Ռոմա ՖԱ

«Ռոմա» կամ «Ռոմայի Սպորտային Միություն» (իտալ.՝ Associazione Sportiva Roma SpA), պրոֆեսիոնալ ֆուտբոլային ակումբ՝ տեղակայված Հռոմ քաղաքում։ Ակումբը հիմնադրվել է 1927 թվականին Իտալո Ֆոսկիի կողմից^[1]։ Նույն թվականից հանդես է գալիս իտալական A Սերիայում։ Ռոման մասնակցել է Սերիա A-ի բոլոր առաջնություններին, բացառությամբ 1951/52 մրցաշրջանը։

Անվան այլ կիրառումների համար տե՛ս՝ Ռոմա ՖԱ (այլ կիրառումներ)

Ռոմա
Ամբողջական անուն	Associazione Sportiva Roma SpA Ռոմայի Սպորտային Միություն
Մականուն(ներ)	Giallorossi (Դեղնա-կարմիրներ) La Maggica (Հեքիաթային) Lupi (Գայլեր)
Գույներ	դեղին-կարմիր
Հիմնադրում	Հունիսի 7, 1927 թ.
Երկիր	Իտալիա
Քաղաք	Հռոմ
Մարզադաշտ	Հռոմի Օլիմպիական մարզադաշտ
Տարողունակություն	72,698
Նախագահ	Դեն Ֆրիդկին
Մարզիչ	Կլաուդիո Ռանիերի
Ավագ	Լորենցո Պելեգրինի
Կայք	asroma.com
Լիգա	Սերիա A
2023-24	6-րդ
Տան դաշտ Մրցակցի դաշտ Երրորդ համազգեստ

Ռոման 3 անգամ նվաճել է իտալական Սերիա A-ի չեմպիոնի կոչումը՝ առաջին անգամ 1941/42, հետո 1982/83 և վերջին անգամ 2000/01 մրցաշրջաններում, ինչպես նաև 9 անգամ նվաճել է Իտալայի գավաթը՝ Կոպպա Իտալիան և 2 անգամ Իտալիայի սուպերգավաթը՝ Սուպերկոպպա Իտալիան։ Եվրոպական մրցասպարեզում 1960/61 թվականներին Ռոման հաղթել է Կոպպա Ֆիերեն՝ ներկայիս Եվրոպայի լիգան, ինչպես նաև Անգլո-իտալական գավաթը 1971/72 թվականներին։ 1983/84 թվականներին մոտ էր առաջին անգամ նվաճելու Չեմպիոնների գավաթը (ներկայիս Չեմպիոնների Լիգան). եզրափակիչում Ռոման հանդիպեց Լիվերպուլի հետ, հիմնական ժամանակը ավարտվեց 1։1 հաշվով, 11 մետրանոց հարվածներն ավելի դիպուկ իրացրեցին անգլիացիները։

Ռոման տնային հանդիպումներն անցկացնում է Հռոմի Օլիմպիական մարզադաշտում, այն համարվում է նաև Լացիոյի տնային մարզադաշտը։ Մարզադաշտը տեղավորում է 72,698 հանդիսական. այս ցուցանիշով նա Իտալիայում երկրորդն է, զիջում է միայն Միլանի Սան Սիրո (Ջուզեպպե Մեացա) մարզադաշտին։ 2009 թվականի սեպտեմբերին ակումբը պլանավորեց Հռոմի արևմուտքում կառուցել 55,000 հանդիսական տեղավորող մարզադաշտ, որը կհամապատասխանի անգլիական ոճին^[2], ինչը հնարավորություն կտա երկրպագուներին ավելի մոտ լինելու խաղադաշտին։ Արդեն 2011 թվականի սեպտեմբերին Ռոմայի նորանշանակ նախագահ Թոմաս ԴիԲենեդետտոն համաձայնության եկավ Հռոմի քաղաքապետ Ջիաննի Ալեմանոյի հետ մարզադաշտի կառուցման վերաբերյալ։ Վերջինիս կառուցումը կավարտվի 2014 թվականին^[3]։

La Roma non si discute, si ama. (Ռոմային չեն քննարկում, Ռոմային սիրում են)[4]։ - Ռենատո Ռասկել

Պատմություն

Հիմնադրում

«Ռոմա» ֆուտբոլային ակումբի հիմնադիր Իտալո Ֆոսկի

Ակումբի կազմավորումը

Ռոմա ֆուտբոլային ակումբը հիմնադրվել է 1927 թվականի հուլիսի 22-ին՝ հռոմեական «Ռոման», «Ալբա-Աուդաչե», «Ֆորտիտուդո-Պրո Ռոմա» ակումբների միացման արդյունքում (սկզբնական շրջանում դրանք 5-ն էին՝ «Ռոման», «Ալբա», «Աուդաչե», «Ֆորտիտուդո», «Պրո Ռոմա»)։ Ակումբի միացումը իրականացրեց Ֆաշիստական կուսակցության ղեկավարներից մեկը՝ Իտալո Ֆոսկին։ Միացման նպատակն էր ստեղծել մրցունակ թիմ, որը կկարողանար արժանի հակամարտություն ցույց տալ հյուսիսային ակումբներին, այդ թվում՝ «Ջենոային», «Տորինոյին», «Յուվենտուսին», «Ինտերին» և «Բոլոնիային»։ Միայն «Լացիոյին» հաջողվեց խուսափել միացումից։ Հռոմեական ակումբների ներկայացուցիչների հանդիպումը տեղի ունեցավ Հռոմում։ Այդ հանդիպմանը ներկա էր նաև Իտալո Ֆոշին։ Երկար տևած այդ հանդիպմանը որոշվեց ակումբի անունը, մարզահագուստի գույները, կազմը և մարզադաշտը։ Պատմական դարձած այդ օրը Իտալո Ֆոշին հանկարծ ասաց՝ «...մենք այն կանվանենք Ռոմա» և ակումբին տրվեց «Ռոմա» անվանումը, հին հռոմեական լեգեոնների գույները պետք է զարդարեին թիմի մարզահագուստը։ Երկար քննարկումներից հետո պարզվեց նաև մարզադաշտի հարցը. Հռոմի Տեստաչչո թաղամասում պետք է կառուցվեր Ռոմայի նոր մարզադաշտը՝ Մոնտե դել Կոչչին։

Առաջին չեմպիոնություն և հետպատերազմյան անհաջողություններ

1935/36 մրցաշրջանում հռոմեական ակումբը Լուիջի Բարբեսինոյի գլխավորությամբ մոտ էր առաջին անգամ չեմպիոնությունը նվաճելուն, սակայն գրավեց երկրորդ տեղը՝ մեկ միավորով հետ մնալով Բոլոնիայից^[5]։ 1941/42 մրցաշրջանում Ռոմային այնուամենայնիվ հաջողվեց դառնալ իր պատմության մեջ առաջին անգամ Իտալիայի չեմպիոն.^[6] այդ ժամանակ թիմը գլխավորում էր հունգարացի Ալֆրեդ Շաֆֆերը։ Այդ մրցաշրջանում թիմի լավագույն ռմբարկու ճանաչվեց Ամեդեո Ամադեյը։

