Céltiga (revista)

Céltiga foi unha revista da emigración galega que se editou en Buenos Aires, Arxentina, entre 1924 e 1932.

Céltiga
País	Arxentina
Lugar	Buenos Aires
Lingua	lingua castelá e lingua galega
Fundación	1924
Última edición	1932
[ editar datos en Wikidata ]

Para outras páxinas con títulos homónimos véxase: Céltiga.

Historia e características

Subtitulada Revista Gallega de arte, crítica, literatura y actualidades, apareceu o 30 de setembro de 1924. Publicación quincenal fundada e dirixida por Ramón Peña, Domingo Rial Seijo era o director-xerente, Eliseo Pulpeiro e Adolfo Vázquez Gómez foron os directores literarios. Entre os redactores figuraron Xulio Sigüenza, Ramón Lorenzo Garrido e Germán Fernández Fraga, que se incorporou en 1927. Despois foron directores literarios Eduardo Blanco Amor e Ramón Suárez Picallo, e a partir do número 119 correspondente ao 15 de decembro de 1929, logo da marcha de Blanco Amor e Suárez Picallo, Eliseo Pulpeiro fíxose cargo da dirección literaria.

Revista cultural ilustrada. As seccións informativas estaban en castelán, pero incluía gran cantidade de textos en galego que procedían dos autores galegos máis coñecidos do momento.

En 1927 chegaron a un acordo con José Ramón Lence, director-propietario de Correo de Galicia para mancomunar a súa administración en mans de Rial Seijo e Lence pasou a ocupar o cargo de asesor literario de Céltiga e Ramón Suárez Picallo converteuse en redactor xefe de ámbas publicacións.^[1] Cesou a súa publicación o 1 de xullo de 1932.

Notas

1. Céltiga, 56, 25-4-1927, p. 4.

Véxase tamén

Wikimedia Commons ten máis contidos multimedia na categoría:  Céltiga

Bibliografía

• "Céltiga". Enciclopedia Galega Universal. Ir Indo. 1999-2002. ISBN 84-7680-288-9.
• "Céltiga". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
• Carballo-Calero, M. V. (2006-2007). "Entre tradición e invención: obra gráfica en la Galicia moderna" (PDF). Abrente (en castelán) (RAGBA) (38-39): 279–288. ISSN 0212-6117.
• Peña Saavedra, Vicente (dir.) (1998). Repertorio da prensa galega da emigración. Santiago de Compostela: CCG. pp. 128–130. ISBN 84-87172-30-X.
• Pulpeiro, Sylvia; Rodríguez Fernández, Pablo (2016). Eliseo Pulpeiro. As letras galegas entre dúas ribeiras (Ribadeo e Río da Prata). Santiago de Compostela: Consello da Cultura Galega. ISBN 978-84-92923-66-3.
• Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.
• Vilanova Rodríguez, Alberto (1966). Los gallegos en la Argentina II. Buenos Aires: Ediciones Galicia. Centro Gallego de Buenos Aires.
• Vilavedra, Dolores, ed. (1997). Diccionario da literatura galega. Publicacións periódicas II. Vigo: Editorial Galaxia. pp. 99–100. ISBN 84-8288-137-X.

Outros artigos

• Publicacións impresas da diáspora galega

Ligazóns externas

• Ficha de Céltiga no Repertorio da prensa da emigración galega do CCG.