![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Three_cell_growth_types.svg/langgl-640px-Three_cell_growth_types.svg.png&w=640&q=50)
División celular
proceso por medio do cal unha célula orixina células fillas / From Wikipedia, the free encyclopedia
A división celular é o proceso por medio do cal unha célula orixina dúas ou máis células fillas. A división celular nos seres pluricelulares é necesaria durante a embrioxénese, o crecemento, e para substituír as células que morren nos tecidos, e o ritmo de división varía moito dun tecido a outro[2]. Un ser humano ao longo da súa vida realiza miles de millóns de divisións celulares no seu corpo [3], pero as divisións dunha célula individual están limitadas debido ao acurtamento dos telómeros dos cromosomas, e no ser humano o número máximo de divisións é 52 (límite de Hayflick) [4][5]. As células canceríxenas crecen sen parar porque teñen grandes cantidades dun encima, a telomerase, que repara os telómeros [6]. Nos seres unicelulares a división celular completa equivale á reprodución do organismo.
![Thumb image](http://upload.wikimedia.org/wikipedia/commons/thumb/d/df/Three_cell_growth_types.svg/640px-Three_cell_growth_types.svg.png)
![Thumb image](http://upload.wikimedia.org/wikipedia/commons/9/9f/Time-lapse_video_of_dividing_cells.gif)