Հետպատերազմյան տարիներին Ռոման հայտնվեց մրցաշարային աղյուսակի ստորին հատվածում և վերջիվերջո 1950/51 մրցաշրջանում լքեց Սերիա A-ն։ Հաջորդ մրցաշրջանում հռոմեացիները Ջուզեպպե Վիանիի գլխավորությամբ Սերիա B-ում զբաղեցնում են առաջին տեղը և վերադառնում են Սերիա A^[7]։ 1951/52 մրցաշրջանը Ռոմայի պատմության մեջ միակն է, որ թիմն անցկացրել է Սերիա B-ում։

Սերիա A վերադառնալուց հետո Ռոման հաստատվեց մրցաշարային աղյուսակի վերին հատվածում՝ ունենալով այնպիսի ֆուտբոլիստներ, ինչպիսին են՝ Էջիստո Պանդոլֆինին, Դինո Դա Կոստան և դանիացի Հելգե Բրոնեն։ Ամենահաջողված մրցաշրջանը դարձավ 1954/55-ը, որում հռոմեական թիմը անգլիացի Ջեսս Քարվերի գլխավորությամբ նվաճեց առաջնության բրոնզե մեդալները՝ ետ մնալով Միլանից և Ուդինեզեից։ 1960/61 մրցաշրջանում Ռոման հաղթեց իր առաջին եվրագավաթը՝ Տոնավաճառների գավաթը (ներկայիս Եվրոպայի լիգան)՝ եզրափակիչում հաղթելով Բիրմինգեմ Սիթիին 4։2 հաշվով^[8]։ 1963/64 մրցաշրջանում Ռոման առաջին անգամ նվաճեց Իտալիայի գավաթը՝ եզրափակիչում հաղթելով Տորինոյին 1։0 հաշվով։

1964/65 մրցաշրջանի ընթացքում թիմի գլխավոր մարզիչ Խուան Կառլոս Լորենսոն հայտարարեց, որ ակումբն ի վիճակի չէ վճարել իր ֆուտբոլիստներին, և դժվար թե նրանք կարողանան թույլ տալ իրենց մեկնել Վիչենցա՝ մասնակցելու հաջորդ հանդիպմանը։ Դժվարին պահին երկրպագուները օգնության ձեռք մեկնեցին ակումբին՝ հավաքելով գումար նվիրատվության տեսքով։ Նոր նախագահ Ֆրանկո Էվանջելիստիի ընտրվելով հաջողվեց խուսափել ակումբի լուծարումից։

1968/69 մրցաշրջանում Ռոման երկրորդ անգամ նվաճեց Իտալիայի գավաթը^[9], իսկ հաջորդ տարի՝ երրորդը։ 1969 թվականին Ջակոմո Լոզին ակումբում բոլոր մրցաշարերին անցկացրած խաղերի քանակով նոր ռեկորդ սահմանեց՝ 450 խաղ։ Այս ռեկորդը չգերազանցվեց 38 տարի, մինչև 2007 թվականը դա չարեց Ֆրանչեսկո Տոտտին։

Երկրորդ չեմպիոնություն և 90-ականներ

«Ռոմայի» պատմության հաջողված էջը սկսվեց 1979/80 մրցաշրջանում Իտալիայի Գավաթի հաղթանակով, որտեղ մայրաքաղաքայինները եզրափակիչում 11 մ հարվածաշարով հաղթեցին Տորինոյին։ 1980/81 մրցաշրջանում Ռոման զբաղեցնում է երկրորդ հորիզոնականը՝ զիջելով Յուվենտուսին, հաջորդ տարի 3-րդ հորիզոնականը, հետ մնալով Ֆիորենտինայից և Յուվենտուսից։ Այդ ժամանակահատվածում Ռոմայի գլխավոր մարզիչն էր Միլանի նախկին ֆուտբոլիստ Նիլս Լինդհոլմը։ Նրա ղեկավարությամբ թիմում փայլում էին այնպիսի ֆուտբոլիստներ, ինչպիսիք են՝ Բրունո Կոնտին, Ագոստինո Դի Բարտոլոմեյը, Ռոբերտո Պրուցցոն և Ֆալկաոն։

1982/83 մրցաշրջանը ոսկե տառերով գրվեց թիմի պատմության մեջ. «Ռոման» երկրորդ անգամ նվաճեց սկուդետտոն^[10]։ Հաջորդ մրցաշրջանում «Ռոման» առաջնությունում գրավեց երկրորդ տեղը և դարձավ Իտալիայի գավաթակիր։ Բացի այդ «Ռոման» հասավ Չեմպիոնների Լիգայի եզրափակիչ։ Լիվերպուլի հետ եզրափակչի հիմնական ժամանակը ավարտվեց 1։1 հաշվով, հռոմեացիների գոլը հեղինակեց Պրուցցոն, սակայն հետխաղյա 11 մետրանոց հարվածաշարում ավելի դիպուկ գտնվեցին անգլիացիները^[11]։ Ռոմայի 80-ականների հաջողություններն ավարտվեցին 1985/86 մրցաշրջանում, որտեղ ջալլոռոսսները գրավեցին 2-րդ տեղը և ևս մեկ անգամ նվաճեցին Իտալիայի Գավաթը՝ եզրափակիչում հաղթելով Սամպդորիային 3։2 հաշվով։

Հետագայում սկսվեց Ռոմայի անկումը. քիչ թե շատ հաջողություն կարելի է համարել 1987/88 թվականի առաջնության բրոնզե մեդալը։ 1991 թվականին Ռոման ՈՒԵՖԱ-ի գավաթի խաղարկությունում հասավ մինչև եզրափակիչ, որտեղ «իտալական» եզրափակիչում 2։1 հաշվով զիջեց Ինտերին։ Նույն թվականին ակումբը նվաճեց իր 7-րդ գավաթը և զիջեց Սամպդորիային Իտալիայի սուպերգավաթում։ 1993 թվականին ակումբի սեփականատեր և նախագահ է դառնում Ֆրանկո Սենսին։ Տասնամյակի ընթացքում Ռոման այլևս չունեցավ հիշարժան մրցաշրջաններ. լավագույն արդյունքը թերևս 1997/98 թվականին զբաղեցրած 4-րդ հորիզոնականն էր։ 90-ականների սկզբին ակումբում հայտնվեց մի ֆուտբոլիստ, ով պետք է դառնար թիմի անփոխարինելի ավագը և խորհրդանիշը. նա Ֆրանչեսկո Տոտտին էր։

Նոր հազարամյակ

ԱՆՏՈՆԻՈԼԻ ՍԱՄՈՒԵԼ ԶԵԲԻՆԱ ԶԱԳՈ ԿԱՖՈՒ ԿԱՆԴԵԼԱ ԷՄԵՐՍՈՆ ՏՈՄԱԶԻ ՏՈՏՏԻ ԲԱՏԻՍՏՈՒՏԱ ՄՈՆՏԵԼԼԱ

2000/01 մրցաշրջանի վերջին տուրում Պարմայի դեմ պատմական հանդիպման մեկնարկային կազմը

