Turanosa
composto químico From Wikipedia, the free encyclopedia
composto químico From Wikipedia, the free encyclopedia
A turanosa é un disacárido redutor formado por D-glicosa e L-frutosa unidas por enlace O-glicosídico α(1→3) [2]. O seu nome sistemático é α-D-glicopiranosil-(1→3)-α-D-frutofuranosa. É un isómero da sacarosa que non se metaboliza nas plantas superiores, senón que se introduce na célula pola acción dos transportadores de sacarosa e actúa en procesos de sinalización celular [3]. Ademais desta implicación na transducións de sinais, a D-(+)-turanosa pode ser tamén utilizada como fonte de carbono por moitos organismos, como numerosas especies de bacterias e fungos.[4][5][6][7][8]
D-Turanosa[1] | |
---|---|
(3S,4R,5R)-1,4,5,6-tetrahidroxi-3-[(2R,3R,4S,5S,6R)-3,4,5-trihidroxi-6-(hidroximetil)oxan-2-il]oxihexan-2-ona | |
Outros nomes α-D-glicopyranosil-(1→3)-α-D-frutopiranosa | |
Identificadores | |
Número CAS | 547-25-1 |
PubChem | 5460935 |
ChemSpider | 4574343 |
MeSH | turanose |
Imaxes 3D Jmol | Image 1 |
| |
| |
Propiedades | |
Fórmula molecular | C12H22O11 |
Masa molecular | 342,30 g/mol |
Se non se indica outra cousa, os datos están tomados en condicións estándar de 25 °C e 100 kPa. |
A turanosa é un azucre atopado tipicamente no mel, no que está presente en pequenas cantidades, de 0 ao 3 % segundo a orixe do mel [9]. A cuantificación da turanosa no mel permite determinar se a un mel lle engadiron xarope de azucre [10].
A turanosa está presente como compoñente de certos oligosacáridos como a melecitosa. A hidrólise parcial da melecitosa rende unha mestura equimolecular de glicosa e turanosa.
O nome turanosa deriva da palabra Turan (Turquestán en lingua persa) coa terminación -osa propia dos azucres, debido á súa presenza en alimentos do Turquestán [11].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.