Estadio El Alcoraz
From Wikipedia, the free encyclopedia
From Wikipedia, the free encyclopedia
El Alcoraz é un estadio de fútbol da cidade de Huesca, no que xoga a Sociedad Deportiva Huesca. Debe o seu nome á batalla de Alcoraz que tivo lugar nas súas inmediacións cara ao ano 1096. Está situado no Camiño Cocorón Alto s/n, próximo ao cerro de San Jorge.
| El Alcoraz | |
|---|---|
 | |
| Datos | |
| Coordenadas | 42°07′55″N 0°25′28″O |
| Localización | Huesca, Aragón  España  |
| Construción | |
| Inauguración | 16 de xaneiro de 1972 |
| Estadio | |
| Superficie | Céspede natural |
| Dimensións | 105x68 |
| Capacidade | 5.000 |
| Propietario | Sociedad Deportiva Huesca |
| Operadora | Sociedad Deportiva Huesca |
| Localía | Sociedad Deportiva Huesca |
| [ editar datos en Wikidata ] | |
Durante a tempada 1971-1972 reestruturouse a Terceira División española pasando a formar catro grupos, dunha nova categoría denominada 2ª División B. Nun deles participou a SD Huesca xunto a equipos da categoría de Real Valladolid, Osasuna, Salamanca ou Tenerife, o cal evocou á xunta a idea de construír un novo campo de fútbol para o equipo. Sería o terceiro campo do equipo tras La Cabañera e San Jorge.
Así, o 16 de xaneiro de 1972 inaugurouse El Alcoraz. A choiva e o frío non impediron unha boa afluencia do público oscense para ver un derbi entre o Huesca ante o Aragón. Tras a bendición do párroco e o saque de honra realizado polo presidente José María Mur Coronas, principal valedor do proxecto do arquitecto Raimundo Bambó Mompradé, houbo ovacións e a primeira vitoria azulgrana por 2-1.
O estadio de El Alcoraz, viviu momentos históricos do seu equipo, como o foi a final da Copa de España de afeccionados de 1974, na que gañaron por 3-0 ao Deportivo Aragón. Non só a Copa de España deixou gratos recordos, xa que no Alcoraz víronse boas eliminatorias de Copa do Rei, numerosas fases de ascenso e ata un partido da selección Sub-21 no que España gañou a Grecia por 2-0.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