Չեմպիոնական կազմի հայտարարումը մարզադաշտում

Ռոման իր կորցրած դիրքերը վերականգնեց 2000-ական թվականներին՝ սկսելով հազարամյակը 3-րդ չեմպիոնական տիտղոսով 2000/01 մրցաշրջանում։ Մրցաշրջանի ճակատագիրը որոշվեց միայն վերջին տուրում. 2001 թվականի հունիսի 17-ին հաղթելով Պարմային 3։1 հաշվով՝ Ռոման 2 միավորով առաջ ընկավ Թուրինի Յուվենտուսից։ Թիմի ավագ Ֆրանչեսկո Տոտտին դարձավ ակումբի հերոսներից մեկը՝ նվաճելով բազմաթիվ ռեկորդներ։ Այդ ժամանակաշրջանի հայտնի ֆուտբոլիստներից էին նաև՝ Ալդաիրը, Կաֆուն, Գաբրիել Բատիստուտան և Վինչենցո Մոնտելլան^[12]։ «Ջալլոռոսները» հաջորդ մրցաշրջանում փորձեցին պաշտպանել սկուդետտոն, սակայն վերջնական արդյունքում զբաղեցրեցին 2-րդ տեղը՝ 1 միավորով հետ մնալով Յուվենտուսից։ Մյուս մրցաշրջաններում Ռոման մեկ անգամ չէ, որ շատ մոտ էր նոր գավաթներ նվաճելու, սակայն վերջին պահին սայթաքում էր. նա պարտվեց Միլանին 4։2 հաշվով Իտալիայի գավաթի 2002/03 մրցաշրջանի երզափակչում և 2003/04 մրցաշրջանում զիջեց նույն Միլանին նաև առաջնությունում՝ նորից գրավելով 2-րդ հորիզոնականը։

2006 թվականի Իտալիայի կոռուպցիոն սկանդալը թույլ տվեց Ռոմային բարձրանալ 2-րդ հորիզոնական. դա տեղի ունեցավ 2005/06 մրցաշրջանում, նույն մրցաշրջանում Ռոման գավաթի եզրափակիչում պարտվեց Ինտերին։ Հաջորդ երկու մրցաշրջաններում նույնպես Ռոման գրավեց 2-րդ հորիզոնականը։ Չնայած տիտղոսների բացակայությանը, այս տասնամյակը համարվեց լավագույնը թիմի պատմության մեջ։ 2008 թվականին մահացավ Ռոմայի նախագահ Ֆրանկո Սենսին և նրան իր պաշտոնում փոխարինեց դուստրը՝ Ռոզելլա Սենսին։

2010 թվականի հուլիսի 8-ին ֆինանսական խնդիրների պատճառով Ռոզելլան ստիպված էր վաճառել ակումբը 325 միլիոն եվրո գումարի դիմաց։ Գլխավոր թեկնածուները երեքն էին՝ 1) Ամերիկացի գործարարներ, 2) Արաբ շեյխեր, 3) Երրորդ գնորդի անունը չէր հայտարարվում վերջինիս ցանկությամբ (որոշ տվյալներով նա իտալացի գործարար էր)։ 2011 թվականին Ռոզելլա Սենսին հրաժարական է տալիս, իսկ ակումբը գնում են ամերիկացի գործարարները Թոմաս ԴիԲենեդետտոյի գլխավորությամբ, հենց վերջինս էլ դառնում ակումբի նոր նախագահը։ Նոր սեփականատերը վճարում է թիմի բոլոր պարտքերը և գումար է տրամադրում թիմի ենթակառուցվածքի ձևավորման և տրանսֆերների համար, մինչ 2010/11 մրցաշրջանի ավարտն ակումբը գլխավորում է Վինչենցո Մոնտելլան։

2011/12 մրցաշրջանում Ռոման ակտիվություն է ցուցաբերում տրանսֆերային շուկայում, թիմի շարքերը լրացնում են երիտասարդ և տաղանդավոր ֆուտբոլիստները, թիմի գլխավոր մարզիչ է նշանակվում Լուիս Էնրիկեն. նրա օրոք Ռոման վերջին 10 տարվա ընթացքում ցույց տվեց վատագույն արդյունքը։ Եվրոպայի Լիգայի առաջին իսկ փուլում պարտվելով Սլովակիայի Սլովանին՝ դուրս է մնում առաջնությունից, իսկ մրցաշրջանը ավարտում 7-րդ տեղում՝ ձախողելով առաջնությունը։ Լուիս Էնրիկեի ձախողումից հետո նրան հեռացնում են գլխավոր մարզչի պաշտոնից, իսպանացի մասնագետին փոխարինում է չեխ Զդենեկ Զեմանը։ Որոշվում է Հռոմում կառուցել նոր մարզադաշտ։ Ակումբի նախագահ Թոմաս ԴիԲենեդետտոն զբաղվածության պատճառով իր տեղը զիջում է մյուս սեփականատիրոջը՝ Ջեյմս Պալլոտտային։

2012/13 մրցաշրջանում Զդենեկ Զեմանը շեշտը դնում է հարձակման գծի վրա՝ մոռանալով պաշտպանության մասին, ինչի մասին խոսում էր վիճակագրությունը, առաջնության ամենաարդյունավետ ակումբը՝ հենց Ռոման, սակայն վերջին ահռելի քանակությամբ գոլեր էր նաև բաց թողնում։ 22-րդ տուրից հետո Ռոման իջնում է 8-րդ հորիզոնական, սկսվում են քննարկվել մարզչի հրաժարականը, սակայն չեխ մասնագետին տրվում է ևս մեկ հնարավորություն, որը վերջինս չի օգտագործում։ Զեմանի հեռացումից հետո գլխավոր մարզչի ղեկը մինչ մրցաշրջանի ավարտը ստանձնում է նրա օգնական Աուրելիո Անդրեացցոլին, ով 2005 թվականից աշխատում էր Ռոմայում։

2013 թվականի հունիսի 12-ին ակումբի նախագահ Ջեյմս Պալլոտտան ներկայացրեց թիմի նորանշանակ մարզիչ, ֆրանսիացի մասնագետ Ռուդի Գարսիային^[13]։

Ակումբի հիմն

Օրիգինալ տեքստ Roma Roma Roma core de 'sta Citta unico grande amore de tanta e tanta gente che fai sospira. Roma Roma Roma lassace canta, da 'sta voce nasce n’coro so' centomila voci ciai fatto 'nnamora. Roma Roma Roma, t’ho dipinta io gialla come er sole rossa come er core mio. Roma Roma Roma nun te fa 'ncanta tu sei nata grande e grande hai da resta Roma Roma Roma core de 'sta Citta unico grande amore de tanta e tanta gente che fai sospira.

