Ana Mariscal

Ana María Rodríguez-Arroyo Mariscal, nada en Madrid o 31 de xullo de 1921^[1] e finada na mesma cidade o 28 de marzo de 1995, foi unha actriz, directora e produtora española. A crítica considerouna unha das mellores directoras de cinema europeo do século XX.^[2]

Ana Mariscal

(1944)
Biografía
Nacemento	(es) Ana María Rodríguez Arroyo 31 de xullo de 1923 Madrid, España
Morte	28 de marzo de 1995 (71 anos) Madrid, España
Lugar de sepultura	Cemiterio de La Almudena
Actividade
Ocupación	actriz, guionista, actriz de cinema, escritora, directora de cinema, produtora
Período de actividade	1940 - 1989
Familia
Irmáns	Luis Arroyo
Premios
(1994)  Medalla de Ouro ao Mérito nas Belas Artes (1950)  Medal of the Circle of Cinematographic Writers for the best actress (en) , premiado polo traballo Woman to Woman (en) (1949)  Medal of the Circle of Cinematographic Writers for the best actress (en) , premiado polo traballo A Man on the Road (en) (1945)  Medal of the Circle of Cinematographic Writers for the best actress (en) , premiado polo traballo A Shadow at the Window (en)

Traxectoria

Mariscal en 1952

Debutou no cinema por casualidad: sendo estudante de Ciencias Exactas acompañou o seu irmán, o actor Luis Arroyo, ás probas para a rodaxe da produción hispano-italiana El último húsar (1940), de Luis Marquina; o director fixouse nela e decidiu darlle o segundo papel feminino do filme.^[3] Un anos despois protagonizou Raza, de José Luis Sáenz de Heredia, xunto a Alfredo Mayo, e converteuse nunha das grandes estrelas do cinema español do momento. Iniciou así unha traxectoria chea de grandes éxitos na pantalla grande que se prolongou durante máis dunha década. Rodou durante ese tempo entre outras Vidas cruzadas (Luis Marquina, 1942), Mañana como hoy (Mariano Pombo, 1947), La princesa de los Ursinos (Luis Lucia, 1947), El tambor del Bruch (Ignacio F. Iquino, 1948), Pacto de silencio (Antonio Román, 1949) ou Un hombre va por el camino (Manuel Mur Oti, 1949). Durante a rodaxe desta última coñeceu a Valentín Javier García Fernández, con quen contraeu matrimonio en 1954.^[4]

Compaxinou a súa presenza na gran pantalla con destacadas interpretacións sobre os escenarios, onde debutara ao inicio da década no Teatro María Guerrero, da man de Luis Escobar. En 1945, Mariscal representou en Valladolid Don Juan Tenorio de José Zorrilla. Polas noites interpretaba a Dona Inés, mais polas tardes atreveuse co papel de Don Juan, o que foi cualificado por algúns como «irreverente», e chegando a realizarse un xuízo literario contra ela, con acusador, defensor e tribunal. Foi absolta da súa «ousadía».^[5]

Ao iniciarse a década dos cincuenta comezou a espazar as súas aparicións como actriz e creou a produtora Bosco Films. Pouco despois comezou a producir, dirixir e escribir os guións dos seus propios filmes: Segundo López, aventurero urbano (1953), Misa en Compostela (1954) e Con la vida hicieron fuego (1959). Foi en 1963, con El camino, cando logrou o recoñecemento da crítica ao seu labor detrás da cámara.

Ademais dos seus propios filmes rodou outros ás ordes de diferentes directores, se ben de xeito moito máis esporádico. Apareceu en títulos de enorme repercusión comercial no seu momento, como Jeromín (Luis Lucia, 1953), Un día perdido (José María Forqué, 1954) e Morena Clara (Luis Lucia, 1954).

Trala súa voda en 1954, a parella marchou á Arxentina, onde permaneceron dous anos. Alí, Mariscal traballou nalgúns filmes como En carne viva, Bacará, de Kurt Land; Enigma de mujer, de Enrique Cahen Salaberry; Los maridos de mamá, de Edgardo Togni. Tamén apareceu na televisión e interpretou no teatro obras de Federico García Lorca.^[6]

De volta a España, traballou en filmes da súa propia produtora, ademais de aceptar papeis en obras doutros directores: La violetera (1958), de Luis César Amadori ou La reina del Chantecler (1958). Deu tamén clases de interpretación no IIEC (Instituto de Investigacións e Experiencias Cinematográficas) entre 1957 e 1960.^[7]

Nos seus últimos anos viviu voluntariamente afastada do mundo do espectáculo e dedicouse por completo á literatura.^[8] En xaneiro de 1995 foille concedida a Medalla de Ouro ao mérito nas Belas Artes.^[9]

Faleceu o 28 de marzo de 1995 aos 71 anos nun hospital de Madrid a causa dun cancro. Foi enterrada ao día seguinte no Cemiterio da Almudena.^[10]

