From Wikipedia, the free encyclopedia
O Congreso dos Deputados[7] é a cámara baixa das Cortes Xerais, o órgano constitucional que representa o pobo español. Reúnese para sesións no Palacio das Cortes, situado na praza das Cortes de Madrid.
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2020.) |
Congreso dos Deputados | |
---|---|
XIV lexislatura | |
Datos xerais | |
Ámbito | España |
Creación | 1977 |
Tipo | Cámara Baixa das Cortes Xerais |
Inicio de sesións | 17 de agosto de 2023 |
Presidenta[1] | Francina Armengol (PSOE) desde o 17 de agosto de 2023 |
Vicepresidente primeiro | Rodríguez Gómez de Celis, Alfonso (PSOE) desde o 3 de decembro de 2019 |
Composición | |
Membros | 350 deputados[2] |
Grupos representados | Segundo Goberno Sánchez (153)
PSOE
Unidas Podemos[lower-alpha 1] |
Salario | 42.709,24€/ano Salario base en 2020 sen incluír indemnizacións nin complementos.[6] |
Título III da Constitución | |
Eleccións | |
Sistema electoral | Escrutinio proporcional plurinominal mediante sistema d'Hondt con listas pechadas |
Última elección | 10 de novembro de 2019 |
Sede(s) | |
Palacio das Cortes Praza das Cortes, Madrid | |
Sitio web | |
www.congreso.es | |
Notas | |
|
A Constitución de 1978 establece un Parlamento bicameral. As Cortes Xerais están formadas polo Congreso dos Deputados e o Senado. Ámbalas dúas Cámaras representan o pobo español. As Cortes Xerais:
No entanto, este bicameralismo non supón unha equiparación completa entre Congreso e Senado. A Constitución resérvalle ó Congreso unha serie de funcións e facultades que revelan a súa primacía. Deste xeito, o Congreso autoriza a formación do goberno, pode provoca-lo seu cesamento, coñece en primeiro lugar a tramitación dos proxectos lexislativos e dos orzamentos e debe confirmar ou rexeitar as emendas ou vetos que pode aprobar o Senado sobor destes textos lexislativos.
Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa. |
O Congreso dos Deputados ten o seu antecedente máis remoto no Estatuto Real de 1834, outorgado pola raíña María Cristina, rexente durante a minoría de idade de Isabel II, e que estabeleceu por primeira vez en España a configuración bicameral das Cortes, ao dividilas en dous Estamentos: o de Próceres do Reino e o de Procuradores do Reino.
O Estamento dos Procuradores do Reino tiña carácter electivo e unha composición que correspondía netamente á representación das Cidades e Burgos con dereito de voto nas Cortes do Antigo Réxime.
Na Constitución de 1837, aprobada como consecuencia do Motín da Granxa de San Ildelfonso que forzou á raíña rexente a sancionala, recolleuse por primeira vez a denominación de «Congreso dos Deputados» para a Cámara Baixa das Cortes Xerais.
Nas sucesivas Constitucións de 1845, 1856, 1869 e 1876 preservaron a configuración do Congreso dos Deputados como unha cámara de representación popular, que nalgúns casos tivo atribuída preeminencia sobre o Senado en materia de forzas armadas e de contribucións e crédito público e control político aos membros do Goberno.
A Constitución establece que o Congreso contará cun mínimo de 300 e un máximo de 400 Deputados, debendo a lei electoral concretar este número. A normativa vixente (Lei Orgánica do Réxime Electoral Xeral de 19 de xuño de 1985) fixa en 350 o número de membros da Cámara.
Tódolos Deputados son elixidos por sufraxio universal, libre, igual, directo e secreto. A circunscrición electoral é a provincia. A lei electoral asigna dous escanos a cada unha delas e distribúe os demais en proporción á poboación respectiva. Ceuta e Melilla elixen un representante cada unha.
Cargo | Titular | Lista |
---|---|---|
Presidenta | Meritxell Batet | PSC |
Vicepresidente primeiro | Alfonso Rodríguez Gómez de Celis | PSOE |
Vicepresidenta segunda | Ana Pastor Julián | PP |
Vicepresidenta terceira | María Gloria Elizo | UP |
Vicepresidente cuarto | Ignacio Gil Lázaro | Vox |
Secretario primeiro | Gerardo Pisarello | ECP |
Secretaria segunda | Sofía Hernánz Costa | PSOE |
Secretario terceiro | Javier Sánchez Serna | UP |
Secretario cuarto | Adolfo Suárez Illana | PP |
Os deputados, o mesmo que os senadores, dispoñen de dúas importantes prerrogativas, que a Constitución lles recoñece, non con carácter de privilexio persoal, senón para protexer o exercicio das súas funcións. Inviolabilidade e inmunidade son propiamente garantías institucionais das Cámaras, das que gozan os seus membros en canto participan no desenvolvemento das funcións constitucionais asignadas ó Congreso dos Deputados.
Os deputados perciben unha asignación económica con cargo ós orzamentos da Cámara, tendo dereito, asemade, a outras axudas (dietas), franquías e indemnizacións por gastos indispensables para o cumprimento das súas funcións.[Cómpre referencia]
O Palacio das Cortes é o edificio que alberga o Congreso dos Deputados. Está situado entre a rúa Zorrilla e a Carreira de San Xerome, a escasa distancia do Paseo do Prado, en Madrid. É un dos edificios emblemáticos do Madrid do século XIX, de estilo neoclásico.
Wikimedia Commons ten máis contidos multimedia na categoría: Congreso dos Deputados |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.