Հայերեն թարգմանություն Ռոմա, Ռոմա, Ռոմա Սիրտը այդ քաղաքի, Միակ ու անկրկնելի սերը բոլոր բոլորի, ովքեր շնչում են քեզանով։ Ռոմա, Ռոմա, Ռոմա Թող մենք երգենք, և մեր ձայները կխառնվեն միասին, հարյուր-հազարավոր ձայներ սիրահարված քեզ։ Ռոմա, Ռոմա, Ռոմա Ես պատկերեցի քեզ՝ Դեղին, ինչպես արև Կարմիր, ինչպես իմ սիրտը Ռոմա, Ռոմա, Ռոմա Թույլ մի տուր, որ քեզ կախարդեն, Դու ծնվել ես փառահեղ Փառահեղ էլ կմնաս։ Ռոմա, Ռոմա, Ռոմա Սիրտը այդ քաղաքի, Միակ ու անկրկնելի սերը Բոլոր բոլորի, ովքեր շնչում են քեզանով։

Հիմնի տարբերակը YouTube-ում։

Ակումբի նախագահներ

Հիմնական հոդված՝ Ռոմա ՖԱ-ի նախագահների ցանկ

Անուն Տարիներ Իտալո Ֆոսկի 1927–28 Ռենատո Սաչերդոտի 1928–34 Անտոնիո Շիալոյա 1935 Իջինո Բետտի 1935–41 Էդգարդո Բացցինի 1941–44 Պիետրո Բալդասարրե 1944–49 Պիեռ Կառլո Ռեստանյո 1949–52 Ռոմոլո Վասելլի 1952 Ռենատո Սաչերդոտի 1952–58 Անակլետո Ջիանի 1958–62 Ֆրանչեսկո Մարինի Դետտինա 1962–65 Ֆրանկո Էվանջելիստի 1965–68 Ֆրանչեսկո Ռանուչչի 1968

Անուն Տարիներ Ալվարո Մարչինի 1968–71 Գաետանո Անձալոնե 1971–79 Դինո Վիոլա 1979–91 Ֆլորա Վիոլա 1991 Ջուզեպպե Չիարրապիկո 1991–93 Չիրո դի Մարտինո 1993 Ֆրանկո Սենսի 1993–08 Ռոզելլա Սենսի 2008–11 Ռոբերտո Կապելլի 2011 Թոմաս ԴիԲենեդետտո 2011-12 Ջեյմս Պալլոտտա 2012-2020 Դեն Ֆրիդկին 2020-

Մարզիչներ

Հիմնական հոդված՝ Ռոմա ՖԱ-ի մարզիչների ցանկ

Անուն Ազգություն Տարիներ Վիլիամ Գարբատ 1927–29 Գուիդո Բացցանի 1929–30 Հերբերտ Բարգես 1930–32 Յանոշ Բար 1932–33 Լայոշ Կովաչ 1933–34 Լուիջի Բարբեսինո 1934–38 Գուիդո Արա 1938–39 Ալֆրեդ Շաֆֆեր 1939–42 Գեզա Կերտես 1942–43 Գուիդո Մազետտի 1943–45 Ջովաննի Դեյնի 1945–47 Իմրե Սենկեյ 1947–48 Լուիջի Բրունելլա 1948–49 Ֆուլվիո Բեռնարդինի 1949–50 Լուիջի Բրունելլա 1950 Ադոլֆո Բալոնչերի 1950 Պիետրո Սերանտոնի 1950 Գուիդո Մազետտի 1950–51 Ջուզեպպե Վիանի 1951–53 Մարիո Վարլիեն 1953–54 Ջեսս Քարվեր 1954–55 Դյորդ Շարոշի 1955-56 Գուիդո Մազետտի 1956–57 Ալեք Ստոկ 1957–58

Անուն Ազգություն Տարիներ Գուննար Նորդալ 1958–59 Դյորդ Շարոշի 1959–60 Ալֆրեդո Ֆոնի 1960–61 Լուիս Կառնիլիա 1961–63 Նաիմ Կրիեզիու 1963 Ալֆրեդո Ֆոնի 1963–64 Լուիս Միրո 1964–65 Խուան Կառլոս Լորենցո 1965–66 Օրոնցո Պուլյեզե 1966–68 Էլենիո Էռերա 1968–70 Լուչանո Տեսսարի 1970 Էլենիո Էռերա 1971–73 Անտոնիո Տրեբիչիանի 1973 Մանիլո Սկոպինյո 1973 Նիլս Լիդհոլմ 1973–77 Գուստավո Ջանիոնի 1978–79 Ֆերուչչո Վալկարեջի 1979–80 Նիլս Լիդհոլմ 1980–84 Սվեն-Գյորան Էրիկսոն 1984–86 Անջելո Սորմանի 1986–87 Նիլս Լիդհոլմ 1987–89 Լուչանո Սպինոզի 1989 Լուիջի Ռադիչե 1989–90 Օտտավիո Բիանկի 1990–92

Անուն Ազգություն Տարիներ Վույադին Բոշկով 1992–93 Կառլո Մացցոնե 1993–96 Կառլոս Բիանկի 1996-97 Նիլս Լիդհոլմ 1997 Էցիո Սելլա 1997 Զդենեկ Զեման 1997–99 Ֆաբիո Կապելլո 1999–04 Չեզարե Պրանդելլի 2004 Ռուդի Ֆյոլեր 2004 Լուիջի Դելների 2004–05 Բրունո Կոնտի 2005 Լուչանո Սպալետտի 2005–09 Կլաուդիո Ռանիերի 2009–11 Վինչենցո Մոնտելլա 2011 Լուիս Էնրիկե 2011–12 Զդենեկ Զեման 2012–13 Աուրելիո Անդրեացցոլի 2013 Ռուդի Գարսիա 2013–16 Լուչանո Սպալետտի 2016-17 Էուսեբիո Դի Ֆրանչեսկո 2017-2019 Կլաուդիո Ռանիերի 2019 Պաուլու Ֆոնսեկա 2019-2021 Ժոզե Մոուրինյո 2021-2024 Դանիելե Դե Ռոսսի 2024 Իվան Յուրիչ 2024 Կլաուդիո Ռանիերի 2024-

Ներկա կազմ

2025 թվականի Փետրվարի 4-ի դրությամբ

Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:

№ Դիրք Խաղացող 2 ՊՇ Դևայն Ռենչ 3 ՊՇ Անխելինիո 4 ԿՊ Բրիան Կրիստանտե 5 ՊՇ Էվան Ն'Դիկա 7 ԿՊ Լորենցո Պելեգրինի 11 ՀՐ Արտեմ Դովբիկ 12 ՊՇ Սաուդ Աբդուլհամիդ 14 ՀՐ Էլդոր Շոմուրոդով 15 ՊՇ Մաթս Հումմելս 16 ԿՊ Լեանդրո Պարեդես 17 ԿՊ Մանու Կոնե (վարձավճար) 18 ՀՐ Մաթիաս Սուլե 19 ՊՇ Զեկի Չելիկ

№ Դիրք Խաղացող 21 ՀՐ Պաուլո Դիբալա 23 ՊՇ Ջանլուկա Մանչինի 25 ՊՇ Վիկտոր Նելսոն (վարձավճար) 27 ԿՊ Լյուկա Գուրնա-Դուաթ (վարձավճար) 34 ՊՇ Անաս Սալահ-Էդինե 35 ՀՐ Տոմազո Բալդանցի 56 ԿՊ Ալեքսիս Սալեմակերս (վարձավճար) 61 ԿՊ Նիկոլո Պիզիլի 66 ՊՇ Բուբա Սանգարե 89 ԴՊ Ռենատո Մարին 92 ՀՐ Ստեֆան Էլ-Շաարավի 95 ԴՊ Պիեռլուիջի Գոլինի 99 ԴՊ Միլե Սվիլար

