Theropithecus gelada

O Theropithecus gelada é unha especie de primate catarrino da familia dos cercopitécidos endémica das terras altas de Etiopía. Pesan entre 13 e 20 quilogramos, e do mesmo xeito que os babuínos, son terrestres e pasan o tempo alimentándose nas pradarías.

Theropithecus gelada
Gelada macho
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Mammalia Orde: Primates Suborde: Haplorrhini Infraorde: Simiiformes Parvorde: Catarrhini Familia: Cercopithecidae Subfamilia: Cercopithecinae Tribo: Papionini Xénero: Theropithecus Especie: T. gelada
Nome binomial
Theropithecus gelada Rüppell, 1835
Distribución da especie. Distribución da especie.
Subspecies
Véxase o texto

Algúns autores inclúen a especie dentro do xénero Papio, mais dende 1979 está clasificado noutro xénero separado, Theropithecus. Theropithecus gelada é a única especie vivente, aínda que se coñecen polo menos outras dúas liñaxes separados no rexistro fósil. Malia que a especie está restrinxida hoxe a Etiopía, coñécense fósiles do xénero procedentes de Suráfrica, Malaui, a República Democrática do Congo, Tanzania, Uganda, Kenya, Etiopía, Alxeria, Marrocos, España e a India.

Pode distinguirse dos babuínos pola pel de vivas cores no seu peito. A mancha está pouco definida e, nos machos, está tinguida de vermello e rodeada de pelo branco. Nas femias, a mancha está bastante menos pronunciada. Porén, cando vai calor, a mancha das femias tórnase brillante e salpicada de bochas. Este proceso é semellante á inchazón das nádegas durante o estro, algo común nos babuínos.

Subespecies

Describíronse as seguintes subespecies:^[2][3]

• T. g. gelada (Rüppell, 1835)
• T. g. obscurus (Heuglin, 1863)

Notas

1. Gippoliti, S. e Hunter, C. (2008). "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza.
2. Wilson, D.E.; Reeder, D.M., eds. (2005). Mammal Species of the World: A Taxonomic and Geographic Reference (3rd ed.). Johns Hopkins University Press. ISBN 978-0-8018-8221-0. OCLC 62265494.
3. Sistema Integrado de Información Taxonómica. "Theropithecus gelada (TSN 573034)" (en inglés).