![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9c/Le_Lyc%25C3%25A9e_Galatasaray.png/640px-Le_Lyc%25C3%25A9e_Galatasaray.png&w=640&q=50)
Գալաթասարայի վարժարան
From Wikipedia, the free encyclopedia
Գալաթասարայի վարժարան (թուրքերեն՝ Galatasaray Lisesi), էլիտար ուսումնական հաստատություն Ստամբուլի Գալաթա թաղամասում։
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Գալաթասարայի վարժարան | |
---|---|
![]() | |
![]() | |
![]() | |
Տեսակ | միջնակարգ դպրոց, ավագ դպրոց և Լիցեյ |
Հիմնադրված է | 1481 |
Հիմնադրիր | Բայազիդ II |
Անվանված է | Galatasaray? |
Երկիր | ![]() |
Տեղագրություն | Բեյօղլու |
Կայք | gsl.gsu.edu.tr(թուրքերեն)(ֆր.)(անգլ.) |
Գալաթասարայի պալատական դպրոցը բացվել է 1481 թվականին Բայազիդ II սուլթանի հրամանով։ Սկզբնական շրջանում կոչվել է Գալաթայի պալատի կայսերական դպրոց (թուրքերեն՝ Galata Sarayi Enderun-u Hümayunu) կամ Էնդերուն։ 1886 թվականին վարժարանում սկսվել է կիրառվել ֆրանսիական կրթական համակարգը, և վարժարանը վերանվանվել է Գալաթասարայի սուլթանական դպրոց (թուրքերեն՝ Galatasaray Mekteb-i Sultani):
Վարժարանը գտնվում է Գալաթասարայի հրապարակում՝ Ստամբուլի Բեյօղլու շրջան Գալաթա թաղամասում, Բոսֆորի եվրոպական հատվածում։ Նախկինում վարժարանի շենքում տեղակայված է եղել Ստամբուլի բժշկական քոլեջը։ Վարժարանը բաժանված է երեք բակերի, որոնք նախատեսված են կրտսեր, միջին և բարձր դասարանների համար։ Վարժարանը ունի իր համամը (մուսուլմանական բաղնիք) և հիվանդանոցը։ Սուլթանական տարիներին վարժարանում կիրառվել է ֆրանսիական կրթական համակարգը։ Բացի լատիներեն և հունարեն լեզուներից, այստեղ սովորել են նաև թուրքերեն, հայերեն, արաբերեն, պարսկերեն, ֆրանսերեն, գերմաներեն, իսպաներեն, անգլերեն և իտալերեն։ Վարժարանում, բացի թուրքերից և ֆրանսիացիներից, դասավանդել են նաև հույներ և հայեր։ Վարժարանում աշակերտները սնվել են, ունեցել են համազգեստ, ստացել են հիգիենայի պարագաներ, դասագրքեր և գրենական այլ պիտույքներ։ Հանրապետական Թուրքիայի հռչակումից հետո, վարժարանը ստացել է իր ներկայիս անվանումը։ 1968 թվականից սկսած այստեղ սկսել են սովորել նաև աղջիկները։ Ներկայումս նրանք կազմում են աշակերտների 40%-ը։ 1992 թվականին Ֆրանսիայի կառավարության օժանդակությամբ վարժարանի հենքի վրա բացվել է Գալաթասարայի համալսարանը։ Ներկայումս վարժարանը և համալսարանը դիտարկվում են որպես մեկ ուսումնական կոմպլեքս։