Ընթացիկ պայմանագիր

Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:

№ Դիրք Խաղացող ՊՇ Վիլյամ Բյանդա ԿՊ Անտե Չորիչ

Վարձավճարով տրված

Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:

№ Դիրք Խաղացող ԴՊ Դ. Մաստրանտոնիո (→ Միլան Ֆուտուրո) ՊՇ Յան Օլիվեյրաս (→ Դինամո Զագրեբ) ՊՇ Մարաշ Կումբուլա (→ Էսպանյոլ) ՊՇ Մարիո Էրմոսո (→ Բայեր Լևերկուզեն) ՊՇ Մատեո Պլայա (→ Պերուջա) ՊՇ Սամուել Դալ (→ Բենֆիկա) ՊՇ Վիլիամ Ֆեոլա (→ Կոմո) ՊՇ Էբրիմա Դարբո (→ Ֆրոզինոնե)

№ Դիրք Խաղացող ԿՊ Էդոարդո Բովե (→ Ֆիորենտինա) ԿՊ Էնցո Լե Ֆե (→ Սանդերլենդ) ԿՊ Նիկոլա Զալևսկի (→ Ինտեր) ԿՊ Ռիկարդո Պագանո (→ Կատանձարո) ՀՐ Լուիջի Չերուբինի (→ Կարարեզե) ՀՐ Մանուել Նարդոցի (→ Պարմա) ՀՐ Թեմմի Աբրահամ (→ Միլան) ՀՐ Օլա Սոլբակեն (→ Էմպոլի)

Մարզչական կազմ

Պաշտոն	Անուն
Գլխավոր մարզիչ	Կլաուդիո Ռանիերի
Մարզչի օգնական	Պաոլո Բենետի
Տեխնիկական մարզիչ	Ջիովաննի Չերրա
Ֆիզ. պատր. մարզիչ	Մանրիկո Ֆերրարի
Ֆիզ. պատր. մարզիչ	Մաուրիցիո Ֆանկինի
Ֆիզ. պատր. մարզիչ	Վիտո Սկալա
Դարպասապահների մարզիչ	Մարկո Սավորանի
Կազդուրող մարզիչ	Լուկա Ֆրանչեսկի
Թիմի մենեջեր	Սիմոնե Ռիկիո
Վիդեո անալիտիկ	Միկելե Սալձարուլո
Բուժանձնակազմի համակարգող	Անդրեա Կաուզարանո
Առողջության պատասխանատու	Ֆեդերիկո Մանարա
Սոցիալական բժիշկ	Ալեսսանդրո Ֆիորետտի
Բժիշկ-օստեոպատ	Վալտեր Մարտինելլի
Ֆիզիոթերապևտ	Ստեֆանո Ռապետտի
Ֆիզիոթերապևտ	Ալեսանդրո Կարդինի
Ֆիզիոթերապևտ	Մարկո Էսպոզիտո
Ֆիզիոթերապևտ	Դամիանո Ստեֆանինի

Գույներ, լոգոտիպ և մականուն

Ռոմայի գույները՝ թագավորական մանուշակագույնը ոսկեգույն-դեղին նախշերով, ներկայացնում են Հավերժական քաղաքի՝ Հռոմի ավանդական գույները։ Comune di Roma-ի (Հռոմի քաղաքապետարանի) պաշտոնական կնիքը նույնպես այդ գույներով է^[14]։ Ոսկեգույնն ու մանուշակագույն-կարմիրը ներկայացնում են Հռոմեական կայսրության արժանապատվությունը^[15]։ Սպիտակ շորտերը և սև գուլպաները սովորաբար հագնում են կարմիր մարզաշապիկի հետ, սակայն հատկապես կարևոր խաղերի ժամանակ շորտերն ու գուլպաները լինում են տնային մարզաշապիկի գույնի^[16]։

Մարզահագուստն ի սկզբանե հռոմեական ֆուտբոլային ակումբինն էր՝ մեկը այն երեք ակումբներից, որոնք 1927 թվականին միացան և ձևավորեցին ներկայիս Ռոման^[14] Մարզաշապիկի գույներից ելնելով՝ Ռոմային երբեմն անվանում են i giallorossi՝ դեղնակարմիրներ^[17]։ Ռոմայի արտագնա խաղերի մարզահագուստը սպիտակ է։ Կա նաև երրորդ մարզահագուստ։ Միգուցե ժամանակակից սպորտային մարկեթինգի պատճառով է, որ վերջին մի քանի տարիների ընթացքում ոսկեգույն նախշերը փոխարինվել են նարնջագույնով։ Ժամանակակից այլընտրանքային մարզահագուստն արդեն ներառում է բոլոր նարնջագույն և նարնջակարմիր տարբերակները։

Ակումբի հայտնի մականունն է i lupi՝ գայլեր. կենդանին ակումբի պատմության ընթացքում միշտ պատկերված է եղել վերջինիս նշանի վրա տարբեր տեսքով։ Այժմ ակումբի զինանշանը հիմնադրման ժամանակ գործածվող զինանշանն է։ Այն ունի հետևյալ տեսքը՝ մուգ կարմիր և դեղնաոսկեգույն վահանի վրա պատկերված է էգ գայլ երկու երեխաների՝ Հռոմուլոս և Հռեմոս եղբայրների հետ, որոնք պատկերում են Հռոմի հիմնադրման առասպելը^[18]։ Վերջինս պատմում է, որ Մարսի և Ռեա Սիլվիայի զույգ երեխաներին Ամուլիոսը՝ նրանց հորեղբայրը, գցում է Տիբեր գետը, սակայն գայլը նրանց փրկում է և խնամում։ Որոշ ժամանակ անց զույգ եղբայրները պատժում են Ամուլիոսին։ Հետո Հռոմուլոսը սպանում է Հռեմոսին և դառնում նոր քաղաքի թագավորը, որն իր անունով կոչում են Հռոմ^[19]։ Սկսած ակումբի հիմնադրումից, Ռոման ունեցել է հինգ լոգո։

Փառքի սրահ

2012 թվականի հոկտեմբերի 7-ին Ռոման ներկայացրեց իր «Փառքի Սրահը»^[20]։«Փառքի Սրահի» 11 ֆուտբոլիստները ընտրվել են թիմի պաշտոնական կայքում՝ հատուկ քվեարկության միջոցով։ Հետագա տարիներին ցանկը համալրվեց թիմում հանդես եկած այլ ֆուտբոլիստներով։

2012 Ֆրանկո Տանկրեդի (1977-90) Կաֆու (1997-03) Ջակոմո Լոզի (1954-69) Ալդաիր (1990-03) Ֆրանչեսկո Ռոկկա (1972-81) Ֆուլվիո Բեռնարդինի (1928-39) Ագոստինո Դի Բարտոլոմեյ (1972-75; 1976-84) Ֆալկաո (1980-85) Բրունո Կոնտի (1973-75; 1976-78; 1979-91) Ռոբերտո Պրուցցո (1978-88) Ամեդեո Ամադեյ (1936-38; 1939-48) 2013 Ատտիլիո Ֆերրարիս IV (1927-34; 1938-39) Սեբաստիանո Նելա (1981-92) Ջուզեպպե Ջանինի (1981-96) Վինչենցո Մոնտելլա (1999-07; 2008-09)

