Pepe Mel

José 'Pepe' Mel Pérez, nado en Madrid o 28 de febreiro de 1963, é un exfutbolista, actual adestrador de fútbol e escritor español. Xogaba de dianteiro. Actualmente adestra o UD Almería da Primeira División.

Pepe Mel

Biografía
Nacemento	(es) José Mel Pérez 28 de febreiro de 1963 (61 anos) Madrid, España
Altura	179 cm
Peso	74 kg
Actividade
Ocupación	futbolista, escritor, adestrador de fútbol, escritor de literatura infantil
Deporte	fútbol
Posición de xogo	Dianteiro
Traxectoria   Equipo 1982–1983   Real Madrid C 1983–1984 → cesión:  Real Sociedad Deportiva Alcalá 1984–1987   Real Madrid Castilla 71 (15) 1987–1987   CA Osasuna 0 (0) 1987–1989 Club Deportivo Castellón 62 (28) 1989–1993   Real Betis Balompié 112 (50) 1993–1995   Granada CF 65 (31) 1995–1996 Benidorm Club de Fútbol 31 (15) 1996–1997   Getafe CF 37 (17) 1997–1998 Écija Balompié 10 (2) 1998–1998 Angers SCO   Adestrador 2019–   Unión Deportiva Las Palmas
Páxina web	pepemel.es

Publicou tres novelas: El mentiroso (2011),^[1] El camino al más allá (2013) e La prueba (2016), esta última dirixida ao público infantil.

Traxectoria

Como futbolista

Comezou a xogar ao fútbol co Real Madrid Club de Fútbol onde entrou con só 11 anos de idade, xogou cedido unha temporada na Real Sociedad Deportiva Alcalá onde ostentou un récord de 34 goles co conxunto vermello. Profesionalmente debutou en Primeira Divisón co Club Atlético Osasuna, despois pasou ao Club Deportivo Castellón, onde xogou dous anos en Segunda División, conseguindo ser o máximo goleador do equipo, na tempada 1988/89, na que o club logrou o ascenso a Primeira División; na tempada seguinte pasou ao Real Betis Balompié, onde permaneceu catro anos, xogou 112 partidos de liga e marcou cincuenta goles, logrando ser o máximo goleador da Segunda División co conxunto bético na tempada 1989/90. Posteriormente pasou polo Granada Club de Fútbol, Getafe Club de Fútbol, Écija Balompié e colgou as botas no Angers SCO francés en 1998.

Como adestrador

Mel comezou a súa traxectoria como técnico levando as rendas do Club Deportivo Coslada en 1999.

Ao ano seguinte, chegou ao Club Polideportivo Mérida;^[2] mais, tras a desaparición da entidade, quedou libre e firmou polo Real Murcia Club de Fútbol.^[3] O conxunto terminou a tempada 2000-01 como 13º clasificado.

Na tempada 2001/02, fichou polo CD Tenerife, sustituíndo a Rafael Benítez, e debutou en Primeira División o 25 de agosto de 2001, no Estadio Heliodoro Rodríguez, fronte ao Deportivo Alavés.^[4] Non tivo éxito na súa traxectoria no conxunto e foi destituído en febreiro de 2002 tras perder contra o Rayo Vallecano de Madrid,^[5] despois de ter dirixido en 26 partidos ao equipo, que nese momento se encontraba como último clasificado de Primeira.^[6] Foi substituído por Javier Clemente, que non puido evitar o descenso do equipo a Segunda División esa tempada.

Durante a metade da tempada 2002-03, Pepe foi contratado polo Getafe Club de Fútbol,^[7] que militaba esa tempada en Segunda División e que naquel momento ocupaba postos de descenso,^[8] pero que baixo a súa dirección non pasou apuros para salvar a categoría.

Durante a seguinte tempada, o técnico madrileño adestrou ao Deportivo Alavés,^[9] que quedou ás portas do ascenso,^[10] logrando chegar até as semifinais da Copa do Rei, onde caeu fronte ao Real Zaragoza. Coa chegada de Dmitry Piterman, Mel non renova^[11] e vaise ao Polideportivo Ejido.

