Mauro Armiño

Mauro Fernández Alonso de Armiño, máis coñecido como Mauro Armiño, nado en Cereceda, no concello de Oña (provincia de Burgos), en 1944^[1], é un escritor, xornalista, crítico teatral e tradutor español.

Mauro Armiño

Biografía
Nacemento	(es) Mauro Fernández Alonso de Armiño 1944 (79/80 anos) Q47004993
Educación	Universidade Complutense de Madrid
Actividade
Ocupación	xornalista, crítico literario, tradutor, crítico de teatro
Premios
(2010)  Premio Nacional de Tradución de España (1979)  Premio Nacional de Tradución de España (1971)  Premio de tradución Fray Luis de León  cabaleiro da orde das Artes e as Letras

Traxectoria

Criouse no País Vasco até 1964, ano no que se trasladou a Madrid para estudar Filosofía e Letras na Universidade Complutense. Exerceu o xornalismo e a crítica literaria e teatral en diversos medios de comunicación, como El País, Cambio 16, Radio Nacional de España, e na revista El Siglo.

Algunhas das súas traducións e versións teatrais foron levadas aos escenarios, dirixidas por: Josep Maria Flotats (París 1940, de Louis Jouvet; La Cena, El encuentro de Descartes con Pascal joven e La mecedora, de Jean-Claude Brisville; El juego del amor y del azar, de Pierre de Marivaux; Beaumarchais, de Sacha Guitry); Miguel Narros (Salomé, de Oscar Wilde); Adrián Daumas (Los enredos de Scapin, La escuela de los maridos, Las preciosas ridículas, de Molière; El triunfo del amor e El príncipe travestido, de Marivaux; La comedia de las ilusiones, de Pierre Corneille); Isidro Rodríguez (El misántropo, Los enredos de Scapin, de Molière; El médico de su honra, de Pedro Calderón de la Barca); Hernán Gené (Tartufo, de Molière); Fernando Pignolo (El triunfo del amor, de Marivaux); ou por outros directores (Splendid’s de Jean Genet, La escuela de las mujeres de Molière, Los justos, de Albert Camus). O seu labor de tradutor centrouse sobre todo na cultura francesa: autores teatrais como Pierre Corneille, Molière, Pierre-Augustin de Beaumarchais, Edmond Rostand, e Albert Camus; filósofos da Ilustración como Jean-Jacques Rousseau, Voltaire, Giacomo Casanova, o marqués de Sade; poetas como Arthur Rimbaud, e escritores como Guy de Maupassant, Honoré de Balzac, Émile Zola, Alexandre Dumas, Jules Verne, Marcel Schwob, Julien Gracq, Henri Bergson, Ferdinand de Saussure, Jacques Le Goff, Philippe Sollers ou Claude Lévi-Strauss, entre outros. Recentemente traduciu os Contos completos de Guy de Maupassant e os Cuentos completos de la Comedia humana de Balzac en Editorial Páginas de Espuma;^[1] e as antoloxías de relatos e novelas curtas dos séculos XVII a XX Contos y relatos libertinos e Los dominios de Venus, ambas as dúas en Ediciones Siruela.

De cultura inglesa traduciu a Edgar Allan Poe, George Eliot, Nathaniel Hawthorne e Oscar Wilde.

É destacable a tradución realizada de À la recherche du temps perdu de Marcel Proust, publicada por Editorial Valdemar, así como a edición de Historia de mi vida de Giacomo Casanova e a Obra completa bilingüe de Arthur Rimbaud en Edicións Atalanta.^[2]

Obra

Poesía

• El mástil de la noche (1982)

Narrativa

• El curso de las cosas (1975)

Ensaio

• Larra (1973)
• Las Musas (2011), con gravados e debuxos de Celedonio Perellón, Liber Ediciones.
• Amantes célebres. Amor más allá de la muerte (2014), con aguafuertes, litografías e debuxos de Celedonio Perellón, Liber Ediciones.

Premios

• Premio de tradución Fray Luis de León pola súa Antología de la poesía surrealista, de varios autores. Editorial Visor (1971).
• Premio Nacional de Tradución de España por Poesía, de Rosalía de Castro (1979).
• Premio Max tradución por París 1940, de Louis Jouvet (2002).
• Premio Nacional de Tradución de España por Historia de mi vida, de Giacomo Casanova. Ediciones Atalanta (2010).^[3]
• Primeiro Premio Nacional ao Libro Mellor editado de 2010 por Apocalipsis, con ilustracións de José Luís Fariñas, tradución de Casiodoro de Reina, notas de Mauro Armiño.
• Segundo Premio Nacional de libros de Bibliofilia de 2011 por Las Musas, texto orixinal de Mauro Armiño e ilustracións de Celedonio Perellón.

Outras condecoracións

• Chevalier de l'Ordre des Arts et des Letres 2007, concedida polo Goberno da República Francesa.

Notas

1. Rodrigo Pérez Barredo (30/12/2014). "El burgalés Mauro Armiño descifra a Balzac". Diario de Burgos. p. 64.
2. "Mauro Armiño: «Habría que quitar la palabra cultura de la Constitución»". ABC. 28/11/2016.
3. Historia de mi vida Ediciones Atalanta.

Véxase tamén

Ligazóns externas

• Datos na Editorial Fórcola Arquivado 06 de febreiro de 2012 en Wayback Machine.