![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dc/Vector_diagram_of_laboratory_mouse_%2528black_and_white%2529.svg/langgl-640px-Vector_diagram_of_laboratory_mouse_%2528black_and_white%2529.svg.png&w=640&q=50)
Rato de laboratorio
roedor que se cría e usa fundamentalmente para a investigación científica / From Wikipedia, the free encyclopedia
O rato de laboratorio é un pequeno roedor que se cría e usa fundamentalmente para a investigación científica, que xeralmente pertence á especie Mus musculus (rato doméstico). Son os animais mamíferos máis utilizados en investigación como organismo modelo en campos como a xenética, fisioloxía, psicoloxía, medicina e outras disciplinas científicas. Non sempre son brancos; depende da cepa. Os ratos pertencen ao clado dos animais Euarchontoglires, nos que se inclúe tamén o ser humano. Esta relativamente estreita relación, asociada cunha alta homoloxía cos humanos, xunto coa súa facilidade de mantemento e manipulación e a súa alta taxa de reprodución, fai que os ratos sexan modelos especialmente axeitados para investigacións orientadas ao ser humano. O xenoma do rato de laboratorio foi secuenciado e moitos xenes do rato teñen homólogos no xenoma humano.[1] O rato de laboratorio véndese tamén nas tendas de animais como alimento vivo para as serpes mantidas en catividade e pode tamén terse como animal de compañía.
![Thumb image](http://upload.wikimedia.org/wikipedia/commons/thumb/d/dc/Vector_diagram_of_laboratory_mouse_%28black_and_white%29.svg/320px-Vector_diagram_of_laboratory_mouse_%28black_and_white%29.svg.png)
![Thumb image](http://upload.wikimedia.org/wikipedia/commons/thumb/6/6f/Scid_mouse.jpg/640px-Scid_mouse.jpg)
![Thumb image](http://upload.wikimedia.org/wikipedia/commons/thumb/0/08/Lab_mouse_mg_3244.jpg/640px-Lab_mouse_mg_3244.jpg)
![Thumb image](http://upload.wikimedia.org/wikipedia/commons/thumb/8/86/Pet_lab_mouse_in_the_grass.jpg/640px-Pet_lab_mouse_in_the_grass.jpg)
Outras especies de rato ás veces tamén se usan como rato de laboratorio, entre as que están as especies americanas Peromyscus leucopus e Peromyscus maniculatus.