From Wikipedia, the free encyclopedia
Իգնաց Իսահակ Մոշելես, (գերմ.՝ Ignaz Moscheles, մայիսի 23, 1794[1][2][3][…], Պրահա, Չեխական թագի հողեր, Սրբազան Հռոմեական կայսրություն[4][5][6] - մարտի 10, 1870[1][2][3][…], Լայպցիգ, Սաքսոնիայի թագավորություն[7][8]), բոհեմական ոճի վիրտուոզ դաշնակահար, դիրիժոր, կոմպոզիտոր, մանկավարժ։
Իգնաց Մոշելես | |
---|---|
![]() | |
Բնօրինակ անուն | գերմ.՝ Ignaz Moscheles |
Ծնվել է | մայիսի 23, 1794[1][2][3][…] Պրահա, Չեխական թագի հողեր, Սրբազան Հռոմեական կայսրություն[4][5][6] |
Երկիր | ![]() ![]() ![]() |
Մահացել է | մարտի 10, 1870[1][2][3][…] (75 տարեկան) Լայպցիգ, Սաքսոնիայի թագավորություն[7][8] |
Մասնագիտություն | դաշնակահար, դիրիժոր, կոմպոզիտոր, մանկավարժ, երաժշտագետ, երաժշտության ուսուցիչ, օրագրի հեղինակ, համալսարանի դասախոս և ջութակահար |
Գործիքներ | դաշնամուր |
Աշխատավայր | Լայպցիգի երաժշտության և թատրոնի բարձրագույն դպրոց |
Կրթություն | Պրահայի կոնսերվատորիա |
Անդամակցություն | Ludlamshöhle?[9] |
Կայք | moscheles.org |
![]() |
Իսահակ (հետագայում օգտագործել է Իգնաց անունը) Մոշելեսը ծնվել է Պրահայում՝ հարուստ հրեայի ընտանիքում։ Դաշնամուր նվագել սովորել է Պրահայում՝ Դ. Վեբերի մոտ։ 1808 թվականին գնացել է Վիենա, որտեղ կոմպոզիտորական արվեստ է սովորել Անտոնիո Սալիերիի մոտ, իսկ նրա մոտ աշխատող Ի. Գ. Ալբրեխտսբերգերից սովորել է երաժշտության տեսություն։ Մանկական տարիքից սկսել է համերգներ տալ և արդեն 14 տարեկանում իր սեփական համերգն է բեմադրել։
1814 թվականին Բեթհովենը նրան հանձնարարել է «Ֆիդելիո» օպերայի համար ստեղծել դաշնամուրային երաժշտություն։
1821—1845 թվականներին ապրել է Լոնդոնում և Բեռլինում,որտեղ զբաղվել է համերգային և մանկավարժական գործունեությամբ։ Նրա աշակերտը եղել է Արնի Լիտոլֆը, որը 12 տարեկանում Կովենտ գարդեն արքունական թատրոն հանդես է եկել որպես դաշնակահար։ 1825 թվականին ամուսնացել է Ֆրանկ Ֆուրտում՝ Շարլոտ Էմդենի հետ, որը հրեա բանկիրի աղջիկ էր և հրեական ծագումով գերմանացի բանաստեղծ, հրապարակախոս և գրաքննադատ Հայնրիխ Հայնեի զարմուհին։
1837 թվականին հանդես է եկել որպես դիրիժոր։
1844 թվականին նրան պատվել են Ռուսաստանի արտաքին գործերի նախարար Կ. Վ. Նեսելռոդը և Անգլիայի դեսպան Ֆ. Ի. Բրուննովը, սակայն երաժշտի` Պետերբուրգում կայանալիք համերգն ընդհատվել է իշխանուհի Ալեքսանդրա Նիկոլաևնայի մահվան պատճառով։
1846 թվականին մշտական բնակության է մեկնել Լայպցիգ, որտեղ մինչև կյանքի վերջ եղել է Լայպցիգի կոնսերվատորիայի դաշնամուրային բաժնի պրոֆեսոր։ Նրա աշակերտներից են եղել Եվգենի Ալբրեխտը, Իոսիֆ Աշերը, Վոլդեմար Բարգիլը, Ֆյոդոր Բեգրովը, Լուի Բրասսեն, Ռաֆայել Յոշեֆֆին, Իվան Կնորրը, Նիկոլայ Լիսենկոն, Ալեքսանդր Միխալովսկին, Լուի Նիդերմեյերը, Լուիզա Ֆարրանկը, Ալֆրեդ Յաելը և այլ հայտնի երաժիշտներ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.