Julio Salinas
futbolista español From Wikipedia, the free encyclopedia
Julio Salinas Fernández, nado en Bilbao o 11 de setembro de 1962, é un exfutbolista español. Xogaba de dianteiro e foi internacional coa selección española. É irmán do tamén exfutbolista Patxi Salinas.
 (2016) | |||||||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Julio Salinas Fernández 11 de setembro de 1962 (62 anos) Bilbao, España | ||||||||||||||||||||||||||||||||||||||||||||||||||||||||||||||||||||||||||||||||||
| Altura | 1,88 m | ||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista, guionista, presentador de televisión | ||||||||||||||||||||||||||||||||||||||||||||||||||||||||||||||||||||||||||||||||||
| Período de actividade | 1981 - 2000 | ||||||||||||||||||||||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||||||||||||||||||
| xuño de 1996 | Eurocopa de Fútbol Inglaterra 1996 | ||||||||||||||||||||||||||||||||||||||||||||||||||||||||||||||||||||||||||||||||||
| 1994 | Mundial de Fútbol Estados Unidos 1994 | ||||||||||||||||||||||||||||||||||||||||||||||||||||||||||||||||||||||||||||||||||
| 1990 | Mundial de Fútbol Italia 1990 | ||||||||||||||||||||||||||||||||||||||||||||||||||||||||||||||||||||||||||||||||||
| xuño de 1988 | Eurocopa de Fútbol Alemaña Occidental 1988 | ||||||||||||||||||||||||||||||||||||||||||||||||||||||||||||||||||||||||||||||||||
| 1986 | Mundial de Fútbol México 1986 | ||||||||||||||||||||||||||||||||||||||||||||||||||||||||||||||||||||||||||||||||||
| Familia | |||||||||||||||||||||||||||||||||||||||||||||||||||||||||||||||||||||||||||||||||||
| Irmáns | Francisco Salinas Fernández | ||||||||||||||||||||||||||||||||||||||||||||||||||||||||||||||||||||||||||||||||||
Traxectoria
Formado na canteira do Athletic Club, destacou pola súa gran capacidade goleadora. Debutou en Primeira División o 3 de outubro de 1982 nun encontro que enfrontaba ao Real Zaragoza co Athletic Club (2–1).
Xogou durante 17 tempadas na Primeira División de España, defendendo a camiseta de seis equipos distintos, aínda que foi co Athletic Club e especialmente no FC Barcelona onde conseguiu os maiores éxitos deportivos e recoñecemento profesional. Dianteiro centro goleador, anotou un total de 152 goles na Liga. O seu mellor rexistro foron os 20 goles anotados na súa primeira tempada no FC Barcelona, a 1988-89. A pesar da súa boa media goleadora e a cantidade de goles decisivos que anotou, nunca puido obter o Trofeo Pichichi.
Entre os goles marcados cabe destacar o anotado na final da Recopa de Europa que o FC Barcelona gañou en Berna (Suíza) en 1989, ao derrotar por 2–0 ao conxunto italiano do Sampdoria de Xénova. Salinas marcou o primeiro gol, no minuto 3 de partido. Foi tamén titular na final da Copa de Europa de 1992, que o FC Barcelona gañou no estadio londiniense de Wembley, por 1–0, tamén ao Sampdoria de Xénova, con gol de Ronald Koeman.
Despois de xogar no FC Barcelona foi contratado polo Deportivo da Coruña en 1994, equipo co que conseguiu un subcampionato de Liga e a Copa do Rei 1994–95. Ao ano seguinte é contratado polo Sporting de Gijón, onde xoga dúas tempadas nas que disputa 54 partidos de Liga e marca 24 goles. En 1997 marcha xogar ao Xapón no Yokohama Marinos.
En 1998 regresa a España para xogar no Deportivo Alavés as súas dúas últimas tempadas antes de retirarse. Na súa derradeira tempada en activo, a 1999–00, xogou 28 encontros de Liga e marcou 8 goles.
Selección nacional
Julio Salinas foi internacional coa selección española en 56 ocasións e marcou un total de 23 goles coa, conseguindo un hat trick fronte a Albania. O seu debut como xogador da selección española foi o 22 de xaneiro de 1986, nun encontro entre España contra a URSS (1–1).
Participou con España no Mundial de 1986 en México, conseguindo marcar un gol ante Irlanda do Norte. En 1990 participou no Mundial de Italia xogando tres partidos; contra Corea do Sur, Bélxica e Iugoslavia, marcando un gol neste último partido. No Mundial dos Estados Unidos en 1994 xogou catro partidos; contra Corea do Sur (onde marcou un gol), Alemaña, Bolivia e Italia.
Salinas foi indiscutible nas convocatorias de Javier Clemente na súa estancia como seleccionador español, incluso cando era suplente no Deportivo da Coruña e no FC Barcelona.
Palmarés
Julio Salinas gañou 16 títulos:
- Liga de España (6): 1982–83, 1983–84, 1990–91, 1991–92, 1992–93, 1993–94
- Copa do Rei (3): 1983–84, 1989–90, 1994–95
- Supercopa de España (4): 1984, 1991, 1992, 1994
- Copa de Europa (1): 1991–92
- Recopa (1): 1988–89
- Supercopa de Europa (1): 1992
Véxase tamén
Ligazóns externas
Wikiwand - on
Seamless Wikipedia browsing. On steroids.