From Wikipedia, the free encyclopedia
O Club Atlético Osasuna (en éuscaro Osasuna significa saúde ou vigor) é un club deportivo de España con sede en Pamplona, en Navarra. Ten seccións de natación e pelota vasca, pero a máis coñecida é a de fútbol, onde actualmente xoga na Primeira División.
Osasuna | |||
---|---|---|---|
Nome | Club Atlético Osasuna | ||
Alcume(s) | Rojillos; Gorritxoak | ||
Fundación | 24 de outubro de 1920 | ||
Estadio | El Sadar, Pamplona | ||
Inauguración | 2 de setembro de 1967 | ||
Capacidade | 19.800 | ||
Presidente | ![]() | ||
Adestrador | ![]() | ||
Liga | Primeira División | ||
2019–20 | 10º | ||
Na rede | |||
http://www.osasuna.es/ | |||
![]() ![]() ![]() ![]() ![]() ![]() | |||
| |||
É o club de fútbol máis importante de Navarra por palmarés e historia, cun total de 30 tempadas en Primeira División, 33 en Segunda e 12 en Terceira[1]. Historicamente, é o 16° mellor equipo de España[1][2]. Foi subcampión da Copa do Rei nunha ocasión, e participou nunha fase previa da Liga de Campións e en catro edicións da Copa da UEFA, competición na que acadou as semifinais en 2007. En decembro de 2006 foi nomeado club do mes do mundo pola IFFHS despois de catro vitorias consecutivas en Liga e outra na Copa da UEFA.[3]
É un dos catro únicos equipos profesionais de España, xunto con Athletic Club, FC Barcelona e Real Madrid, que non é unha sociedade anónima deportiva, de maneira que a propiedade do club recae nos seus socios.[4]
O Osasuna xoga os seus partidos como local no Estadio El Sadar, coñecido como Reyno de Navarra entre 2005 e 2011 por motivos publicitarios, que ten unha capacidade de 19.800 espectadores sentados. Foi inaugurado o 2 de setembro de 1967 e as súas dimensións son 105 m de longo e 67,5 m de ancho.
Actualizado a 20 de febreiro de 2020.
|
O Club Atlético Osasuna B é o equipo filial do club. Foi fundado en 1962 e xoga na Segunda división B española (Grupo III). Tamén se lle coñece como "Osasuna Promesas".