Escritora, feminista e revolucionaria chinesa (1875-1907) From Wikipedia, the free encyclopedia
Qiu Jin (chinés tradicional e simplificado: 秋瑾; pinyin: Qiū Jǐn; Wade-Giles: Ch'iu1 Chin3), nome de cortesía Xuanqing (璿卿) ou Jingxiong (競雄), nada o 8 de novembro de 1875 e finada o 15 de xullo de 1907, foi unha feminista e escritora chinesa, que participou nas revolucións contra a dinastía Qing. Empregou o alias A cabaleiro do lago do espello (Jianhu Nüxia 鑑湖女俠). Hoxe en día, na China é considerada unha heroína, unha mártir do republicanismo e o feminismo.
![]() ![]() | |
Nome orixinal | (zh-hans) jose (zh-hant) 秋墐 (zh-hant) 秋瑾 ![]() |
---|---|
Biografía | |
Nacemento | 8 de novembro de 1875 ![]() Xiamen - 厦门 (Dinastía Qing) ![]() |
Morte | 15 de xullo de 1907 ![]() Shaoxing (pt) ![]() ![]() |
Causa da morte | pena de morte, decapitación ![]() |
Lugar de sepultura | Qiu Jin Tomb (en) ![]() ![]() |
Datos persoais | |
Residencia | Qiu Jin former residence (en) ![]() ![]() |
País de nacionalidade | Dinastía Qing ![]() |
Grupo étnico | Pobo han ![]() |
Actividade | |
Campo de traballo | Poesía e revolucionario ![]() |
Ocupación | escritora , activista polos dereitos das mulleres , revolucionario , xornalista , poetisa , feminista ![]() |
Período de tempo | Dinastía Qing ![]() |
Partido político | Cuñumbuqui (distrito) (pt) ![]() sen valor ![]() |
Lingua | Lingua chinesa ![]() |
Familia | |
Cónxuxe | Wang Tingjun |
Nada en Xiamen (Provincia de Fujian),[1] Qiu creceu na vila de Shānyīn (subprefectura de Shaoxing, Provincia de Zhejiang). Unha vez casada, Qiu entrou en contacto coas novas ideoloxías do momento. En 1903 decidiu viaxar e estudar no Xapón,[2] deixando atrás os seus dous fillos. Fíxose famosa pola súa ideoloxía de esquerdas e por vestir roupa masculina occidental.[3][4][5] Uniuse ás tríadas, que entón loitaban polo derrocamento da dinastía Qing e un goberno baseado na soberanía popular. Uniuse tamén ás asociacións Guangfuhui (Sociedade pola Restauración), lideradas por Cài Yuánpéi, e a Tongmenghui (Alianza Revolucionaria China) estabelecida en Toquio, liderada por Sun Yat-sen. Volveu á China en 1905.
Foi unha oradora elocuente,[6] destacando os seus discursos polos dereitos das mulleres, tales como a liberdade de casar, educación e a abolición do costume do vendado de pés. En 1906 fundou en Shanghai un xornal feminista radical con outra poetisa, Xu Zihua.[7] En 1907 foi nomeada directora da escola Datong en Shaoxing, oficialmente unha escola para mestras de deportes, mais en realidade unha base de adestramento para revolucionarios.
En xullo de 1907, por mor dun alzamento fracasado encabezado polo seu primo Xu Xilin, Qiu foi arrestada na escola. Despois de ser torturada sen revelar ningún segredo, foi executada publicamente poucos días despois en Shānyīn, aos 31 anos.[8]
Qiu quedou inmortalizada na literatura e o imaxinario colectivo da República da China despois da súa morte. En 2018 estaba sepultada en Xī Hú (Lago do oeste) (Hangzhou). A República Popular da China estabeleceu un museo dedicado a ela en Shaoxing.
A pesar de ser recoñecida internacionalmente como feminista e revolucionaria, non se debe menosprezar a calidade da súa literatura, principalmente ensaios e poesía. Alcanzada a súa educación en literatura clásica chinesa, reflicte nos seus escritos a poesía máis tradicional ("shi" e "ci"). Qiu compuxo versos cun grande abano de metáforas e alusións, mesturando mitoloxía clásica con retórica revolucionaria.
Por exemplo, no poema cuxo título Ayscough traduce como "Seleccionando rimas con en Shih Ching desde a terra raíz do Sol"[9]:
秋瑾〈日人石井君索和即用原韻〉
漫雲女子不英雄,萬裡乘風獨向東。
如許傷心家國恨,那堪客裡度春風。
詩思一帆海空闊,夢魂三島月玲瓏。
銅駝已陷悲回首,汗馬終慚未有功。Non me digas que as mulleres
non están feitas da madeira dos heroes,
unha invitada gozando as brisas de primavera?
eu toda soa cabalguei sobre ventos
ao Mar do Leste durante 300.000 millas.
Os meus pensamentos poéticos entón se estenderon,
como unha vela entre o océano e o ceo.
Soñei as túas tres illas,
todas xemas, todas resplandecentes coa luz da lúa.
Entristézome ao pensar nos camelos de bronce,
gardiáns da China, perdidos en espiñas.
Avergoñada, non fixen nada;
ningunha vitoria ao meu nome.
Só fixen suar ao meu cabalo de guerra.
Contraída porque a miña patria
me fai dano no corazón. Así que dime;
como podo aproveitar os meus días aquí?Tradución do castelán e esta do inglés, da versión de Zachary Jean Chartkoff
Os editores Sun Chang e Saussy (642) explican algunhas das metáforas:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.