Rubián, Bóveda
parroquia civil do concello de Bóveda From Wikipedia, the free encyclopedia
Santiago de Rubián é unha parroquia que se localiza no concello de Bóveda. Segundo o padrón municipal de 2020 tiña 281 habitantes (133 mulleres e 148 homes), distribuídos en cinco entidades, o que supón unha diminución en relación ao ano 2004 cando tiña 354 e en 1999 cando tiña 366 habitantes.
Para outras páxinas con títulos homónimos véxase: San Fiz de Rubián.
| Santiago de Rubián | |
|---|---|
 | |
| Concello | Bóveda[1] |
| Provincia | Lugo |
| Coordenadas | 42°39′15″N 7°28′39″O |
| Poboación | 281 hab. (2020) |
| Entidades de poboación | 5[1] |
| [ editar datos en Wikidata ] | |
Limita coas parroquias de Remesar, Vilarbuxán e San Fiz de Rubián ao norte, Bóveda ao sur, San Fiz de Rubián e Tuimil ao leste, e Teilán polo oeste.
A nota máis antiga desta parroquia aparece nun documento da Catedral de Lugo, datado o 17 de novembro de 1202.
- Igrexa de Santiago de Rubián do século XVIII, ten planta rectangular. A capela maior, diferenciada en planta da nave por ser máis estreita, antecédea un arco de medio punto en granito, e ten a sancristía apegada.
- Capela do Ecce Homo, do s.XVIII. Trátase dun edificio de planta en T, con muros de cachotería en lousa. A nave, con cuberta a dúas augas en madeira e lousa, comunica coa capela maior, diferenciada desta en planta e alzado e con cuberta a catro augas, por un arco de medio punto.
As festas parroquiais celébranse o 15 de setembro na honra ó Ecce Homo.
Rubián ten un equipo de fútbol, a Sociedad Deportiva Rubián, que na tempada 2018/19 xoga na Terceira Autonómica de Galicia. Xoga os seus partidos no Campo do Poste.
Lugares de Santiago de Rubián
| Lugares da parroquia de Rubián no concello de Bóveda (provincia de Lugo) | |
|---|---|
|
A Calle | Campo do Muro | A Eirexa | Pacio do Río | Rubián |
Parroquias de Bóveda
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
