gmejna w Budyskim wokrjesu From Wikipedia, the free encyclopedia
Neukirch je wjes a přisłušaca gmejna na zapadźe sakskeho wokrjesa Budyšin, kotraž słuša k zarjadniskemu zwjazkej Kinspork a ma něhdźe 1.700 wobydlerjow.
Zakładne daty | ||
---|---|---|
stat | ![]() | |
zwjazkowy kraj | ![]() | |
wokrjes | Budyski | |
wysokosć | 190 metrow n.m.hł. | |
přestrjeń | 39,47 km² | |
wobydlerstwo | 1.597 (31. dec 2023)[1] | |
hustosć zasydlenja | 40 wob. na km² | |
póstowe čisło | 01936 | |
předwólba | (+49) 035795 | |
awtowa značka | BZ, BIW, HY, KM | |
Politika a zarjadnistwo | ||
wjesnjanosta | Harald Haase (bjezstronski) | |
adresa | Weststr. 9 01936 Neukirch | |
Połoženje w Sakskej | ||
![]() | ||
wikidata: Neukirch pola Kinsporka (Q93268) |
Gmejna Neukirch leži w zapadnej Hornjej Łužicy mjez Kinsporkskej holu na sewjerozapadźe a zapadołužiskimi horami na juhowuchodźe. Susodne gmejny su Sepicy na sewjeru, Kamjenc na wuchodźe, Haselbachtal na juhu a město Kinspork na zapadźe. Kamjenske stare město namaka so dźesać kilometrow wuchodnje wot Neukircha.
Z přerěznje 43 wobydlerjemi na kwadratnym kilometru je gmejnski teritorij poměrnje rědko wobsydleny.
Ke gmejnje słušeja slědowace wsy:
Přez Neukirch běži statna dróha 100 mjez městomaj Kinspork a Kamjenc. Wjesny dźěl Šmorkow leži při zwjazkowej dróze 97 (Drježdźany–Wojerecy). Na dwórnišću we Weißbachu zastawachu hač do lěta 1998 wosobowe ćahi wot Drježdźan do Njedźichowa. Čara bu w lětomaj 2004 a 2005 wottwarjena.
Prěnje naspomnjenje Neukircha jako sydło ryćerja Theodericus de Nuenkirchen pochadźa z lěta 1225, tehdy mějachu we wjesce tež hižo cyrkej, po kotrejž so sydlišćo pomjenowaše.[3] Wjesny dźěl Šmorkow naspomni so prěni raz w lěće 1342.[4] Nětčiša gmejna Neukirch bu přez gmejnsku reformu w lěće 1994 z gmejnow Neukirch, Šmorkow, Kočica a Weißbach załožena. Chojny słušeja wot 1999 ke gmejnje.
Gmejna słuša k sakskemu wólbnemu wokrjesej 54 (Budyšin 3) a k zwjazkowemu wólbnemu wokrjesej 156 (Budyšin I).
Wjesnjanosta Neukircha je wot lěta 2022 bjezstronski Harald Haase.
wólba | wjesnjanost(k)a | namjet | wuslědk (%) |
---|---|---|---|
2022 | Harald Haase | Haase | 55,3 |
2015 | Grit Truxa-Richter | Truxa-Richter | 70,9 |
2008 | Steffen Grahl | Grahl | 86,1 |
2001 | 98,0 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.