Velociraptor

Velociraptor (lat. "ladrón veloz"), é un xénero de dinosauros terópodos dromeosáuridos que viviron durante o Campaniano, cara a finais do período Cretáceo, hai uns 70 a 65 millóns de anos. Aínda que hai só unha especie recoñecida, V. mongoliensis, outras foron nomeadas no pasado. Acháronse fósiles desta especie en Asia Central, en Mongolia e a China.

Velociraptor Rango fósil: Cretáceo
Recreación do esqueleto de Velociraptor mongoliensis
Clasificación científica
Reino: Animalia Filo: Chordata Clase: Sauropsida Superorde: Dinosauria Orde: Saurischia Suborde: Theropoda Familia: Dromaeosauridae Xénero: Velociraptor Osborn, 1924
Especies
V. mongoliensis Osborn, 1924 (especie tipo) V. osmolskae Godefroit et al., 2008

Aínda que máis pequeno que outros dromeosáuridos tiña moitos trazos anatómicos similares a eles. Foi un carnívoro bípede, cunha cola longa e ríxida, e tres garras, unha alargada e curva en cada pata, a cal usaba para matar ás súas presas. A diferenza doutros posuía un cranio baixo e alargado, e un fociño chato, dirixido cara a arriba. Posuía patas traseiras de gran lonxitude, o que parece supor unha gran velocidade.

Debido á súa destacada aparición na novela de Michael Crichton Parque Xurásico, o Velociraptor (comunmente alcumado "raptor") é un dos xéneros de dinosauros máis coñecidos polo público xeral. Tamén é ben coñecido polos paleontólogos, con non menos dunha ducia de esqueletos fósiles recobrados, a maior cantidade descuberta dun dromeosáurido. Unha imaxe particularmente famosa é a que mostra un Velociraptor enleado nunha batalla cun Protoceratops.

Filoxenia

O seguinte cladograma segue unha análise de 2009 realizada por Longrich e Currie.^[1]

Eudromaeosauria	Saurornitholestinae   Saurornitholestes     Atrociraptor     Bambiraptor     unnamed   Deinonychus   unnamed Velociraptorinae unnamed   Velociraptor     Itemirus     unnamed   Adasaurus     Tsaagan       Dromaeosaurinae   Dromaeosaurus     Utahraptor     Achillobator

A continuación, amósanse os resultados da filoxenia de Eudromaeosauria baseado na análise filoxenético realizada por James G. Napoli e o seu equipo en 2021 durante a descrición de Kuru, que mostra a posición de Velociraptor.^[2]

Eudromaeosauria	Saurornitholestes       Bambiraptor     Dromaeosaurinae   Achillobator     Utahraptor     Dromaeosaurus     Velociraptorinae     Linheraptor     Tsaagan         Deinonychus         Adasaurus     Kuru         Balaur       Shri     Velociraptor