![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/Claude_Bernard_and_his_pupils._Oil_painting_after_L%25C3%25A9on-Augus_Wellcome_V0017769.jpg/640px-Claude_Bernard_and_his_pupils._Oil_painting_after_L%25C3%25A9on-Augus_Wellcome_V0017769.jpg&w=640&q=50)
Fisioloxía
From Wikipedia, the free encyclopedia
A fisioloxía[1] (do grego φύσις (physis) que quere dicir "natureza" ou "orixe", e -λογία (-logia) que significa "estudo de")[2] é o estudo científico das funcións e mecanismos físicos e químicos que se desenvolven dentro dun sistema vivente.[3][4] Como rama da bioloxía, céntrase no estudo dos organismos, sistemas biolóxicos, órganos, tecidos, células e biomoléculas e en como realizan as funcións químicas e físicas que existen nun sistema vivo.[5]
![Thumb image](http://upload.wikimedia.org/wikipedia/commons/thumb/2/22/Claude_Bernard_and_his_pupils._Oil_painting_after_L%C3%A9on-Augus_Wellcome_V0017769.jpg/640px-Claude_Bernard_and_his_pupils._Oil_painting_after_L%C3%A9on-Augus_Wellcome_V0017769.jpg)
Para entender as funcións fisiolóxicas é fundamatal a investigación dos fenómenos biofísicos e bioquímicos fundamentais, os mecanismos coordinados de control homeostáticos e a comunicación continua entre as células.[6]
O estado fisiolóxico é a condición normal das funcións do corpo, mentres que o estado patolóxico céntrase nas anormalidades que ocorren por mor das doenzas animais, incluíndo os humanos.[7] Segundo o tipo de organismos investigados, o campo pode dividirse en fisioloxía animal (incluíndo ós humanos), fisioloxía vexetal, fisioloxía celular e fisioloxía microbiana.[5]
O Premio Nobel de Fisioloxía ou Medicina é concedido pola Real Academia das Ciencias de Suecia a aqueles que acadasen logros significativos nesta disciplina.