Kaaba
From Wikipedia, the free encyclopedia
Kaaba (árabe: الكعبة ou Al Ka'abah Al Musharafah : الكعبة المشرًّفة tamén: al-Bait ul Ateeq البيت العتيق e al-Bait ul Haram البيت الحرام) é unha construción reverenciada polos musulmáns, na mesquita sagrada de Masjid al-Haram na Meca, e é considerado polos devotos do islam como o lugar máis sagrado do mundo.
 | |
| Un peregrino realiza unha oración preto da Kaaba. | |
| País: |  Arabia Saudita |
|---|---|
| Cidade: | A Meca |
| Construtor: | Profeta Adán |
| Datas: | 605 - Reconstrución da Kaaba Quraish 638 - Reconstrución de Abdullah ibn az-Zubayr 693 - Reconstrución de Abdul-Malik ibn Marwan 1629 - Reconstrución na época do sultán Murad Khan 1996 - Restauración da Kaaba |
| Base: | 11,03 m × 12,86 m |
| Altura: | 13,1 m |
| Mapa de localización | |
  Mecca Localización da Kaaba en Arabia Saudita. | |
A Kaaba é unha construción cúbica de 15,24 m de altura e está cercada por muros de 10,67 m e 12,19 m de altura. Está permanentemente cuberta por unha manta escura con bordados dourados que é regularmente substituída. No seu interior atópase a Pedra Negra (Hajar-ul-Aswad), unha pedra escura de preto de 50 cm de diámetro, considerada unha das reliquias máis sagradas do islam. É probabelmente o resto dun meteorito.
A Kaaba é o lugar máis sagrado do islam, referido frecuentemente como A Casa de Deus ou A Casa de Alá.[1]
Quibla
Os musulmáns teñen a obriga de orar en dirección á Kaaba, segundo recolle o Corán, esa dirección coñécese como quibla.
Peregrinación
A Kaaba é o punto de destino dos peregrinos musulmáns que realizan o Hajj e o Umrah.[2] O Hajj realízase no mes de Dhu al-Hijjah do calendario musulmán e o Umrah en calquera época do ano. A peregrinación á Meca é un dos piares do islam e é obrigatoria facela cando menos unha vez na vida para todos os musulmáns que estean en condicións físicas de realizala.
No período pagán, a Kaaba probabelmente simbolizaba o sistema solar, abrigando 360 ídolos, sendo así unha representación zodiacal. Cando o profeta Mahoma repudiou todos os deuses pagáns e proclamou un Deus único, Alá, a Kaaba pasou de ser un centro de peregrinación pagá a un centro da nova fe.
O edificio foi varias veces restaurado, sendo a actual construción datada no século VII, substituíndo a máis antiga que foi destruída no cerco de Meca en 683.
Segundo algunhas lendas islámicas, a Kaaba foi construída por Adán para adorar ao Señor Deus. Segundo o Corán, os fundamentos da Kaaba estableceunos Abraham, que recibiu a pedra negra do anxo Gabriel.
7 E aparecéuselle Deus a Abrahan (Ibrahim) e dixo: Á túa semente dareille esta terra. E edificou alí un altar ao Deus, que se lle aparecera.
8 E foise para a montaña á banda do oriente de Betel e armou a súa tenda, tendo Betel ao occidente e Ai ao oriente; e edificou alí un altar a Deus e invocou o nome de Deus.Antigo Testamento, Xénese 12, 7, 8.
E cando Abrahan e Ismael elevan os cimentos da casa, dicindo: ¡Noso Señor! acepta de nós (este traballo). Certamente Ti es quen todo o escoita, quen todo o sabe.Corán, Sura 2, verso. 127
Hoxe, a Kaaba representa a casa de Deus. Para o musulmán, que se volta cara a ela nas súas preces diarias, representa non só o centro do mundo, senón o centro do propio universo.
A Kaaba é unha construción de forma rectangular e medidas irregulares: 10,67 m de fronte, 12,19 m de lado e 15,24 m de alto. O edificio non ten fiestras e só hai unha porta de ouro. O exterior da Kaaba é de granito, o interior está cuberto de mármore e o teito é de madeira. Toda a estrutura cóbrese cunha tea negra de seda bordada con textos do Corán en ouro chamada kiswa.
A numeración correspóndese co debuxo situado enriba.
- الحجر الأسود Al-Ħajaru l-Aswad, a Pedra Negra, está situada na esquina oriental da Kaaba. A esquina norte coñécese como Ruknu l-ˤĪrāqī, a "esquina iraquí", a occidental como Ruknu sh-Shāmī, ou "recuncho de Levante", e a sur como Ruknu l-Yamanī a "esquina Iemení". Son as catro esquinas da Kaaba ou puntos cara ós catro puntos cardinais. O maior (longo) eixo está aliñado coa saída da estrela Canopus cara ó que se dirixe a súa parede sur, mentres que o seu eixo menor (as súas fachadas leste e oeste) están máis ou menos aliñadas coa saída do sol no solsticio de verán e a posta de sol do solsticio de inverno.
- A Porta da entrada mide 2,13 m dende o chan e está situada no muro norte-oriental, situada na fachada. En 1979 as portas foron feitas con 300 kg de ouro polo mestre artesán Ahmad bin Ibrahim Badr para substituír as portas de prata antigas feitas polo seu pai en 1942. Hai unha escada con rodas de madeira, normalmente gardada na mesquita entre a porta en forma de arco de Banū Shaybah e Zamzam Well.
- Meezab-i Rahmat, cano de auga de ouro para a choiva. Engadido na reconstrución de 1627 despois das inundacións que causaron o derrube de tres dos catro muros da Kaaba.
- šādarwān, reforzo engadido tamén en 1627 para protexer os alicerces de inundacións.
- hatīm-Hatim, a parede baixa é parte orixinal da Kaaba. É unha parede semicircular oposta, pero non conectada, está situada no N-W da Kaaba coñecida como Hatim. Ten 90 cm de altura e 1,5 m de ancho, e está feita de mármore branco. Vai tempo o espazo que hai entre o Hatim e a Kaaba pertencía á propia Kaaba, e por esta razón non se introduciu durante o tawaf. Algúns cren que a tumba de Ismael e a súa nai Agar atópase neste lugar. Os peregrinos non andan pola zona comprendida entre a parede e a Kaaba.
- Al-Multazam, é a parte do muro entre a Pedra Negra e a porta de entrada.
- مقام إبراهيم , Maqām Ibrāhīm, Estación de Abraham, protexido por unha urna de vidro e metal onde segundo a tradición Abraham deixou as pegadas dos seus pés.
- Esquina da Pedra Negra (Sur-Este).
- Esquina do Iemen (Sur-Oeste). Os peregrinos tradicionalmente pasan a man sobre unha gran pedra vertical que forma a esquina.
- Esquina de Siria (N-O).
- Esquina de Iraq (N-E).
- Kiswa, tea que envolve e cobre a Kaaba. A Kiswa é unha tea de seda negra e bordada en ouro, trócase tódolos anos durante a peregrinación Hajj. As dúas terceiras partes da súa altura é unha banda de ouro bordada con textos coránicos, incluído a Shahada, a declaración islámica de fe.
- Banda de mármore que marca o inicio e fin das circunvalacións.
- Estación de Gabriel (مقام جبريل, Maqām Yibrīl).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
