձ.) | Սերիա A | 33 | 2 | 1 | 0 | 0 | 0 | 0 | 0 | 34 | 2 |
2011-12 | Միլան (վարձ.) | 23 | 1 | 1 | 0 | 7 | 0 | 0 | 0 | 31 | 1 | |
2012-13 | Ֆիորենտինա | 25 | 7 | 2 | 0 | 0 | 0 | 0 | 0 | 27 | 7 | |
2013-14 | 31 | 6 | 3 | 0 | 10 | 1 | 0 | 0 | 44 | 7 | ||
2014-15 | 25 | 0 | 2 | 0 | 7 | 1 | 0 | 0 | 34 | 1 | ||
2015-16 | Սպորտինգ | Պրիմեիրա Լիգա | 19 | 3 | 5 | 1 | 8 | 1 | 0 | 0 | 32 | 5 |
Ընդհանուր | Իտալիա | 280 | 29 | 26 | 3 | 51 | 3 | 3 | 2 | 360 | 37 | |
Անգլիա | 18 | 1 | 2 | 0 | 7 | 1 | 1 | 0 | 28 | 2 | ||
Ընդհանուրը կարիերայում | 312 | 32 | 32 | 4 | 63 | 4 | 4 | 2 | 411 | 42 |
Իտալիայի ազգային հավաքական | ||
---|---|---|
Տարի | Խաղ | Գոլ |
2006 | 1 | 0 |
2007 | 2 | 0 |
2008 | 7 | 2 |
2009 | 1 | 0 |
2010 | 1 | 0 |
2011 | 9 | 1 |
2012 | 1 | 0 |
2013 | 11 | 2 |
2014 | 5 | 0 |
Ընդհանուր | 38 | 5 |
Հանդիպում է իտալացի դերասանուհի Միկելա Կվատրոչոկկեի հետ[34]։ 2011 թվականի ապրիլի 18-ին զույգի մոտ ծնվել է առաջնեկը՝ դուստր Ավրորան[35]։ 2012 թվականի հուլիսի 4-ին Ալբերտոն և Միկելան ամուսնանում են[36][37]։ 2014 թվականի նոյեմբերի 3-ին զույգը ունենում է երկրորդ աղջիկը՝ Դիամանտեն։
«Ռոմա»[38]
Իտալիայի ազգային հավաքական[38]
Իտալիա մ-19[39]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.