2014 Ալսիդես Գիջջա (1953-1961) Կառլո Անչելոտտի (1979-1987) Ռուդի Ֆյոլլեր (1987-1992) Վենսան Կանդելա (1997-2005) 2015 Դամիանո Տոմազի (1996-2006) Սերջիո Սանտարինի (1968-1981) Գուիդո Մազետտի (1930-1943) Գաբրիել Բատիստուտա (2000-2003) 2016 Ջորջիո Կարպի (1927-1934, 1935-1936) Արկադիո Վենտուրի (1948-1957) Ջանկարլո Դե Սիստի (1960-1965, 1974-1979) Տոնինյո Սերեզո (1983-1986) 2017 Ֆրանչեսկո Տոտտի (1992-2017)

Վիճակագրություն և ռեկորդներ

Հիմնական հոդված՝ Ռոմա ՖԱ-ի ռեկորդներ և վիճակագրություն

Ռոմայի դիրքերը Սերիա A-ի պատմության մեջ

Ռոմայում խաղերի քանակով ռեկորդը պատկանում է Ֆրանչեսկո Տոտտիին. նա մասնակցել է 610 խաղի (2011 թվականի մայիսի տվյալների համաձայն) 19 մրցաշարերի ընթացքում՝ սկսած 1992 թվականից։ Նրան է պատկանում նաև Սերիա A-ի ռեկորդը 528 խաղով՝ 2008 թվականի մարտի 1-ին Պարմայի հետ տնային հանդիպման ժամանակ «Կապիտանոն» շրջանցեց Ջակոմո Լոզիին։

Ֆրանչեսկո Տոտտին Ռոմայի բոլոր ժամանակների լավագույն ռմբարկուն է 262 գոլով (ակումբին միանալու պահից սկսած), որոնցից 226-ը նա խփել է Սերիա A-ում, 2012/13 մրցաշրջանում Տոտտին խփեց իր 226-րդ գոլը Սերիա A-ում, որը նրան դուրս բերեց բոլոր Սերիա A-ի բոլոր ժամանակների ռմբարկուների 2-րդ հորզիոնական՝ շրջանցելով Գուննար Նորդալին (225 գոլ)։ Ռոբերտո Պրուցցոն, որը բոլոր ժամանակների լավագույն ռմբարկուն էր սկսած 1988 թվականից, երկրորդն է 136 գոլով։ 1930/31 մրցաշրջանի ժամանակ Ռոդոլֆո Վոլկը խփեց 29 գոլ մեկ մրցաշրջանի ընթացքում և դրանով դարձավ ոչ միայն այդ տարվա լավագույն ռմբարկուն, այլ նաև Ռոմային պարգևեց մեկ մրցաշրջանում ամենաշատ գոլերի ռեկորդը, որը մինչև հիմա էլ դեռ Ռոմայինն է։

1926/27-ի վերջում Ֆորտիտուդոյի և Ալբայի հեռացումից հետո նորաստեղծ Ռոման պետք է մասնակցեր Հարավի առաջին դիվիզիոնի առաջնությանը (Սերիա B), և դա լինելու էր նրա առաջին մրցաշրջանը։ Այնուամենայնիվ Իտալիայի ֆուտբոլի ֆեդերացիան (FIGC) որոշեց առաջին մակարդակի բաժանումը ընդլայնել՝ կրկին ընդունելով Ռոմային, ինչպես նաև Նապոլիին։ Առաջին պաշտոնական խաղը, որ Ռոման ունեցել է 1927/28-ին Լիվորնոյի դեմ, Ազգային Դիվիզիոնում էր, որը Սերիա A-ի նախատիպն է։ Ռոման հաղթեց այդ խաղը 2-0 հաշվով^[21]։ Ռոմայի գրանցած ամենամեծ հաշվով հաղթանակը եղել է Կրեմոնեզեի դեմ խաղը 9-0 հաշվով Սերիա A-ի 1929/30 մրցաշարում։ Ամենամեծ հաշվով պարտությունը եղել 7-1 հաշիվը հետևյալ երեք խաղերում՝ առաջինը Յուվենտուսի հետ 1931/32-ին, մյուսը՝ Տորինոյի հետ խաղը 1947/48-ին և երրորդը՝ Մանչեսթեր Յունայթեդի հետ 2006/07-ին^[22]։

Ավագներ

Անուն	Դիրք	Կարիերան Ռոմայում	Մրցաշրջաններ որպես ավագ	Խաղեր	Գոլեր
Ատտիլիո Ֆերրարիս IV	ԿՊ	1927–1934 / 1938-1939	7 (1927–1934)	217	2
Ֆուլվիո Բեռնարդինի	ԿՊ	1928–1939	5 (1934–1939)	286	45
Գուիդո Մազետտի	ԴՊ	1930–1943	4 (1939–1943)	339	0
Ամեդեո Ամադեյ	ՀՐ	1936-1938 / 1939-1948	5 (1943–1948)	216	101
Սերջիո Անդրեոլի	ՊՇ	1941–1950	2 (1948–1950)	205	13
Արմանդո Տրե Ռե	ՊՇ	1949–1954	3 (1950–1953)	169	6
Արկադիո Վենտուրի	ԿՊ	1948–1957	4 (1953–1957)	288	17
Ալսիդես Գիջջա	ԿՊ	1953–1961	1 (1957–1958)	201	19
Էգիդիո Գուարնակկի	ԿՊ	1953–1963	1 (1958–1959)	122	4
Ջակոմո Լոզի	ՊՇ	1959–1969	9 (1959–1968)	450	2
Խոակին Պեյրո	ԿՊ	1968–1970	2 (1968–1970)	128	28
Լուիս դել Սոլ	ԿՊ	1970–1972	2 (1970–1972)	59	4
Ֆրանկո Կորդովա	ԿՊ	1967–1976	4 (1972–1976)	212	9
Սերջիո Սանտարինի	ՊՇ	1968–1981	4 (1976–1980)	344	7
Ագոստինո Դի Բարտոլոմեյ	ԿՊ	1972–1984	4 (1980–1984)	293	64
Կառլո Անչելոտտի	ԿՊ	1979–1987	3 (1984–1987)	227	18
Ջուզեպպե Ջանինի	ԿՊ	1981–1996	9 (1987–1996)	437	75
Ամեդեո Կարբոնի	ՊՇ	1990–1997	1 (1996–1997)	229	5
Աբել Բալբո	ՀՐ	1993-1998 / 2000-2002	1 (1997–1998)	175	78
Ֆրանչեսկո Տոտտի	ՀՐ	1992-2017	19 (1998–2017)	786	307
Դանիելե Դե Ռոսսի	ԿՊ	2001-2019	2 (2017-2019)	616	64
Ալեսանդրո Ֆլորենցի	ՊՇ	2011-2020	1 (2019-2020)	261	28
Էդին Ջեկո	ՀՐ	2015-2021	1 (2020-2021)	179	87
Լորենցո Պելեգրինի	ԿՊ	2017-	2 (2021-)	178	27

