AV City

Renfe AV City^[1][2] é un servizo diúrno de transporte de pasaxeiros por alta velocidade prestados polo operador ferroviario español Renfe desde 2014. O seu obxectivo é a comercialización de servizos similares aos que ofrece o AVE cun custo reducido.^[3]

Tren da serie S-104 na estación de Córdoba.

Caracterízase por utilizar trens das series S-104, S-114 e S-121 (usados habitualmente para Avant) e carecer de clase Preferente, así como doutros servizos complementarios que si se ofrecen nos percorridos de AVE convencionais. A súa velocidade punta é de 250 km/h.

Servizos

Os servizos AV City caracterízanse por ser postos en marcha para complementar a oferta AVE a prezos máis económicos, co fin de facilitar e incrementar a mobilidade dos clientes. Todos os servizos AV City circulan por liñas de alta velocidade a unha velocidade máxima de 200-250 km/h. A diferenza cos trens AVE radica, ademais da menor velocidade punta, na non dispoñibilidade de prestacións complementarias que encarecen o produto. Todos os vehículos dispoñen de cafetería, aseo, prazas específicas para persoas de mobilidade reducida e prazas en Turista e Turista Plus.^[4]

Percorridos

Orixe	Paradas	Destino	Frecuencias
Madrid-Puerta de Atocha	Cidade Real · Puertollano · Villanueva de Córdoba-Los Pedroches · Córdoba-Central	Sevilla-Santa Justa	2 por día e sentido
Madrid-Puerta de Atocha	Guadalaxara-Yebes · Calatayud	Zaragoza-Delicias	Sentido Madrid 1 por sentido de luns a sábado e 1 xoves, venres e domingo. Sentido Zaragoza 1 por sentido de luns a venres e domingo e 1 xoves e domingo.
Madrid-Chamartín	Segovia-Guiomar · Valladolid-Campo Grande - Palencia	León	1 por sentido
Madrid-Chamartín	Segovia-Guiomar · Medina del Campo AV	Zamora	1 por sentido
Valencia-Joaquín Sorolla	Cuenca-Fernando Zóbel · Cidade Real · Puertollano · Córdoba-Central · Puente Genil-Herrera · Antequera-Santa Ana	Málaga-María Zambrano	Sentido Málaga circula luns, venres e domingo. Sentido Valencia circula venres, sábado e domingo
Barcelona-Sants	Camp de Tarragona · Lleida-Pirineus	Zaragoza-Delicias	1 por día e sentido