Remove ads
Biskopicy (němsce Bischofswerda) su wulke wokrjesne město w sakskej Hornjej Łužicy. Pjate najwjetše město Budyskeho wokrjesa je wot hórkow, horow a lěsow wobdate. Wone je w sewjeru přez Butrowu horu (Butterberg), w sewjerowuchodźe přez měšćanski lěs, we wuchodźe přez Klóštersku horu (Klosterberg), w juhowuchodźe přez Baldrijančansku (Belmsdorfer Berg) a Stiebitzberg, w juhu přez Rüdenberg a w juhozapadźe přez Napoleonowy kamjeń (Napoleonstein) wobmjezowane. Přez město běži rěčka Wjazońca (Wesenitz).
| němsce | Bischofswerda | |
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj |  Sakska | |
| wokrjes | Budyski | |
| wysokosć | 304 metry n.m.hł. | |
| přestrjeń | 46,21 km² | |
| wobydlerstwo | 10.648 (31. dec 2023)[1] | |
| hustosć zasydlenja | 230 wob. na km² | |
| póstowe čisło | 01877 | |
| předwólba | (+49) 03594 | |
| awtowa značka | BZ, BIW, HY, KM | |
| Politika a zarjadnistwo | ||
| wyši měšćanosta | Holm Große (bjezstronski) | |
| webstrona | bischofswerda.de | |
| Połoženje Biskopic w Sakskej | ||
 | ||
wikidata: Biskopicy (Q81717) | ||
51.127514.179722222222
Znate němske přimjeno města Schiebock pochadźa wot serbskeho při boku (wikowanskeje dróhi).
Remove ads
Prěnje naspomnjenje předleži z lěta 1227 wot biskopa Bruna II. z Mišnja.[2] Městačko bu pak hižo w 12. lětstotku wot tohorunja mišnjanskeho, po mjenje pak njeznateho biskopa na městnje staršeho serbskeho sydlišća załožene. Wuchadźišćo bě na jednym boku kupowa ležownosć wosrjedź hatow, žumpadłow, wodźičkow a rěkow, na druhim boku dobry zwisk do Budyšina a Stołpina. 1559 poda so město pod knjejstwo sakskeho kurwjercha.
Ke gmejnje słušeja wjeski:
- Bałdrijanecy (Belmsdorf)
- Drjewnica (Großdrebnitz)
- Dźibrachćicy (Geißmannsdorf)
- Kadłobja (Goldbach)
- Kinič (Kynitzsch)
- Nowy Šumborn (Neu-Schönbrunn)
- Špikawy (Pickau)
- Šumborn (Schönbrunn)
- Wukranćicy (Weickersdorf)
Přez Biskopicy běži železniska čara Drježdźany–Zhorjelc a zdobom započina tam čara do Wjazońcy, čehoždla je Biskopičanske dwórnišćo wažne přestupnišćo mjez Drježdźanami, Budyšinom a Žitawu. Něhdyša železniska čara Kamjenc–Biskopicy je wot lěta 1998 zawrjena (wot lěta 2004 su kolije wottorhane).
Zwjazkowa dróha 6 wjedźe z Biskopic do Drježdźan a statna dróha 111 do Budyšina.
Město słuša k sakskemu wólbnemu wokrjesej 52 (Budyšin 1) a k zwjazkowemu wólbnemu wokrjesej 156 (Budyšin I).
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads