Pittosporum tobira
especie de planta From Wikipedia, the free encyclopedia
Pittosporum tobira é unha especie da familia Pittosporaceae, orixinaria do leste de Asia.
| Pittosporum tobira | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Pittosporum tobira no Parque do Oeste, Madrid | |||||||||||||||||
| Clasificación científica | |||||||||||||||||
| |||||||||||||||||
Descrición
Arbusto de até 7 m de alto. Follas agrupadas nos extremos das ramas, simples, desde oblongas a espatuladas, co ápice redondeado ou escotado, lampiñas, lisas, co nervio medio ben marcado como unha raia amarela na face, coriáceas, ca face verde escura e brillante e máis claras polo envés. Inflorescencias en cimas corimbiformes, cos pedicelos pubescentes. Flores aromáticas con 5 sépalos cortamente soldados na base, iguais entre si e pétalos oblanceolados, branco-amarelados. Estames en número de 5, dimórficos: filamentos de 2-3 mm e anteras case estériles en estames reducidos e filamento de 5-6 mm e anteras fértiles de cor amarela, oblongas, e duns 2 mm. Froito en cápsula ovoidea, tomentosa e dehiscente por 2 a 4 valvas, habitualmente 3. Alberga no seu interior varias sementes pardo-alaranxadas, rodeadas por unha substancia resinosa-viscosa esbrancuxada.
Distribución
É orixinaria das rexións que rodean o mar da China Oriental: costa oriental da China, o sur de Xapón, o sur de Corea e illas próximas; foi introducida noutras partes do mundo, nalgunhas das cales está asilvestrada.
Na Península Ibérica compórtase como invasora, xa que as aves diseminan as sementes, aparecendo asilvestrada nos bosques lindeiros e aumentando a súa expansión progresivamente. Sería máis recomendable utilizar arbustos de espécies autóctonas para realizar sebes de xardinaría.
Usos
É unha planta moi utilizada como ornamental pola súa resistencia á contaminación atmosférica nas grandes cidades.[1] Utilízase en sebes cortaventos nas praias, onde medra ben sobre chan areoso, e onde resiste o vento forte e salobre[2]
Taxonomía
Pittosporum tobira foi descrita primeiro por Carl Peter Thunberg como Euonymus tobira e posteriormente clasificada no xénero Pittosporum por William Townsend Aiton e publicada en Hortus Kewensis, a Catalogue of the Plants Cultivated in the Royal Botanic Garden at Kew. Londres, (2ª ed.), 2, p. 27, 1811.[3]
- Etimoloxía
Pittosporum: do idioma grego πίττα (por πίσσα) 'resina' e σπόρος, 'semente', ou sexa 'sementes pegañentas', pois as sementes están embebidas nunha substancia resinosa-viscosa esbrancuxada.
tobira: epíteto que é o nome da planta en Xapón.
- Sinonimia
- Euonymus tobira Thunb. - basónimo
- Pittosporum chinense Donn
- Pittosporum tobira var. chinense S.Kobay.
- Pittosporum tobira var. tobira
- var. calvescens Ohwi
- Pittosporum makinoi Nakai
- Pittosporum tobira var. fukienense Gowda[4]
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
