Xulián Magariños

Xulián Manuel Cipriano Magariños Negreira, nado en Negreira o 16 de setembro de 1904 e finado o 9 de xullo de 1934, foi un escritor e avogado galego.

Xulián Magariños

Biografía
Nacemento	16 de setembro de 1904 Negreira, España
Morte	9 de xullo de 1934 (29 anos) Negreira, España
Formación profesional	Dereito
Actividade
Ocupación	escritor
Sinatura

Traxectoria

Entre 1923 e 1928 estudou Dereito en Santiago de Compostela. Foi membro fundador do Seminario de Estudos Galegos durante a súa etapa universitaria, xunto a Fermín Bouza-Brey, Xosé Filgueira Valverde e outros estudantes da época. En setembro de 1928 marchou a Madrid para preparar as oposicións a rexistrador da propiedade. En 1930 volveu a Negreira e establécese cun bufete de avogado. Escribiu na prensa (A Nosa Terra, Céltiga, El Compostelano, El País Gallego, La Voz de Barcala, Nós), colaborou (con Cordal Carús, Filgueira Valverde e Lois Tobío Fernández) nun Vocabulario popular Galego-Castelán (Santiago, 1928) e publicou dúas noveliñas curtas na histórica colección Lar. Enfermo do corazón, faleceu na súa vila natal en 1934 ós 29 anos de idade.

Obras

Placa polo centenario.

• O Kalivera 30 H. P. (Lar, 1926).^[1]
• O filósofo de Tamarica (Lar, 1926).^[2]

Galería de imaxes

• 
  O Kalivera 30 H.P.
• 
  O filósofo de Tamarica.

Notas

1. Iglesias, Xabier (13/10/2012). "O Kalivera 30 H.P.". OslibrosdeAnxelCasal.blogspot.com.
2. Iglesias, Xabier (31/01/2015). "O filósofo de Tamarica". OslibrosdeAnxelCasal.blogspot.com.

Véxase tamén

Wikimedia Commons ten máis contidos multimedia na categoría:  Xulián Magariños

Bibliografía

• Casares Mouriño, Carlos, ed. (1990). Antoloxía da novela curta. Editorial Galaxia. ISBN 84-7154-746-5.
• Couceiro Freijomil, Antonio (1951-53). Diccionario bio-bibliográfico de escritores (en castelán) II. Bibliófilos Gallegos. p. 366.
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 257. ISBN 84-7492-465-0.
• Liñares Giraut, A.; Roig, B.-A. (1988). Xulián M. Magariños Negreira. Un home da "Época Nós" (1904-1934). Sada: Do Castro. ISBN 84-7492-406-5.
• Liñares Giraut, A. (2004). Xulián Magariños. Santiago de Compostela: Xunta de Galicia. ISBN 84-453-3872-2.

Outros artigos

• Seminario de Estudos Galegos

Ligazóns externas

• 110º aniversario do nacemento e 80º aniversario do falecemento 149 imaxes, documentos e recortes de prensa. IES Xulián Magariños.