Edwardsiella é un xénero de bacterias gramnegativas, fermentativas, anaerobias facultativas con forma de bacilo da familia Enterobacteriaceae.[2] Foi descuberta inicialmente nas serpes en 1962. Son ocasionalmente patóxenos oportunistas dos humanos. Recibe o seu nome en honor do bacteriólogo norteamericano Philip R. Edwards.[1]
| Edwardsiella | |||||||||||||
|---|---|---|---|---|---|---|---|---|---|---|---|---|---|
| Clasificación científica | |||||||||||||
| |||||||||||||
| Especies | |||||||||||||
|
E. hoshinae | |||||||||||||
O xénero comprende catro especies:
- E. hoshinae, unha especie móbil que non produce indol, illada de animais e humanos.
- E. ictaluri, especie inmóbil que non produce indol, e é patóxeno de peixes siluriformes.
- E. tarda, que é sinónimo de E. anguillimortifera[1], unha especie produtora de indol, que é bioquimicamente similar a Escherichia coli. Atópase normalmente en animais acuáticos e réptiles, e encóntrase no tracto intestinal de serpes e focas. Foi illada ocasionalmente da urina, sangue e feces humanas, e pode causar en humanos gastroenterite, xeralmente leve, e infeccións de feridas, sendo a única especie do xénero que produce enfermidades en humanos. Na India, atopouse en nenos con diarrea. A contaminación en seres humanos ten lugar sobre todo durante a interacción cos reservorios animais. Tamén se asociou cun cadro similar á febre tifoide, peritonite con sepse,[3] bacteremia posparto[4] e outras bacteremias.[5] Os fármacos de elección para o tratamento son kanamicina, ampicilina, cefalotina e cloranfenicol.
- E. piscicida, é a especie máis recente, validada en 2013.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
