Pandiónidos

Os pandiónidos (Pandionidae) constitúen unha familia de aves que comprende un único xénero, Pandion, as aguias peixeiras. En Galicia vive a especie Pandion haliaetus.^[1][2] A maioría dos tratamentos taxonómicos consideran que neste xénero hai unha soa especie (P. haliaetus), dividida en subespecies, mentres que outros tratamentos recoñecen dúas especies actuais.

Pandiónidos
Aguia peixeira, Pandion haliaetus
Clasificación científica
Reino: Animalia Filo: Chordata Clase: Aves Orde: Accipitriformes Familia: Pandionidae Sclater & Salvin, 1873 Xénero: ''Pandion'' Savigny, 1809
Distribución global de Pandion Distribución global de Pandion

Por exemplo, unha das subespecies estaría formada polas poboacións que viven nas costas e illas de Australia, Indonesia e sueste asiático, que se denominou Pandion haliaetus cristatus,^[3] pero para outros esta subespecie constitúe a especie separada Pandion cristatus.^[4][5]

Especies existentes:

• Pandion haliaetus, osprey, western osprey.
• Pandion cristatus, osprey, eastern osprey.

Especies extintas:

• Pandion homalopteron Warter 1976
• Pandion lovensis Becker 1985

O xénero Pandion, único da familia, foi descrito polo zoólogo francés Marie Jules César Savigny en 1809,^[6] e deulle ese nome polo personaxe da mitoloxía grega Pandion. Algunhas clasificacións situárono, xunto coas aguias, na familia Accipitridae da orde Accipitriformes, e outras, xunto cos falcóns, na familia Falconidae, da orde Falconiformes, e agora está nunha familia propia. A taxonomía de Sibley-Ahlquist situounos xunto con outras aves de presa diúrnas na orde ampliada Ciconiiformes, pero isto viuse que era unha clasificación parafilética non natural.^[7]

Notas

1. Penas Patiño, Xosé M.; Pedreira López, Carlos (setembro de 2004). Guía das aves de Galicia. Ilustrado por Calros Silvar (2ª ed.). A Coruña: Baía Edicións. ISBN 84-96128-69-5.
2. Dicionario Digalego aguia > aguia peixeira Arquivado 06 de novembro de 2018 en Wayback Machine.
3. Reader's digest complete book of Australian birds. (2nd rev. 1st ed.). Reader's Digest Services. 1982. p. 114. ISBN 0909486638.
4. Wink, M.; Sauer-Gürth, H.; Witt, H.H. (2004). "Phylogenetic differentiation of the Osprey Pandion haliaetus inferred from nucleotide sequences of the mitochondrial cytochrome b gene" (PDF). In Chancellor, R.D.; Meyburg, B.-U. Raptors Worldwide. Berlin: World Working Group on Birds of Prey and Owls. pp. 511–516. ISBN 963-86418-1-9.
5. "Species Pandion cristatus (Vieillot, 1816)". Australian Faunal Directory. Australian Government. Retrieved 5 December 2018.
6. Graves, R. (1955). "The Sons of Pandion". Greek Myths. London: Penguin. pp. 320–323. ISBN 0-14-001026-2.
7. Salzman, Eric (1993). "Sibley's Classification of Birds" Arquivado 13 de agosto de 2018 en Wayback Machine.. Birding. 58 (2): 91–98. Retrieved 5 September 2007.