José Manuel Pinto

José Manuel Pinto Colorado, nado en El Puerto de Santa María (Cádiz) o 8 de novembro de 1975, é un futbolista español. Xoga de porteiro.

José Manuel Pinto

(2012)
Biografía
Nacemento	(es) José Manuel Pinto Colorado 8 de novembro de 1975 (49 anos) El Puerto de Santa María, España
Altura	186 cm
Peso	100 kg
Actividade
Ocupación	futbolista, produtor musical, compositor
Período de actividade	1994 -
Deporte	fútbol
Posición de xogo	Gardameta
Traxectoria   Equipo 1994–1997   Real Betis Balompié B 68 (60) 1997–1998   Real Betis Balompié 1 (0) 1998–1998   Real Betis Balompié 1 (0) 1998–2008   Celta de Vigo 181 (0) 2008–2008 → cesión:    FC Barcelona 3 (0) 2008–2014   FC Barcelona 31 (0)

Traxectoria

Comezou a súa carreira profesional nas categorías inferiores do Real Betis Balompié, xogando 3 tempadas en Segunda B entre 1994 e 1997. No ano 1998 pasa a formar parte do primeiro equipo do Real Betis Balompié.

Celta de Vigo

Militou no Real Club Celta de Vigo, ó longo de 9 anos (desde a tempada 1998-1999), . Aínda que nas súas primeiras tempadas no conxunto vigués exerceu como segundo porteiro, nos últimos anos converteuse en titular indiscutible, disputando practicamente todos os encontros das tempadas 2005-2006 e 2006-2007. Por outro lado tamén foi un dos capitáns do equipo celeste durante o seu derradeiro ano no club.

Disputou a Copa da UEFA co Celta en catro tempadas consecutivas entre 1999 e 2003 e ó ano seguinte (2003-2004) xogou varios encontros da Champions League na primeira vez na súa historia que o Celta acadaba a clasificación para participar nesta competición.

O descenso a Segunda División do Celta, na tempada 2003–04, supuxo a chegada ao banquiño vigués de Fernando Vázquez, quen confiou a Pinto a titularidade. A seguinte tempada, novamente en Primeira, Pinto continuou como titular indiscutíbel e conquistou o Trofeo Zamora como gardameta menos goleado do campionato. Porén, un ano máis tarde, o seu equipo perdeu novamente a categoría.

FC Barcelona

O 18 de xaneiro de 2008 anunciouse oficialmente a súa incorporación, en calidade de cedido, ao FC Barcelona, que buscaba un futbolista para suplir o seu segundo gardameta, Albert Jorquera, lesionado a finais de decembro de 2007 para o resto da tempada. Os blaugranas desembolsaron 500.000 euros pola cesión de seis meses, reservando unha opción de compra sen custo adicional. Na súa primeira tempada en Barcelona xogou tres partidos de Liga, nos que encaixou oito goles. A pesar da súa escasa participación, o Barcelona decidiu exercer a opción de compra sobre o xogador, ofrecéndolle un contrato de dúas tempadas.

Na tempada 2008–09 é suplente habitual de Víctor Valdés en liga e Liga de Campions, aínda que é o gardameta titular na Copa do Rei. Nesta competición tivo un papel especialmente destacado no encontro de volta das semifinais, fronte ao RCD Mallorca, cando detivo un penalti. Tamén xogou un papel importante na súa final, xa que só encaixou un gol do Athletic Club, dándolle ao seu equipo a súa primeira copa do ano 2009.

Na Liga de Campións da UEFA 2010-11 foi sancionado con dous partidos logo de imitar o asubío do árbitro nun enfrontamento contra o F.C. København^[1].

Palmarés

Campionatos nacionais

Título	Club	País	Ano
Copa do Rei	FC Barcelona	España	2008/09
Liga española	FC Barcelona	España	2008/09
Liga española	FC Barcelona	España	2009/10
Supercopa de España	FC Barcelona	España	2009/10
Liga española	FC Barcelona	España	2010/11
Supercopa de España	FC Barcelona	España	2010/11
Copa do Rei	FC Barcelona	España	2011/12
Supercopa de España	FC Barcelona	España	2011/12

Copas internacionais

Título	Club	País	Ano
Copa Intertoto	Celta de Vigo	España	2000
Copa de Europa	FC Barcelona	España	2008/09
Supercopa de Europa	FC Barcelona	España	2009/10
Mundial de Clubs	FC Barcelona	España	2009/10
Copa de Europa	FC Barcelona	España	2010/11
Supercopa de Europa	FC Barcelona	España	2011/12
Mundial de Clubs	FC Barcelona	España	2009/10

Distincións individuais

Distinción	Ano
Trofeo Zamora	2006

Notas

1. "La UEFA investigará el silbido de Pinto ante el Copenhague", artigo en El País, 23 de outubro de 2010 (en castelán).

Véxase tamén

Ligazóns externas

• Datos do xogador na páxina do FC Barcelona (en castelán)
• Datos do xogador en elmundo.es (en castelán)
• Datos do xogador en bdfutbol.com (en inglés)
• Páxina da discográfica de Pinto (en castelán)