Filmografía

Ano	Título	Acreditada como			Dirección	Notas
		Intérprete	Directora	Produtora
1940	Amore di ussaro	Si			Luis Marquina	Coproducción hispano-italiana
1940	La florista de la reina	Si			Eusebio Fernández Ardavín	Adaptación da obra de teatro homónima
1942	Raza	Si			José Luis Sáenz de Heredia
1942	¡Qué contenta estoy!	Si			Julio de Fleischner
1942	Siempre mujeres	Si			Carlos Arévalo
1942	Vidas cruzadas	Si			Luis Marquina
1943	Cuarenta y ocho horas	Si			José María Castellví
1944	Cabeza de hierro	Si			Ignacio F. Iquino
1945	Una sombra en la ventana	Si			Ignacio F. Iquino	Premio CEC á mellor actriz
1945	¡Culpable!	Si			Ignacio F. Iquino
1945	Viento de siglos	Si			Enrique Gómez
1945	El obstáculo	Si			Ignacio F. Iquino
1947	Dulcinea	Si			Luis Arroyo
1947	Noche sin cielo	Si			Ignacio F. Iquino
1947	La princesa de los Ursinos	Si			Luis Lucia
1948	El tambor del Bruch	Si			Ignacio F. Iquino
1948	Mañana como hoy	Si			Mariano Pombo
1948	La próxima vez que vivamos	Si			Enrique Gómez
1948	La vida encadenada	Si			Antonio Román
1949	Aquellas palabras	Si			Luis Arroyo
1949	Pacto de silencio	Si			Antonio Román
1949	Doce horas de vida	Si			Francisco Rovira Beleta
1949	Un hombre va por el camino	Si			Manuel Mur Oti	Premio CEC á mellor actriz
1950	De mujer a mujer	Si			Luis Lucia	Premio CEC á mellor actriz
1950	La fuente enterrada	Si			Antonio Román
1951	El gran galeoto	Si			Rafael Gil	Baseado na obra homónima de José Echegaray
1953	Segundo López, aventurero urbano	Si	Si	Si	Ana Mariscal	Coguionista
1953	Jeromín	Si			Luis Lucia	Baseado na novela homónima de Luis Coloma
1953	Vértigo	Si			Eusebio Fernández Ardavín
1954	Misa en Compostela		Si	Si	Ana Mariscal	Documental. Locución: Ana Mariscal
1954	Morena Clara	Si			Luis Lucia
1955	En carne viva	Si			Enrique Cahen Salaberry
1955	Un día perdido	Si			José María Forqué
1955	Bacará	Si			Kurt Land
1956	De noche también se duerme	Si			Enrique Carreras
1956	Los maridos de mamá	Si			Edgardo Togni
1956	Enigma de mujer	Si			Enrique Cahen Salaberry
1958	La violetera	Si			Luis César Amadori
1958	Hay que bañar al nene	Si			Edgardo Togni
1958	Patio andaluz	Si			Jorge Griñán
1958	Carlota	Si		Si	Enrique Cahen Salaberry	Baseado na obra homónima de Miguel Mihura
1959	Juego de niños	Si		Si	Enrique Cahen Salaberry	Baseado na obra homónima de Víctor Ruiz Iriarte
1959	Con la vida hicieron fuego	Si	Si	Si	Ana Mariscal	Diálogos
1959	Il magistrato	Si			Luigi Zampa	Coprodución hispano-italiana
1960	La quiniela	Si	Si	Si	Ana Mariscal
1961	Hola, muchacho	Si	Si	Si	Ana Mariscal
1962	Feria en Sevilla	Si	Si	Si	Ana Mariscal
1962	La reina del Chantecler	Si			Rafael Gil
1962	Occidente y sabotaje	Si	Si	Si	Ana Mariscal	Coguionista
1963	El camino		Si	Si	Ana Mariscal
1964	L'autre femme	Si			François Villiers	Coprodución hispano-francesa
1966	Los duendes de Andalucía		Si	Si	Ana Mariscal	Coguionista
1966	Vestida de novia	Si	Si	Si	Ana Mariscal	Coguionista
1968	El paseíllo	Si	Si	Si	Ana Mariscal	Coguionista
1987	El polizón del Ulises	Si			Javier Aguirre	Baseado no relato infantil homónimo de Ana María Matute

Notas

1. Arranz Martín, Vidal (8-6-2021). "El misterio de Ana Mariscal". El Debate (en castelán). Aunque la investigadora Victoria Fonseca estableció sin margen de error ya en 2002, en su libro Ana Mariscal. Una cineasta pionera, la fecha de 31 de julio de 1921 como la de su nacimiento, en las principales fuentes de información sigue figurando la errónea de 1923
2. "De delante a detrás de la cámara". Filmotech. Consultado o 16 de agosto de 2012.
3. Borau 1984, p. 544.
4. «La actriz Ana Mariscal se ha casado», en hemeroteca.abc.es.(16/05/1954).
5. «El día que Don Juan fue ella», en www.elnortedecastilla.es. 2 de xaneiro de 2018.
6. Castro, Antonio (27 de marzo de 2020). "Ana Mariscal: 25 años después de su muerte". madridiario.es (en castelán). Consultado o 17 de decembro de 2022.
7. «Ana Mariscal: una mujer marcada» en cvc.cervantes.es.
8. Mariscal 1984
9. Anuncio oficial en www.boe.es.
10. «Fallece la actriz y directora de cine Ana Mariscal», en elpais.com.

Véxase tamén

Bibliografía

• Borau, José Luis (dir.) (1998). Diccionario del cine español (en castelán). Madrid: Alianza Editorial. ISBN 978-84-2065-257-3.
• Fonseca Aguilar, Victoria (2000). Ana Mariscal (1921-1995), biofilmografía de una cineasta española (Tese) (en castelán). Universidade de Sevilla.
• Gregori, Antonio (2009). El cine español según sus directores (en castelán). Madrid: Ediciones Cátedra. ISBN 978-84-376-2614-7.
• Mariscal, Ana (1984). Cincuenta años de teatro en Madrid (en castelán). Madrid: El Avapiés. p. 172. ISBN 978-84-86280-04-8.
• Mariscal, Ana (1943). Mi vida. Madrid: Ed. Astros.
• Martínez Tejedor, María Concepción (2016). Directoras pioneras del cine español (en castelán). Madrid: Fundación FirstTeam. ISBN 978-84-608-3879-1.

Ligazóns externas

• Ana Mariscal en La noche del cine español. Minutos 15 a 97