O corno

O corno é un filme galego de 2023 dirixido e escrito por Jaione Camborda e protagonizado por Janet Novás, Siobhan Fernandes e Carla Rivas. Foi rodado en lingua galega.^[2] Estreouse no Festival Internacional de Cinema de Toronto de 2023 antes de presentarse á 71ª edición do Festival Internacional de Cine de Donostia, onde se converteu no primeiro filme en galego en competir na sección oficial.^[3]

O corno
Ficha técnica
Título orixinal	O corno
Director	Jaione Camborda
Guión	Jaione Camborda
Música	Camilo Sanabria
Fotografía	Rui Poças
Montaxe	Cristóbal Fernández
Estrea	11 de outubro de 2023
Duración	103 minutos
Orixe	Galicia
Xénero	Drama
Recadación	413.705,79 € [1]
Na rede

O 30 de setembro de 2023 converteuse tamén no primeiro filme en galego en gañar a Cuncha de Ouro á mellor película no Festival de Donostia.^[4]

Sinopse

Ambientado na Illa de Arousa en 1971, o filme conta a historia de María, unha muller que traballa como mariscadora. Tamén é coñecida na illa por axudar a outras mulleres nos partos empregando cornizó. Logo dun inesperado suceso, foxe e comeza unha perigosa viaxe cruzando a fronteira por unha das rutas de contrabando entre Galicia e Portugal.

Personaxes

• Janet Novás como María
• Siobhan Fernandes como Anabela
• Carla Rivas como Luisa
• Daniela Hernán Marchán como Ángela
• María Lado como Teresa
• Julia Gómez como Carmen
• José Navarro como Marcos
• Nuria Lestegás como Mabel
• Darío Fernández Raposo como Manuel
• Diego Anido como Juan
• Filomena Gigante como Belén

Rodaxe

O filme foi rodado nas comarcas do Salnés e Baixo Miño, na provincia de Pontevedra, e no Alto Minho, en Portugal.

Premios

Nos Premios Mestre Mateo de 2024 levou sete premios: longametraxe, maquillaxe e perruquería (Bárbara Brouke, Lorena Calvo e Silvia Neira), vestiario (Uxía Vaello), guión (Jaione Camborda), son (Sergio Silva e David Machado), dirección de arte (Melania Freire), dirección Jaione Camborda).^[5]