Arrecife Kingman

O Kingman Reef, en galego: Arrecife Kingman, é un pequeno arrecife de coral tropical de 1 km² de superficie, situado ao norte do océano Pacífico, aproximadamente a medio camiño entre Hawai e Samoa Americana, ó redor de 920 millas náuticas ao sur de Honolulu. (6°24' N, 162°24' O). Forma parte do conxunto das Illas da Liña.

Arrecife Kingman

(en) Kingman Reef
Tipo	espazo natural protexido Área insular dos Estados Unidos Arrecife de coral
Epónimo	W. E. Kingman (en)
Descubridor ou inventor	Edmund Fanning (en)
Parte de	Illas da Liña
Situado na entidade xeográfica	Polinesia
Localización
División administrativa	Illas ultramarinas dos Estados Unidos, Estados Unidos de América
Localización	Océano Pacífico
6°23′00″N 162°25′00″O
Bañado por	Océano Pacífico
Características
Altitude	1 m
Punto máis baixo	Océano Pacífico  (0 m )
Punto máis alto	valor descoñecido  (1,5 m )
Superficie	terra: 0,012 km²
Categoría Ia da UICN: reserva natural estrita
World Database on Protected Areas
Identificador	300045
Historia
Data de creación ou fundación	1860
Cronoloxía
14 de xuño de 1798	primeiro avistamento, ⇒ Edmund Fanning (en)
29 de novembro de 1853	Descrición
10 de maio de 1922	Anexión
Data de descuberta ou invención	1798
Actividade
Operador	United States Fish and Wildlife Service (pt)

En 1789 foi descuberto polo capitán do navio Betsey, Edmund Fanning, que estivo a piques de encallar. A posición foi fixada en 1853, polo norteamericano W.E. Kingman do Shooting Star, que deixou o seu nome, aínda que tamén foi coñecida como Danger Rock.

É a fronteira norte da liña de illas do Pacífico e un territorio non incorporado dos Estados Unidos administrado en Washington, D.C. pola Armada dos Estados Unidos, anexado en 1922. O arrecife está pechado ao público, xa que as autoridades norteamericanas non permiten a visita deste territorio.

Ás veces, a súa franxa costeira pode chegar a tres quilómetros de circunferencia, con todo o punto máis alto do arrecife é dun metro sobre o nivel do mar, polo que o arrecife se atopa case permanentemente mollado ou alagado o que supón un gran risco para o tráfico marítimo. Non ten recursos naturais, está deshabitado e non xera ningún tipo de actividade económica. O arrecife contén unha profunda lagoa interior que foi usada en 1937 e 1938 como unha estación intermedia entre Hawai e a Samoa Americana polos hidroavións da aeroliña Pan Am. A finais dos anos 30, Pan American planeou ancorar un hotel flotante en Kingman e usar o arrecife como unha parada para os seus hidroavións no seu camiño cara a Nova Zelandia pero a idea foi abandonada.

• 
  Mapa do Arrecife Kingman
• 
  NASA NLT Landsat 7 foto en color
• 
  Mapa
• 
  Terra seca, outubro de 2003. Planta de Coco.