En 2004, fichou polo Polideportivo Ejido. O equipo celeste fixo un gran comezo de tempada^[12] e logrou unha cómoda permanencia na tempada 2004-05; pero tras 12 xornadas da seguinte campaña, Mel foi destituído polos malos resultados que levaron ao equipo andaluz ás últimas posicións.^[13]

Chegou á banca do Rayo Vallecano de Madrid, de Segunda División B, en 2006. Conseguiu levalo a Segunda A en 2006^[14] e completou unha gran tempada 2008-09, sendo 5º clasificado na categoría de prata. Foi destituído en febreiro de 2010 tras os seus malos resultados.^[15]

Real Betis Balompié

En verán de 2010, Pepe converteuse no novo técnico do Real Betis Balompié.^[16] Conseguiu o ascenso a Primeira División na tempada 2010/11, sendo o campión de Segunda e o máximo goleador,^[17] e caendo nos cuartos de final da Copa do Rei fronte ao FC Barcelona cun global de 6-3, con 5-0 no Camp Nou e un 3-1 no Benito Villamarín (2 deles nos primeiros 10 minutos do partido).^[18] Durante a súa estadía no equipo andaluz caracterizouse polo seu apoio ao equipo filial, contabilizándose o debut de até 16 xogadores do filial co primeiro.^[19]

Pepe Mel renovou co Betis por tres anos para afrontar a volta a Primeira do club,^[20] logrando a permanencia a falta de 3 xornadas para o remate da Liga 2011-12,^[21] malia ter feito unha tempada chea de altibaixos, debido a que conseguiu 4 vitorias consecutivas nas 4 primeiras xornadas de Liga^[22] e inmediatamente perder 9 dos 10 encontros seguintes, o que lle puxo ao bordo da destitución, que se puido ter materializado no encontro fronte ao Valencia CF no Benito Villamarín, onde o Betis remountou un 0-1 no tempo engadido con 2 goles de Rubén Castro.^[23] A pesar desta mala racha de resultados, a afección bética sempre apoiou ao seu adestrador. Durante a tempada 2011-2012, o Betis conseguiu varios logros como ser o primeiro equipo visitante que marca un gol no Camp Nou (4-2)^[24] e a vitoria no Ramón Sánchez Pizjuán con dous goles de Beñat de falta, logrando un resultado final de 1-2.^[25]

Na tempada 2012-13, o Betis deu un salto de calidade, pasando de loitar pola súa permanencia aspirar a facelo por entrar en competicións europeas. O conxunto terminou obtendo o acceso á UEFA Europa League grazas ao seu 7º posto final.^[26] Este éxito supúxolle unha nova renovación do seu contrato co club,^[27] e converteuno no adestrador que máis tempo levou nas bancas na devandita tempada (3). Foi destituído o 2 de decembro de 2013, co Betis como colista con 10 puntos tras 15 xornadas de Liga.^[28]

West Bromwich Albion

O 9 de xaneiro de 2014, o West Bromwich Albion F.C. anunciou a súa contratación como novo técnico.^[29] Logrou salvar ao equipo inglés do descenso na última xornada, tras finalizar en décimo sétima posición. Ao día seguinte anunciouse a súa marcha da entidade por mutuo acordo.^[30]

Real Betis Balompié

O 20 de decembro de 2014, o Real Betis confirmou o regreso de Pepe á entidade.^[31] Fíxose cargo do equipo andaluz na 19ª xornada, cando ocupaba a 3ª posición, e volveu a conseguir o ascenso a Primeira División, esta vez dous xornadas antes de rematar a Liga.^[32]

O 10 de xaneiro de 2016, o Consello de Administración do club decidiu rescindir do contrato de Mel, poñendo fin, deste modo, á súa segunda etapa como técnico do Real Betis Balompié. Naquel momento, o equipo encadenaba 8 partidos consecutivos sen gañar e ocupaba a 15ª posición ao termo da primeira volta da Liga.^[33]