Աշխարհի առաջնության հաղթողներ

Աշխարհի առաջնություն 2022՝ Պաոլո Դիբալա Աշխարհի առաջնություն 2006՝ Ֆրանչեսկո Տոտտի Դանիելե Դե Ռոսսի Սիմոնե Պերոտտա Աշխարհի առաջնություն 2002՝ Կաֆու Աշխարհի առաջնություն 1998՝ Վենսան Կանդելա Աշխարհի առաջնություն 1994՝ Ալդաիր

Աշխարհի առաջնություն 1990՝ Թոմաս Բերտոլդ Ռուդի Ֆյոլլեր Աշխարհի առաջնություն 1982՝ Բրունո Կոնտի Աշխարհի առաջնություն 1938՝ Ալդո Դոնատի Գուիդո Մազետտի Էրալդո Մոնցելիո Պիետրո Սերանտոնի Աշխարհի առաջնություն 1934՝ Ատտիլիո Ֆերրարիս IV Էնրիկե Գուաիտա Գուիդո Մազետտի

Դե Ռոսսի Կանդելա

Երկրպագուներ և մրցակիցներ

Ռոմայի երկրպագուները Ստադիո Օլիմպիկոյում

Ռոման համարվում է Իտալիայի 5-րդ ամենաերկրպագվող թիմը՝ զիջելով Յուվենտուսին, Ինտերին, Միլանին և Նապոլիին, ըստ 2006 թվականի տվյալների՝ իտալացի ֆուտբոլասերների ընդամենը 7%-ը^[23]։ Պատմականորեն Ռոմայի երկրպագուների մեծ քանակը բնակվել է Հռոմի կենտրոնում գտնվող Տեստաչչո թաղամասում^[24]։

Commando Ultrà Curva Sud–ը ակումբի երկրպագուների ավանդական խումբն էր, որի հապավումը CUCS է։ Այս խումբը հիմնադրվել է այլ փոքր խմբերի միացումից և համարվել է Եվրոպական ֆուտբոլի պատմության մեջ ամենահայտնին։ Ինչևէ, 1990-ականների կեսերին CUCS–ը հափշտակվեց մրցակիցների խմբերի կողմից և ի վերջո պառակտվեց։ Այդ ժամանակից ի վեր Օլիմպիական մարզադաշտի Curva Sud-ը ղեկավարվում էր հիմնականում աջակողմյան խմբերի՝ A.S. Roma Ultras-ի, Boys-ի, Giovinezza-ի և այլոց կողմից։ Fedayn-ը՝ ամենահին խումբը, ապաքաղաքական էր, և քաղաքականությունը Ռոմայի ոչ թե գոյատևման պատճառն էր, այլ ուղղակի նրանց ընդհանուր ինքնության մի մասը։ 2009 թվականին ակումբը ներկայացրեց իր նախագիծը՝ կառուցելու 55,000-անոց նոր մարզադաշտ Հռոմի արևմտյան արվարձանում։ Ակումբի ամենահայտնի հիմնը և կարգախոսը Roma, Roma, Roma-ն է երգիչ Անտոնելլո Վենդիտտիի կատարմամբ։ Բառացի թարգմանությամբ վերնագիրը հետևյալն է՝ Ռոման չեն քննարկում, Ռոմային սիրում են։ Հիմնը հնչում է յուրաքանչյուր խաղից առաջ։ Միևնույն երգչի կատարմամբ Grazie Roma (Շնորհակալություն, Ռոմա) երգը հնչում է տնային հանդիպումների վերջում հաղթանակի դեպքում։ Վերջերս The White Stripes-ի հիմնական երգը՝ Seven Nation Army-ը, նույնպես տարածում է գտել խաղերի ժամանակ^[25]։

Մրցակիցներ

Օլիմպիական մարզադաշտը Ռոմայի խաղի ժամանակ

Իտալական ֆուտբոլում Ռոման շատ մրցակիցներ ունի։ Առաջին և հիմնական մրցակիցը Լացիոն է, որի հետ նրանք կիսում են Օլիմպիական մարզադաշտը։ Այս ակումբների միջև հակամարտությունը կոչվում է Derby della Capitale (մայրաքաղաքային դերբի)՝ աշխարհի երկու ամենատաքարյուն և էմոցիոնալ մրցակիցների միջև։ Մարզադաշտն անցյալում ականատես է եղել որոշ պատահական դժբախտ դեպքերի, ինչպիսիք են՝ Curva Sud-ի երկրպագուներից մեկի նետած ճայթրուկի արդյունքում Լացիոյի երկրպագու Վինչենսո Պապարելլիի մահը 1979/80-ի մրցաշրջանի ժամանակ^[26], ինչպես նաև 2004 թվականի մարտին սպանության մասին կեղծ շշուկների պատճառով մարզադաշտը լքելը, որին հաջորդեց մարզադաշտից դուրս խառնաշփոթը^[27]։ Նապոլիի և Ռոմայի հակամարտությունը անվանում են Derby del Sole, որը նշանակում է «Արևի դերբի»^[28]։ Այժմ երկրպագուներն իրենց մրցակից են համարում նաև Սերիա A-ի հզոր թիմերին, ինչպիսիք են Յուվենտուսը (հատկապես 1980-ականներից), «Միլանը» և «Ինտերը» (որը վերջին տարիներին ուժեղացել է), քանի որ այս չորս թիմերն են, որոնք մրցում են լիգայի աղյուսակում առաջին չորս տեղերի համար՝ Չեմպիոնների Լիգայում իրենց տեղն ապահովելու համար։ Վերջին տարիներին անգլիական ակումբների և Ռոմայի աջակիցների միջև եղել են մի շարք ընդհարումներ, որոնց հաջորդել են մի շարք բռնություններ մարզադաշտից դուրս, որոնց արդյունքում դանակահարվել են Լիվերպուլի երկրպագուներ։ Դրանից հետո եղել են այլ դեպքեր, երբ Հռոմում հարձակվել են անգլիական ակումբների երկրագուների վրա և դանակահարել նրանց, ներառյալ 2001 թվականի պատահարները, երբ Լիվերպուլը երկու անգամ այցելեց Ռոմային, ինչպես նաև 2006 թվականին Միդլսբրոյի, իսկ 2007-ին՝ Մանչեսթեր Յունայթեդի երկրպագուների հետ ընդհարումները։ 2009 թվականի մարտին Օլիմպիական մարզադաշտի մոտ Ռոմայի երկրպագուների մի խումբ հարձակվեց Արսենալի երկրպագուների ավտոբուսի վրա։ Պատուհանները ջարդված էին, իսկ երկրպագուներից մեկն էլ, մտնելով ավտոբուս, կրակ արձակեց և դանակով հարված հասցրեց երկրպագուներից մեկի ծնկին^[29]։

