Mela Casal

Dolores de los Milagros Casal Devesa, artisticamente coñecida como "Mela Casal", nada en Rodiño Grande (Sergude, Boqueixón) en 1948, é unha actriz galega.

Mela Casal

Biografía
Nacemento	1948 (76/77 anos) Boqueixón, España
Actividade
Ocupación	actriz
Premios
(2018)  Premio de Honra Fernando Rey (2016)  Premio María Casares á mellor actriz protagonista

Traxectoria

Fíxose popular para os espectadores galegos polo seu papel da alcaldesa de Portozás, Celia Rei, na serie Mareas vivas e posteriormente foi unha das protagonistas doutra serie de ficción de éxito da TVG, A vida por diante, emitida entre xaneiro de 2006 e decembro de 2007.

En televisión ten colaborado ademais noutras producións como Nada es para siempre (Antena 3), sen esquecer o seu papel de Socorrito en Luar. Entre as súas incursións en cine cabe destacar a súa participación en títulos como Sei quen es, de Patricia Ferreira Mañá, en 2000, O lapis do carpinteiro de Antón Reixa en 2003 e O ano da carracha, de Jorge Coira, en 2004, así como varias curtametraxes.

Nos últimos anos participou en producións galegas coma a película Pradolongo (2008) ou o telefilme O club da calceta (2009).

Estivo nomeada ó Premio Mestre Mateo á mellor actriz protagonista en 2008 pola súa interpretación de Sofía en A vida por diante. Tamén conta cunha grande experiencia teatral.

Cine

• Martes de carnaval (1991), de Fernando Bauluz e Pedro Carvajal.
• Huidos (1993), de Sancho Gracia.
• O párroco embaucado (1994), de José Carlos Soler (curtametraxe)
• Contos de Alentraia: Tornabón (1994), de Jorge Coira e José Carlos Soler. Como Meiga.
• A metade da vida (1994), de Raúl Veiga.
• A todo tren (1995), de Liida Mosquera (curtametraxe).
• Cando volvas ó meu lado (1999), de Gracia Querejeta. Como Clienta.
• Sei quen es (2001), de Patricia Ferreira Mañá. Como Encargada hemeroteca.
• Inútil (2001), de Paco Rañal.
• O lapis do carpinteiro (2003), de Antón Reixa. Como Lavandeiro.
• O ano da carracha (2004), de Jorge Coira. Como Nai de Fran.
• Voarei lonxe (2005), de Belén Vidal (curtametraxe).
• Adeus edrada? (2005), de Rubén Riós.
• Pradolongo (2008), de Ignacio Vilar. Como Maruxa.
• Conexão (2009), de Leonel Vieira.
• O club da calceta (2009), de Antón Dobao.
• Vilamor (2008), de Ignacio Vilar. Como Anuncia.
• Sinbad (2011), de Antón Dobao. Como Aurora.
• A esmorga (2014), de Ignacio Vilar.Como Nonó.
• Little Galicia (2015), de Alber Ponte.
• The Rebel (2018), de Óscar Doviso. Como Margaret Pearse.
• A illa das mentiras (2020), de Paula Cons. Como Julia.
• María Solinha (2020), de Ignacio Vilar. Como Palmira.
• Cuñados (2021), de Toño López. Como Aurelia.
• La manzana de oro (2022), de Jaime Chávarri. Como Federica.
• Amigos hasta la muerte (2023), de Javier Veiga. Como doutora Escrigas.
• +Cuñados (2024), de Luis Avilés. Como Aurelia.

Televisión

• Unha de romanos (1989), de Xaime Fandiño.^[1]
• Luar (1992). Como Socorrito.
• Pratos combinados (1997). Como clienta.
• Nada es para siempre (1999-2000), de Emilio McGregor e outros. Como Profesora Chacón.
• Mareas vivas (1998-2001), de Antón Reixa e Eduardo McGregor. Como Alcaldesa Celia Rei.
• Terra de Miranda (2001-2002). Como Eladia.
• As leis de Celavella (2004).
• A vida por diante (2006-2007), de Carlos Sedes. Como Sofía Fornas.
• Padre Casares (2009). Como Asunción.
• Mar libre (2010). Como María.
• Escoba! (2011-2014). Como Antonia.
• Fariña (2018), Antena 3. Como nai de Sito Miñanco.
• A desorde que deixas (2020). Como nai de Viruca.
• Un asunto privado (2022). Como monxa.
• El caso Asunta (2024). Como madriña.

Teatro

• Estima (2003), da compañía Pífano.

Galardóns e nomeamentos

Premios Mestre Mateo

Ano	Categoría	Filme	Resultado
2006	Mellor actriz protagonista	A vida por diante	Nomeada
2007	Mellor actriz protagonista	A vida por diante	Nomeada
2009	Mellor actriz secundaria	Conexión	Nomeada
2010	Mellor actriz secundaria	Mar libre	Nomeada
2011	Mellor actriz secundaria	Sinbad	Nomeada
2014	Mellor actriz secundaria	A esmorga	Nomeada
2018	Premio de Honra Fernando Rey		Gañadora