Contaxio (filme)
filme de 2011 dirixido por Steven Soderbergh From Wikipedia, the free encyclopedia
Contaxio (en inglés: Contagion) é un filme estadounidense dirixido por Steven Soderbergh que se estreou no 2011. Está protagonizado por Marion Cotillard, Bryan Cranston, Matt Damon, Laurence Fishburne, Jude Law, Gwyneth Paltrow, Kate Winslet e Jennifer Ehle. O argumento de Contaxio trata da transmisión dun virus por fómites, e os intentos dos investigadores médicos e dos servizos de saúde por identificar e conter a enfermidade, mentres que a pandemia provoca a perda da orde social.
| Contaxio | |
|---|---|
| Ficha técnica | |
| Título orixinal | Contagion |
| Director | Steven Soderbergh |
| Produtor | Michael Shamberg Stacey Sher Gregory Jacobs |
| Guión | Scott Z. Burns |
| Intérpretes | Marion Cotillard Matt Damon Laurence Fishburne Jude Law Gwyneth Paltrow Kate Winslet |
| Música | Cliff Martinez |
| Fotografía | Steven Soderbergh |
| Montaxe | Stephen Mirrione |
| Estudio | Warner Bros. Pictures Participant Media Imagenation Abu Dhabi Double Feature Films |
| Distribuidora | Warner Bros. Pictures |
| Estrea | Festival de Venecia: 3 de setembro de 2011 29 de novembro de 2014 (TVG) |
| Duración | 106 minutos |
| Orixe |  Estados Unidos Emiratos Árabes Unidos |
| Xénero | Suspense |
| Orzamento | $60 000 000[1] |
| Recadación | $135 458 097 |
| Na rede | |
| https://www.warnerbros.com/movies/contagion | |
            | |
Soderbergh e o guionista Scott Z. Burns colaboraron anteriormente en The Informant! (2009). Despois da estrea dese filme, Burns tivo a idea de producir un filme médico sobre a transmisión rápida dun virus, inspirándose nas pandemias de SRAS no 2003 e da Gripe A (H1N1) no 2009. Para proporcionar unha percepción exacta dunha pandemia, Burns consultou con representantes da Organización Mundial da Saúde, así como de expertos médicos como W. Ian Lipkin e Lawrence "Larry" Brilliant. A fotografía principal comezou en Hong Kong en setembro de 2010, e continuou en Chicago, Atlanta, Londres, Xenebra e San Francisco até febreiro de 2011.
Contaxio estreouse na 68ª edición Festival Internacional de Cine de Venecia o 3 de setembro de 2011, e nas salas comerciais o 9 de setembro. Foi ben acollido pola crítica, que gabou a narrativa e as interpretacións dos actores. Tamén foi ben recibido polos científicos, que destacaron a súa exactitude. Comercialmente, tivo un éxito moderado de recadación. Sobre un orzamento de $60 millóns, Contaxio recadou $135 millóns.
Estreouse en galego na TVG o 29 de novembro de 2014.[2]
De súpeto, sen saber cal é a súa orixe, un virus mortal espállase a nivel mundial e, en poucos días, comeza a acabar coa poboación. O contaxio prodúcese polo sinxelo contacto entre os seres humanos.
- Marion Cotillard como Dr. Leonora Orantes
- Matt Damon como Mitch Emhoff
- Laurence Fishburne como Dr. Ellis Cheever
- Jude Law como Alan Krumwiede
- Gwyneth Paltrow como Beth Emhoff
- Kate Winslet como Dr. Erin Mears
- Bryan Cranston como RADM Lyle Haggerty
- Jennifer Ehle como Dr. Ally Hextall
- Sanaa Lathan como Aubrey Cheever
- Elliott Gould como Dr. Ian Sussman
- Chin Han como Sun Feng
- John Hawkes como Roger
- Anna Jacoby-Heron como Jory Emhoff
- Josephine Ho Chiu-Yi como Irmá de Li Fai
- Demetri Martin como Dr. David Eisenberg
- Armin Rohde como Damian Leopold
- Enrico Colantoni como Dennis French
- Larry Clarke como Dave
- Monique Gabriela Curnen como Lorraine Vasquez
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