Մարզաշապիկի հովանավորներ և արտադրողներ

Ժամանակահատված	Արտադրող	Հովանավոր
1970–71	Lacoste	չի եղել
1972–76	չի եղել
1977–79	Adidas
1979–80	Pouchain
1980–81	Playground
1981–82		Barilla (Մակարոնեղեն)
1982–83	Patrick
1983–86	Kappa
1986–91	NR
1991–94	Adidas
1994–95	Asics	Nuova Tirrena (Ապահովագրություն)
1995–97		INA Assitalia (Ապահովագրություն)
1997–00	Diadora
2000–02	Kappa
2002–03		Mazda (Ավտոմեքենաներ)
2003–05	Diadora
2005–06		Banca Italease (Բանկային խումբ)
2006–07		չի եղել
2007–13	Kappa	WIND (Հեռահաղորդակցություն)
2013–14	չի եղել	Roma Cares (Բարեգործական կազմակերպություն)
2014–24	Nike	Qatar Airways

Մրցաշրջանների քանակը ըստ սերիաների

Սերիա	Մրցաշրջանների քանակը	Մեկնարկը	Վերջին մրցաշրջանը
A	86	1927-1928	2014-2015
B	1	1951-1952	1951-1952

Հայտնի ֆուտբոլիստներ

Հիմնական հոդված՝ Ռոմա ՖԱ-ի ֆուտբոլիստների ցանկ

Իտալիա Ալբերտո Ակվիլանի Ալեանդրո Ռոզի Ամեդեո Կարբոնի Անջելո Պերուցցի Անտոնիո Կասսանո Անտոնիո Կիմենտի Ատտիլիո Ֆերրարիս IV Բրունո Կոնտի Գաետանո Դ՛Աուգուստինո Գուիդո Մազետտի Դամիանո Տոմազի Դանիելե Դե Ռոսսի Դանիելե Մասսարո Էնրիկե Գուաիտա Իվան Պելիցոլլի Լուկա Տոնի Կառլո Անչելոտտի Մանուելե Բլազի Մատտեո Բրիգի Մարկո Կասետտի Պիետրո Վերհովոդ Ջակոմո Լոզի Ջուզեպպե Ջանինի Ռոբերտո Պրուցցո Սիմոնե Պեպե Սիմոնե Պերոտտա Վինչենցո Մոնտելլա Քրիստիան Պանուչչի Ֆաբիո Բորինի Ֆրանչեսկո Անտոնիոլի Ֆրանչեսկո Գրացիանի Ֆրանչեսկո Տոտտի Ֆուլվիո Կոլլովատի

Արգենտինա Աբել Բալբո Գաբրիել Բատիստուտա Գաբրիել Հայնցե Կլաուդիո Կանիջջա Վալտեր Սամուել Ավստրիա Հերբերտ Պրոհազկա Բելառուս Սերգեյ Գուրենկո Բրազիլիա Ադրիանո Ալդաիր Ամարիլդո Անտոնիո Կառլոս Զագո Ասունսաո Դինո Դա Կոշտա Էմերսոն Ֆերեյրա Ժաիր Դա Կոշտա Ժուան Ժուլիո Բապտիստա Կաֆու Մանսինի Պաուլո Ռոբերտո Ֆալկաո Պաուլո Սերժիո Ջոնաթան Զեբինա Ռենատո Գաուշո Ռոդրիգո Տադդեյ Սիսինյո Տոնինյո Սերեզա Ֆաբիո Սիմպլիսիո Ֆրանսիսկո Լիմա

Գանա Սամուել Կուֆֆուր Գերմանիա Թոմաս Բերտոլդ Թոմաս Հեսսլեր Կառլ-Հայնց Շնելլինգեր Ռուդի Ֆյոլլեր Դանիա Հելգե Բրոնե Սիմոն Կյեր Իսպանիա Բոյան Կրկիչ Խոսե Անխել Խոսեպ Գվարդիոլա Իվան Հելգերա Լեհաստան Զբիգնև Բոնեկ Կամերուն Պիեռ Վոմե Հունաստան Լամպրոս Խուտոս Տրայանոս Դելլաս Ճապոնիա Հիդետոշի Նակատա Նիդերլանդներ Մաարտեն Ստեկելենբուրգ Նորվեգիա Ջոն Կարյու Յոն Արնե Ռիսե

Շվեդիա Գուննար Նորդալ Մարտին Դալին Յոնաս Թեռն Չեռնոգորիա Միրկո Վուչինիչ Չիլի Դավիդ Պիզարրո Պորտուգալիա Աբել Խավիեր Ռումինիա Քրիստիան Կիվու Ռուսաստան Դմիտրի Ալենիչև Օմարի Տետրաձե Սերբիա Սինիշա Միխայլովիչ Ուելս Ջոն Չարլզ Ուրուգվայ Ալսիդես Գիջջա Դանիել Ֆոնսեկա Խուան Ալբերտո Սկյաֆֆինո Ֆրանսիա Լյուդովիկ Ժյուլի Օլիվիե Դակուր Վենսան Կանդելա Ֆիլիպպ Մեքսես

Նվաճումներ

Ազգային

• Սերիա A
  • Չեմպիոն (3)։ 1942; 1983; 2001
  • Փոխ-չեմպիոն (14)։ 1931; 1936; 1955; 1981; 1984; 1986; 2002; 2004; 2007; 2008; 2010; 2014, 2015, 2017
• Ֆուտբոլի Իտալիայի գավաթ
  • Գավաթակիր (9)։ 1964, 1969, 1970, 1981, 1984, 1986, 1991, 2007, 2008
  • Եզրափակչի մասնակից (7)։ 1937, 1941, 1993, 2003, 2005, 2006, 2010, 2013
• Ֆուտբոլի Իտալիայի սուպերգավաթ
  • Սուպերգավաթակիր (2)։ 2001, 2007
  • Եզրափակչի մասնակից (4)։ 1991, 2006, 2008, 2010

Եվրոպական

• Եվրոպայի Չեմպիոնների Գավաթ / ՈՒԵՖԱ Չեմպիոնների Լիգա
  • Եզրափակիչ (1)։ 1984
• ՈՒԵՖԱ-ի գավաթ
  • Եզրափակիչ (1)։ 1991
• ՈՒԵՖԱ Եվրոպայի Կոնֆերենցիաների Լիգա
  • Գավաթակիր (1)։ 2022
• Տոնավաճառների գավաթ
  • Գավաթակիր (1)։ 1961

Մարզադաշտեր

• 1927-1929 - Մոտովելոդրոմո Ապպիո
• 1929 - Ռոնդինելլա մարզադաշտ
• 1929-1941 - Կամպո Տեստաչչո
• 1941-1953 - Ազգային Ֆաշիստական կուսակացության մարզադաշտ (ավելի ուշ Ֆլամինիո մարզադաշտ)
• 1953-1989 - Հռոմի Օլիմպիական մարզադաշտ
• 1989-1990 - Ֆլամինիո մարզադաշտ
• 1990-ներկա - Հռոմի Օլիմպիական մարզադաշտ
• 2011 թ. նոր նախագահ Թոմաս ԴիԲենեդետտոն որոշում է նոր մարզադաշտ կառուցել