San Cristovo de Guntín é unha parroquia do concello de Bóveda na provincia de Lugo. Segundo o padrón municipal de 2008 tiña 78 habitantes (43 homes e 35 mulleres), distribuídos en 6 entidades de poboación: Aquelcabo, O Arroxo, Lama Redonda, Pardiñas, As Pedreiras e Vilar, o que supón unha diminución en relación ao ano 1999 cando tiña 116 habitantes.
Para outras páxinas con títulos homónimos véxase: Guntín (homónimos).
| Guntín | |
|---|---|
| Concello | Bóveda[1] |
| Provincia | Lugo |
| Coordenadas | 42°37′28″N 7°27′16″O |
| Poboación | 71 hab. (2019) |
| Entidades de poboación | 6[1] |
| [ editar datos en Wikidata ] | |
Pertence ó arciprestado de Santalla de Rei. Limita coas parroquias de Tuimil e Laiosa ao norte, Ver e Mosteiro ao sur, Freituxe ao leste, e Bóveda ao oeste.
No ano 1668 Juan Rodríguez de Ver fundou a capelanía de San Lázaro na igrexa parroquial.
- A igrexa parroquial é do século XVIII. Antecede ó edificio un pórtico con teito a tres augas. Trátase dunha construción con nave de planta rectangular e muros de cachotería enlucidos, con cuberta de madeira e lousa a dúas augas.
- Capela do Rosario. Situada no Campo da Mamoela, foi construída no ano 1832, e posúe un cruceiro no exterior.
- Capela do Pedregal. Situada no lugar de Vilar, nos terreos da Casa de Pedregal. Posiblemente do século XIX, ten planta rectangular e cuberta a dúas augas.
- Pazo de Guntín. Sitúase no lugar de Aquelcabo; edificio de planta en U, con muros de cachotería de lousa. A súa porta principal, en arco de medio punto, conserva un escudete con representación de barras e peixes, cunha cabeza de león sobre eles. Conserva outros escudos con motivos similares na porta interior e na torre oeste.
As festas celébranse a primeira fin de semana de agosto, na honra á virxe do Rosario.
Lugares de Guntín
| Lugares da parroquia de Guntín no concello de Bóveda (provincia de Lugo) | |
|---|---|
|
Aquelcabo | O Arroxo | Lama Redonda | Pardiñas | As Pedreiras | Vilar |
Parroquias de Bóveda
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
