Museo Nacional de Toquio

O Museo Nacional de Toquio foi fundado en 1872. É o museo máis antigo e máis grande do Xapón. Está localizado no Parque Ueno, en Toquio.

東京国立博物館
Museo Nacional de Toquio, edificio Honkan.
Coordenadas	35°43′08″N 139°46′33″O
País	Xapón
Cidade	Toquio
Tipo	Museo de arte
Director	Taitō (Toquio)
Inauguración	1872
Visitantes	1,4 millóns (2013)[1]
Na rede
https://www.tnm.jp/
[ editar datos en Wikidata ]
v c e

O museo alberga unha extensa colección de obxectos de valor arqueolóxico e artístico de varias eras do Xapón e outros países asiáticos. Os máis de 110 mil obxectos, inclúen 87 pertencentes ao Tesouro Nacional Xaponés, e 610 clasificados como Propiedade Cultural de Importancia. O museo realiza investigacións arqueolóxicas e antropolóxicas, así como difunde a cultura a través de eventos educativos relacionados á súa colección.

O museo está aloxado nun conxunto de edificios separados entre si. A Galería Honkan (本館), a Galería Asiática (東洋館), Hyokeikan (表慶館), Heiseikan (平成館), a Galería de Tesouros Horyuji (法隆寺宝物館), o Centro de Investigación e Información (資料館) e outras instalacións maiormente de servizos. Existen varios restaurantes e dúas tendas.

A información no museo está dispoñible en xaponés, inglés, coreano, chinés, francés e alemán.

Historia

O Museo Nacional de Toquio foi o primeiro museo a ser inaugurado no país. A inauguración tivo lugar en 1872 en Taisenden, e foi chamado entón o Museo Imperial. Pouco despois da súa apertura ao público, o museo mudouse a Uchiyamashita-cho (actualmente Uchisaiwai-cho), e en 1882 mudouse novamente ao seu local actual, no parque Ueno. Durante o século XX, o museo sufriu algúns trastornos, como o gran terremoto de Kantō de 1923, e a segunda guerra mundial, durante a cal permaneceu pechado.

Galerías

Galería Xaponesa (Honkan)

A Galería Honkan ten 24 salas de exhibición en dous pisos, as cales, de forma cronolóxica, mostran a arte xaponesa desde as figuras de arxila do período Jomon (10 000 a. C.) ata o gravado en madeira do século XIX.

• 
  Ola de barro do período Jomon (3000-2000 a. C.).
• 
  Xerro do período Yayoi, séculos I a III, proveniente de Kugahara, Ota-Ku, Toquio.
• 
  Bodhisattva, período Asuka, século VII.
• 
  Relato das viaxes de Nakahama Manjiro, 1850s.

Galería Asiática (Toyokan)

A Galería Toyokan ten dez salas de exhibición en cinco pisos, cunha excelente colección de obxectos artísticos e arqueolóxicos de varios países asiáticos. O museo alberga á maior e máis significativa colección de arte coreano, legado da época en que Corea era colonia xaponesa. Outros países de Asia nesta galería son China, India, e o sueste asiático. Aínda que non é de Asia, tamén Exipto está comprendido nesta galería. O edificio que alberga á galería Toyokan foi construído en 1968, deseñado por Taniguchi Yoshio. No primeiro piso, hai un restaurante, e unha tenda no vestíbulo.

• 
  Unha das primeiras representacións de Buda, séculos I-II Gandhara.
• 
  Buda sentado, Gandhara, séculos I-II.
• 
  Maitreya, nun trono ao estilo occidental, cun devoto Kushan. Século II Gandhara.
• 
  Bacanal, arte greco-budista de Gandhara, séculos I-II.
• 
  Bacanal, con vestidos e copas gregas. Arte greco-budista de Gandhara, século III.
• 
  Bodhisattva da dinastía Tang.
• 
  Placa de madeira, con inscricións en Tocariano. Kucha, China, séculos V ao VIII.

Hyokeikan

Hyokeikan foi inaugurado en 1909, para conmemorar o matrimonio do príncipe herdeiro (posteriormente Emperador Taishō). Este edificio foi designado posteriormente como Propiedade Cultural de Importancia, e é aberto unicamente en ocasións especiais e exposicións temporais.

Heiseikan

Heiseikan foi inaugurado en 1999, e é utilizado principalmente para exposicións temporais. Ademais, contén no primeiro piso á Galería Arqueolóxica Xaponesa, con artefactos que datan de 10.000 a. C. a 7.000 a. C.

• 
  As pedras puídas máis antigas do mundo, anteriores ao período Jomon, 30.000 a. C.
• 
  Olaría Jomon primitiva (10.000-8.000 a. C.).
• 
  Estatuiña do período Jomon tardío (1000 a. C.-400 a. C.).
• 
  Carruaxes de cabalos da era Kofun. Detalle de espello de bronce (séculos V-VI). Eta-Funayama Tumulus, Kumamoto.
• 
  Casco de ferro e armadura cond ecoracións de bronce, período Kofun, século V.
• 
  Estatuiña de cabalo Haniwa, completa con arnés e cadeira de montar, século VI.
• 
  Buda. Período Asuka, século VII.
• 
  Mosaicos de Nara, século VII.

Galería de Tesouros Horyu-Ji

Esta galería contén os obxectos recuperados durante a restauración Meiji, cando as terras do templo Horyu-ji, en Nara, foron tomadas pola familia imperial en 1878.

Notas

1. Top 100 Art Museum Attendance, The Art Newspaper, 2014.

Véxase tamén

Ligazóns externas

• Período Jomon
• Tokyo National Museum, website en inglés
• Website en xaponés
• Virtual Collection of Masterpieces (VCM)