Oímbra, Oímbra

Santa María de Oímbra é unha parroquia do concello de Oímbra, na comarca de Verín, provincia de Ourense. Segundo o IGE en 2009 tiña 631 habitantes (322 homes e 309 mulleres), distribuídos en 2 entidades de poboación, o que supón unha diminución en relación ao ano 1999 cando tiña 682 habitantes. Limita cos concellos de Verín e Monterrei e con Portugal.

Oímbra
Igrexa de Santa María de Oímbra.
Concello	Oímbra[1]
Provincia	Ourense
Coordenadas	41°53′08″N 7°28′21″O
Poboación	644 hab. (2017)
Entidades de poboación	2[1]
[ editar datos en Wikidata ]

Historia

Até 1868 pertenceu a Oímbra a parte galega de Cambedo, lugar que era considerado un dos tres pobos promiscuos por estar situado na mesma fronteira, entre Galiza e Portugal. Ese ano, coa entrada en vigor do Tratado de Lisboa de 1864, a parte galega foi anexada a Portugal, á freguesía de Vilarelho da Raia.^[2][3] Eclesiasticamente seguiu a pertencer á freguesía e por tanto á diocese de Ourense. Así, en 1914 dependían do párroco de Oímbra unhas 20 familias portuguesas. Porén, coa entrada de Portugal en 1910 nun novo réxime e as crecentes dificultades dos párrocos para cruzar a fronteira, Cambedo acabou sendo incorporado tamén á arquidiocese de Braga o 27 de novembro de 1914.^[4]

Economía

É coñecida a súa agricultura polos produtos da horta (de xeito especial o pemento de Oímbra) e o viño acollido á denominación de Orixe Monterrei.

Festas

Ten un fondo arraigo o entroido que se celebra de forma enxebre con costumes propios (formigas, percorrido polas adegas e os coñecidos fachucos de palla). As festas patronais celébranse na honra de Santa Ana (26 de xullo)

Galería de imaxes

• 
  Canzorros da igrexa de Santa María de Oímbra.
• 
  Estela funeraria romana do s. I d.C atopada no Rosal, exposta no Museo Arqueolóxico Provincial de Ourense.

Lugares e parroquias

Lugares de Oímbra

Lugares da parroquia de Oímbra no concello de Oímbra (Ourense)
Oímbra | O Rosal

Parroquias de Oímbra

Galicia | Provincia de Ourense | Parroquias de Oímbra
Bousés (Santa Baia) | As Chás (Santa María das Neves) | A Granxa (San Xoán) | Oímbra (Santa María) | Rabal (Santo André) | San Cibrao (Santa Cruz) | Videferre (Santa María)

Notas

1. Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
2. Madoz, Pascual (1849). Oimbra (Sta. Maria). Diccionario geográfico-estadístico-histórico de España y sus posesiones de Ultramar (en castelán) XII (Madrid). p. 220.
3. García Mañá, Luís Manuel (xullo/decembro 2001). "Couto Mixto, unha república esquecida". IGADI. Arquivado dende o orixinal o 16-03-2012. Consultado o 4-6-2016.
4. Hernández Figueiredo, José Ramón (2014). "Apuntes sobre la geografía eclesiástica de Ourense: Tourém, Lama de Arcos, «Couto Mixto» y «Pueblos promiscuos»". Cuadernos de Estudios Gallegos, LXI (en castelán) (127): 231–240. ISSN 0210-847X. doi:10.3989/ceg.2014.127.07.

Véxase tamén

Outros artigos

• Lugares de Oímbra