From Wikipedia, the free encyclopedia
León III, nado en Roma e finado na mesma cidade o 12 de xuño de 816, foi Papa da Igrexa católica de 795 ao 816.
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2017.) |
![]() ![]() | |
Nome orixinal | (la) Leo PP. III ![]() |
---|---|
Biografía | |
Nacemento | 750 ![]() Roma (Estados Pontificios) ![]() |
Morte | p. 12 de xuño de 816 ![]() Roma ![]() |
Lugar de sepultura | Basílica de San Pedro ![]() |
![]() | |
31 de decembro de 795 – 12 de xuño de 816 (Gregoriano) ← Hadrián I – Estevo IV → ![]() | |
Datos persoais | |
País de nacionalidade | Estados Pontificios ![]() |
Relixión | Igrexa católica ![]() |
Actividade | |
Lugar de traballo | Roma Estados Pontificios ![]() |
Ocupación | sacerdote católico , escritor , bispo católico ![]() |
Lingua | Lingua latina ![]() |
Enaltecemento | |
| |
Día de festividade relixiosa | 12 de xuño ![]() |
![]() ![]() ![]() ![]() |
Escolleito Papa o 26 de decembro do 795, cando era cardeal de Santa Susana e responsábel do tesouro pontificio, foi consagrado o día seguinte. Inmediatamente comunicou a súa elección a Carlomagno e mandoulle unha carta coas chaves da tumba de San Pedro e a bandeira de Roma, acción coa cal recoñecía ao rei dos francos como protector da Santa Se.
León pertencía a unha familia modesta e como novo papa non contou co apoio da nobreza romana; unha parte dos seus membros, emparentados co anterior pontífice, organizaron unha emboscada durante unha procesión celebrada o 25 de abril do 799 na cal León resultou ferido, foi formalmente deposto e enviado ao mosteiro de Santo Erasmo, de onde conseguiu escapar e reunirse con Carlomagno en Paderborn, onde lle solicitou axuda. O rei dos francos, logo de recibir unha embaixada romana que acusou a León de adulterio e de falso xuramento, prestou o seu apoio a León non recoñecendo a súa deposición e escoltándoo ata Roma.
O ano seguinte, o 24 de novembro do 800, Carlomagno entrou a Roma onde convocou e presidiu un sínodo para escoitar os argumentos do Papa deposto e dos seus opositores. Durante este sínodo, León, o 23 de decembro, prestou xuramento afirmando que era totalmente inocente dos cargos que se presentaran contra el. Dous días despois, o 25 de decembro do 800, o Papa coroou a Carlomagno como emperador na Basílica de San Pedro. Así, León III colocou a coroa sobre a cabeza do Emperador mentres o pobo o aclamaba coas seguintes palabras:[1]
A Carlos Augusto, coroado por Deus, grande e pacífico emperador dos romanos, vida e vitoria!
Nun concilio celebrado en Aquisgrán o ano 809, prohibiu o uso da cláusula filioque e ordenou que o credo, sen esta cláusula, fose gravado sobre dúas mesas de prata e exposto na Basílica de San Pedro.
Con este acto, León III iniciou unha tradición que continuou ata o ano 1452 coa coroación de Federico III, de coexistencia dun emperador de Oriente e un emperador de Occidente, e supuxo para Roma unha afirmación da súa primacía, pero tamén un recoñecemento da existencia dun poder temporal, diferente do pontificio, que nas seguintes centurias provocou importantes conflitos cos emperadores xermánicos.
O papa León III foi importante para Galicia xa que unha vez descuberto o sepulcro do apóstolo Santiago, outorgou aprobación e veracidade ó achado mediante a epístola Noscat fraternitas vostra.[2]
León III morreu o 12 de xuño do 816 e foi enterrado na Basílica de San Pedro. Foi canonizado polo papa Clemente X, quen no ano 1673, fixo que entrase no Martiroloxio Romano.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.