Deportivo da Coruña

O 28 de febreiro de 2017 foi contratado para dirixir o Deportivo da Coruña até o final da tempada 2016–17, con opción a ampliación, en substitución de Gaizka Garitano.^[34][35] Debutou co equipo o 2 de marzo de 2017 na xornada 25 do campionato de liga cun resultado de empate (1-1) fronte ao Atlético de Madrid.^[36] Foi botado do seu cargo logo dunha derrota contra o Xirona o 23 de outubro do mesmo ano.^[37]

 Clubs

Como futbolista

Equipo	País	Anos
Real Sociedad Deportiva Alcalá	España	1983-1984
Castilla Club de Fútbol	España	1983-1987
Club Atlético Osasuna	España	1987
Club Deportivo Castellón	España	1987-1989
Real Betis Balompié	España	1989-1993
Granada Club de Fútbol	España	1993-1995
Benidorm	España	1995-1996
Getafe Club de Fútbol	España	1996-1997
Écija Balompié	España	1997-1998
Angers SCO	Francia	1998

Como adestrador

Equipo	País	Anos	P	PG	PE	PP	%v.
Unión Zona Norte de Madrid	España	1998-1999
Club Deportivo Coslada		1999-2000	44	27	10	7	61.36
Club Polideportivo Mérida		2000	4	3	1	0	75
Real Murcia Club de Fútbol		2000-2001	42	13	13	16	30.95
Club Deportivo Tenerife		2001-2002	27	6	6	15	22.22
Getafe Club de Fútbol		2002-2003	23	8	8	7	34.78
Deportivo Alavés		2003-2004	50	22	19	9	44
Club Polideportivo Ejido		2004-2005	56	15	17	24	26.79
Rayo Vallecano de Madrid		2006-2010	169	76	58	35	44.97
Real Betis Balompié		2010-2013	156	68	32	56	43.59
West Bromwich Albion	Inglaterra	2014	17	3	6	8	17.65
Real Betis Balompié	España	2014-2016	46	21	12	13	45.65
Deportivo da Coruña		2017-	15	4	5	6	26.67

Palmarés

Como futbolista

Título	Club	País	Ano
Segunda División	CD Castellón	España	1989

Distincións

Distinción	Club	País	Ano
Máximo goleador da Segunda División	Real Betis	España	1990

Como adestrador

Título	Club	País	Ano
Segunda División B	Rayo Vallecano	España	2008
Segunda División	Real Betis		2011
Segunda División	Real Betis		2015

 Publicacións

• Mel, Pepe (2011). El mentiroso. Jirones de Azul. ISBN 978-84-92868-70-4.
• Mel, Pepe (2013). El camino al más allá. Jirones de Azul. ISBN 978-84-92868-48-3.
• Mel, Pepe (2016). La prueba. Samarcanda. ISBN 978-84-16179-87-9.

