Ռոման ՖԱ

«Ռոման» կամ «Ռոմայի Ֆուտբոլային Ակումբ» (իտալ.՝ Foot Ball Club di Roma), իտալական նախկին սպորտային ակումբ Հռոմի Պարիոլի համայնքից, որը առավել հայտնի էր իր ֆուտբոլային գործունեությամբ։ Երբ նոր էր մեկնարկել Իտալիայի ֆուտբոլի առաջնությունը, Ռոմանը համարվում էր առաջնության ուժեղ թիմերից մեկը։ 1927 թվականի հուլիսի 22-ին միավորվելով ևս 2 ակումբի հետ, ստեղծվեց Հռոմի Ռոմա^[1] ֆուտբոլային ակումբը, Ռոմանը իր գույները տվեց նոր ակումբին։

Ռոման
Ամբողջական անուն	Foot Ball Club di Roma Ռոմայի ֆուտբոլային ակումբ
Գույներ	դեղին-կարմիր
Հիմնադրում	1901 (սպորտային ակումբ) 1903 (ֆուտբոլային ակումբ)
Լուծարում	Հուլիսի 22, 1927 թ.
Երկիր	Իտալիա
Քաղաք	Հռոմ
Մարզադաշտ	Կամպո դի «2 Պինի»
Տարողունակություն	անհայտ
Լիգա	Առաջին Դիվիզիոն
Տան դաշտ Մրցակցի դաշտ

Պատմություն

Foot Ball Club di Roma-ն ստեղծվել է 1901 թվականին, որպես սպորտային ակումբ, սակայն 2 տարի անց՝ 1903 թվականին ավելացվեց նաև ֆուտբոլային ակումբը^[2]։ Իտալիայի ֆուտբոլի առաջնության վաղ ժամանակահատվածում, մրցաշարին մասնակցում էին միայն հյուսիսային Իտալիայի ակումբները, Ռոմանը սպասեց մինչև 1912/13 մրցաշրջանը, որպեսզի իր անդրանիկ հանդիպումն անցկացնի մրցաշարում, Ռոմանը տեղ էր գրավել «Լացիո» խմբում։ Հենց առաջին մրցաշրջանում Ռոմանը հայտնվեց աղյուսակի միջին հատվածում, սակայն Հռոմի մեկ այլ թիմ՝ Լացիոն ավելի ուժեղ էր քան Ռոմանը։