Notas

1. Silva, Samuel (14 de outubro de 2011). "Fútbol después de leer". Diario de Sevilla.
2. Vigario, D. (16 de xuño de 2000). "Pepe Mel cubrirá la baja de Señor en el banco emeritense" (PDF). Mundo Deportivo: 40.
3. Pallarés, Pepe (26 de setembro de 2000). "Murcia: Mel, nuevo entrenador" (PDF). Mundo Deportivo: 28.
4. "Semblanza de Pepe Mel en el CD Tenerife". Arquivado dende o orixinal o 06 de decembro de 2013. Consultado o 01 de marzo de 2017.
5. Castañeda, Alvaro (19 de febreiro de 2002). "Clemente sustituye al defenestrado Pepe Mel" (PDF). Mundo Deportivo: 30.
6. "Los datos de Primera - Clasificación" (PDF). Mundo Deportivo: 28. 18 de febreiro de 2002.
7. Tamaral, S. (20 de xaneiro de 2003). "Mel por Felines, el cambio 'cantado'" (PDF). Mundo Deportivo: 31.
8. "Los datos de Segunda - Clasificación" (PDF). Mundo Deportivo: 30. 20 de xaneiro de 2003.
9. Sarabia, Aimar (26 de xuño de 2003). "Empieza la 'era Mel'" (PDF). Mundo Deportivo: 12.
10. "Alavés: la miel en los labios". AS. 20 de xuño de 2004.
11. Losada, Jorge (13 de xullo de 2004). "Piterman compra el Alavés". El País.
12. Agencia EFE (3 de outubro de 2004). "El Poli Ejido toma el mando en la Segunda División". El Mundo.
13. Agencia EFE (15 de novembro de 2005). "El Poli Ejido destituye a Pepe Mel como técnico". El Periódico de Aragón.
14. Agencia EFE (15 de xuño de 2008). "El Rayo vuelve a la División de Plata del fútbol español". Marca.
15. Garrido, F. J. (15 de febreiro de 2010). "Pepe Mel, destituido como técnico del Rayo Vallecano". AS.
16. "Pepe Mel, nuevo entrenador del Betis". AS. 11 de xullo de 2010.
17. Torrecillas, Mercedes (18 de maio de 2011). "Va por ti, Miki". Marca.
18. Aldunate, Ramiro (19 de xaneiro de 2011). "El Betis se salta el protocolo". Marca.
19. Aguilera, J. (5 de decembro de 2013). "Los 16 canteranos de Mel". NuestroBetis. Arquivado dende o orixinal o 31 de xaneiro de 2015. Consultado o 01 de marzo de 2017.
20. Torrecillas, Mercedes (27 de maio de 2011). "Pepe Mel renueva con el Betis tres temporadas más". Marca.
21. Núñez, José Joaquín (29 de abril de 2012). "El Betis hace matemática su permanencia en Primera (2-2)". Sevilla Deporte. Arquivado dende o orixinal o 08 de agosto de 2014. Consultado o 01 de marzo de 2017.
22. Web oficial del Real Betis (ed.). "CLUB.- EL BETIS DE HOY". Arquivado dende o orixinal o 28 de agosto de 2013. Consultado o 01 de marzo de 2017.
23. Espina, J. Antonio (10 de decembro de 2011). "La magia del Betis". AS.
24. Liceras, Ángel (15 de decembro de 2011). "Cegado por su reflejo". Marca.
25. Ortega, Francisco José (3 de maio de 2012). "Beñat entroniza al Betis (1-2)". Diario de Sevilla.
26. Pineda, Rafael (2 de xuño de 2013). "Jorge Molina mete al Betis en Europa". El País.
27. Valdivieso, C. (3 de xuño de 2013). "Pepe Mel, hasta 2017". Diario de Sevilla.
28. "Pepe Mel, destituido como entrenador del Betis". Cadena SER. 2 de decembro de 2013.
29. Contreras, Emilio (9 de xaneiro de 2014). "Mel, nuevo entrenador del West Bromwich Albion". Marca.
30. "Pepe Mel deja de ser entrenador del WBA". Marca. 12 de maio de 2014.
31. "Pepe Mel, nuevo entrenador del Betis". Cadena SER. 20 de decembro de 2014.
32. Félix, Antonio (24 de maio de 2015). "Real Betis, un volver para quedarse". El Mundo.
33. "Pepe Mel es destituido como técnico del Betis". Marca. 10 de xaneiro de 2016. Consultado o 10 de xaneiro de 2016.
34. "LaLiga: Pepe Mel, nuevo entrenador del Deportivo" (en castelán). MARCA. 27 de febreiro de 2017. Consultado o 28 de febreiro de 2017.
35. "Pepe Mel, novo adestrador do RC Deportivo". Deportivo da Coruña. 28 de febreiro de 2017.
36. "El Deportivo y el Atlético de Madrid empatan a uno en Riazor". El País (en castelán). 3 de marzo de 2017. Consultado o 7 de marzo de 2017.
37. TVG (24 de outubro 2017). "Pepe Mel, fóra do banco do Deportivo". Arquivado dende o orixinal o 25 de agosto de 2018.

Véxase tamén

Ligazóns externas

• Datos do xogador en bdfutbol.com (en castelán)
• Datos do adestrador en bdfutbol.com (en castelán)